Yeej muaj Australia tej pej xeem hais lus ntau tshaj 300 hom tom lawv tej vaj tse tab sis zoo li yeej tsis tshua muaj kev txhawb nqa kom qhia tej lus no tom tej chav kawm lso yog tej teej kawm raws li qhov tsim nyog li.
Vim li ntawd SBS thiaj li tau tsim cov kev sib tw SBS National Language Competition 2018 coj los ua ib cov kev txhawb nqa Australia tej me yes (tub kawm) kom kub siab los kawm ib hom lus thiab ntawv txawv teb chaws thiab qhia tias seb kev kawm tej ntaub ntawv no ho tau txais txiaj ntsim dab tsi rau lawv.
Xyoo no twb yog xyoo 3 lawm uas SBS tau los txhawb nqa cov kev sib tw no, thiab yeej tau muaj txog li 70 hom lus raug coj los sib tw rau 2 lub xyood dhau los no lawm thiab.
Xyoob 2018 no ces SBS yuav muab cov lus English thiab cov lus Indigenous coj los koom nrog cov kev sib tw National Language Competition no thiab.
Raws li Mandi Wicks uas yog SBS tus coj Language Content tau qhia "Lub hom phiaj yog coj los ua kev zoo siab thiab txhawb nqa kom Australia tej tub kawm tib los kawm ib hom lub txawv teb chaws, kawm lawv tej ntaub ntawv kom lawv ceev txhua tau lawv tej lus tej ntawv, ceev txuag tau lawv lub cim thawj thiab kom lawv khaw tau lawv tej kev cai dab qhuas los yog mloog tau tias lawv yog ib feem ntawm lub teb chaws Australia no thiab." Kate McCrae uas yog tus lwm coj lub teej kawm Georges River College tau qhia tias "tos ho muaj ntau tus tub kawm mus kawm ib hom lub txawv teb chaws twg los twb vim yog law nyiam kawm, lawv ho siv tom tsev los yog xav kawm txuas ntxiv hauv tsev kawm qib siab los sis yog kawm thiab paub ntau hom lus ces yuav zoo rau lawv kom lawv ho muaj peev xwm ua tau hauj lwm thoob ntuj thiab tau txais txiaj ntsim ntau yam rau lawv."
Yog koj xav koom SBS cov kev sib tw National Language Competition ces yuav tsum xa koj ib daim duab thiab sau ib sob lus ua hom lus txawv teb chaws uas koj kawm ntawd tias yuav tau txais txiaj ntsim dab tsi rau koj ces muab xa rau SBS rau ntawm lub vas sab no tsis pub dhau hnub tim 18 lub 11 hlis ntuj xyoo 2018 no.
Please check SBS National Language Competition website here for more information.#
More information:
1) Some tips to help SBS Naitonal Language Competition 2018 https://www.sbs.com.au/radio/article/2018/09/12/nlc18-helpful-hints
2) Some FAQs about SBS National Language Competition 2018 https://www.sbs.com.au/yourlanguage/turkish/en/article/2018/10/22/sbs-national-languages-competition-2018-faqs?cx_navSource=related-side-cx#cxrecs_s
3) For technical problems and general enquiries, please email us at queries.nlc@sbs.com.au. For media enquiries, contact Uma.Sandeep@sbs.com.au
