Teeb tsa tau xov tooj cua Special Broadcasting Services (SBS) los tau txwm 50 xyoo lawm txij li thaum tau tsim lub xov tooj cua no rau hnub tim 9 lub 6 hlis ntuj xyoo 1975 los txog tam sim no.
Al Grassby uas yog tus nom tswj dej num tsiv teb tsaws chaw lub caij ntawd yog tus los qib lub xov tooj cua SBS uas lub caij ntawd tseem yog 2EA ntawm Sydney thiab 3EA ntawm Melbourne muaj hom phiaj coj los nthuav qhia tej xov xwm ua ntau hom lus txog cov kev kho mob Medibank (uas tam sim no yog Medicare) rau tej neeg zejzog coj ntseeg ntau yam kab lis kev cai thiab hais ntau hom lus kom paub txog cov kev kho mob no.
Domenico Dentile yeej yog ib tug neeg nthuav xov xwm rau SBS Italian program txij xyoo 1977 lawm. Nws hais tias ''''SBS yog lub chaw nthuav xov xwm tseem ceeb heev'' vim pab kom tej neeg zejzog pawg tsawg tau sib koom npoj tsis yog tsim kev sib tawg tswj tab sis yog tsim kom lawv sib koom.''
Joe Axiaq uas yog tus tau pib nthuav xov xwm rau SBS Maltese program yav lig lub caij xyoo 1980s ntawd hais tias ''Yog thaum yus qhib xov tooj cua mloog es hnov cov kev nthuav xov xwm ua yus hom lus thiab tso tej nkauj ua yus yam lus, ces ua rau yus zoo siab tshaj plaws li. Lub xov tooj cua no ces pab kom yus mloog tias yus yog ib feem ntawm tej zejzog, vim ua rau tej neeg pom tias yog peb lub xov tooj cua thiab yog peb cov program.''
Dua ntawm tej kev nthuav xov xwm los nthuav tej xov xwm thiab tso ntiaj teb cov kev sib tw ncaws rau Australia saib.
Txog xyoo 1980 ces tau tsim SBS TV, thiab tam sim no SBS muaj 6 hom media platforms nthuav xov xwm thiab nthuav tej xov xwm ua digital hauv SBS On Demand rau neeg Australia saib thiab mloog.
Jamese Taylor uas yog SBS tus Managing Director hais tias ''Peb (SBS) yog Australia lub chaw nthuav xov xwm ua tau txais kev ntseeg siab tshaj plaws ntawm tej xov xwm uas peb nthuav tawm. Tej no thiaj yog lub hauv paus tseem ceeb ntawm cov kev nthuav xov xwm, thiab peb kuj tau yeej los ua lub chaw nthuav xov xwm ntawm lub xyoo 3 xyoos sib law liag diam.''
Xyoo 2012 ces SBS tau teeb tsa chooj NITV coj los qhia txog neeg txum tim tej dab neeg nrog rau lwm yam xov xwm tso hauv xov tooj cua thiab online los yog current affairs uas muaj neeg txum tim tawm tswv yim thiab qhia txog lawv tej kev xav txog ntau yam.
Tau 50 xyoo uas teeb tsa xov tooj cua SBS no, ces ua rau SBS muaj cov program nthuav xov xwm ua suab lus thiab ntawv tshaj 60 hom lus, uas tsim raws li cov kev txheeb pej xeem.
Naini Ahmad uas yog tus tswj SBS Malay program hais tias ''10 xyoo dhau los no tau muaj tej hluas neeg Malaysia uas muaj txuj ci thiab tsis muaj tau tsiv teb tsaws chaw tuaj nyob teb chaws Australia no, ces lub xov tooj cua nthuav xov xwm Malay no thiaj tseem ceeb pab tej neeg no kom lawv muaj peev xwm ua tau lub neej ntawm lub teb chaws tshiab (Australia) no.''
James Taylor uas yog SBS tus Managing Director rov qab hais ntxiv tias ''Txog nrab xyoo tom ntej no (2026) ces peb yuav coj ntiaj teb chov kev sib tw loj tshaj plaws uas yog ntiaj teb cov kev sib tw ncaws pob FIFA Men's World Cup coj los tso rau sawv daws saib. Thiab peb tseem koom tes nrog tsoom fwv Australia los xyuas seb puas tsim tau SBS ib lub chaw nthuav xov xwm tshiab rau ntawm Western Sydney thiab.''
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
