Sikhism ces yog ib co kev ntseeg uas muaj neeg coob tshaj plaws tuaj ntxiv ntawm Australia txij xyoo 2011 vim muaj neeg tsis teb tsaws chaw tuaj nyob coob ntxiv ntawm teb chaws no.
Tab sis kuj tseem xam tias tsuas yog ib co kev ntseeg uas muaj neeg tsawg tsawg ntseeg xwb thiab, raws li cov kev txheeb pej xeem xyoo 2021 txheeb tau ces tej neeg Sikhs tsuas muaj coob txog li 0.8% ntawm Australia tej pej xeem xwb.
Tej thaum ces yeej muaj cov kev faib cais yog thaum ib tug twg pom lwm tus ntoo koos mom los yog pom ib tug neeg tawv nqaij txho, los yog ib tug neeg muaj fwj txwv. Ces thiaj tseem yog tej yam peb tsis xav tau thiab yog ib co kev faib cais uas peb tsis pom qab yuav hais tau li cas li.Jasbir Singh Suropada, tuam thawj tswj lub koom haum Sikh Interfaith Council of Victoria
Jasibir Singh Suropada uas yog tus tuam thawj tswj lub koom haum Sikh Interfaith Council of Victoria thiaj tau hais tias cov neeg Sikhs yeej tseem ntsib cov kev raug faib cais uas ua tso tshav lug los yog ua tej yam me dab tsi los faib cais lawv thiab.
Nws thiaj tab tom uas tib zoo los ua hauj nrog tej coj ntawm lwm cov zejzog kom zej tsoom muaj kev totaub zoo tuaj ntxiv txog cov kev ntseeg Sikhism.
Nws tau hais tias "Yeej tseem muaj cov kev totaub yuam kev tias tej neeg no (neeg Sikhs) yog co teeb meem, tab sis qhov tseeb tias lawv yeej yuav tau txiaj ntsim rau teb chaws no thiab. Tsis hais ib tug twg li uas pom ib tug neeg ntoo koos mom, ces xav kom nej qhia nej tus kheej tias tus neeg no yob ib tug uas nej muaj peev xwm mus ntsib thiab thov tau kev pab cuam thiab,"
"Peb yeej muaj peb yam uas peb ntseeg li zaum twj ywm tswj kom peb lub siab tus, khwv tau tej nyiaj dawb huv coj los siv, thiab thaum peb khwv tau lawm ces peb yeej faib peb tej nyiaj no coj mus pab rau lwm cov neeg txom nyem thiab."
Toom xov xwm kaw ua suab hu ua Totaub txog cov kev ntxub (nderstanding Hate) no txheeb txog tej teeb meem uas yuav muaj tau los rau cov kev faib cais tej neeg zejzog Sikh ntawm Australia, thiab seb tej coj ntawm tej zejzog hos tab tom daws tej kev ntaus nqe yuam kev no li cas.
