Sunil tau yuav ib lub tsheb hauv Facebook Marketplace, tab sis tom qab tsav lub tsheb ntawd mus lawm ces txawm muaj ib lub suab nrov ua rau nws txhawj heev.
Sunil tau qhia rau tus tswv muag tsheb tias kom rov qab tuaj coj lub tsheb mus. Thaum kawg Sunil thiaj tau txiav txim coj mus kho thiab mam kom tus tswv muag them qhov tshaj uas yuav tau them ntxiv.
Nws tau qhia rau SBS Examines tias ''Tus tswv muag tau pib hawv kuv thiab tau hais tias nws yuav hais kom nws tus kws lij choj ntsib kuv thiab yuav coj kuv mus hais plaub,''
"Tab sis vim kuv cov visa ces kuv thiaj ntshai tsis xav mus hais plaub vim tsam cov kev hais plaub yog ib co xwm txheej tsis zoo rau kuv, ces kuv thiaj yuav tau rho nyiaj them kho lub tsheb kuv yuav ntawd kheej xwb.''
Sunil tau hais tias tej no yeej ib txwm yog ib co kev xav rau ntau tus neeg uas thov tau visa nyob ib ntus siv.
Nws tau hais tias ''Peb tej zejzog uas tau tej visa nyob ib ntus siv yeej txhawj tias tsam peb yuav tsis tau visa siv yog peb raug nplua. Ces peb thiaj yuav tau them txawm tej thaum peb paub tias tsis yog peb txhaum los yog peb raug nplua yuam kev xwb.''
Ann Emanuel uas yog tus hau kws lij choj ntawm lub koom haum Immigration Advice and Rights Centre tau hais tias tos ho muaj tej kev ntshai no feem ntau thiab tej xov xwm yuam kev no los twb vim yog Australia cov migration system sib chab sib chaws heev.
Nws tau hais tias "Peb yeej tau hnov tej neeg coob heev tuaj ntsib peb muaj lwm tus hais rau lawv tias lawv yuav tsis tau visa siv thiab yuav rau xa rov qab ...Ib feem xyuam tos ho zoo li no los twb vim yog peb muaj cov migration system uas sib chab sib chaws tsis nkag siab tau yooj yim siv.''
Ms Emanuel tau hais tias tej kev siv visa hawv lwm tus tshwm sim ntau tshaj plaws ntawm tej chaw ua hauj lwm los yog tej xwm txheej kub ntxhov hauv lub cuab yig.
Nws tau hais tias "Thiaj ua rau tej neeg ntshai heev tias tsam muaj teeb meem ntau yam rau lawv yog lawv tsis ua hauj lwm rau tus tswv lagluam ntawd los yog tsis nrog tus neeg tos lawv tuaj nyob los yog lawv tseem qhia tej xwm txheej no rau nom tswv paub.''
Nyob rau toom xov xwm SBS Examines no, peb nug tias tej xwm txheej zoo li cas thiaj yuav ua rau nom tswv Australia tsis pub visa rau yus siv thiab tham tias seb tej xov xwm cuav tau ua rau muaj lwm tus siv tej visa los yuam lwm ib tug neeg twg li cas.
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follw los yog lwm cov podcasts platforms (iHeart, Amazon Music & Podcasts).
