Xyoo 2016 yog ib xyoos uas muaj neeg muaj neeg tau txais tej khoom nrog cev coj los nruab rau lawv lub cev hauv tebchaws Australia no ntau tshaj txhua xyoo tab sis tseem xav kom tej neeg mus teev zwm npe los ua cov neeg kam thiab pub lawv tej khoom nrog cev (Plab, plawv, siab, ntsws, raum thiab lwm yam) pub rau Australia tej neeg txog li 1,400 tus uas tseem tos kom tau cov khoom no los hloov rau lawv lub cev vim tseem muaj cov neeg txog li 12,000 tus thoob teb chaws Australia yuav tau mus lim ntshav vim lub raum tsis zoo.
Pej xeem Australia feem coob los yeej txaus siab yuav pub lawv tej khoom nrog cev thiab tej nqaij (Tissues) rau lwm tus siv tom qab uas lawv tas sim neej lawm. Tab sis lawv yeej tseem tsis tau los ua tib zoo xyuas kom muaj peev xwm ua tau tej hauj lwm no tiag.
Mus teev zwm koj npe thiab nrog koj tsev neeg tham:
Thawj yam ces yuav tsum tau mus teev zwm koj npe kom koj yog ib tug neeg txaus siab thiab tso cai pub koj tej khoom nrog cev rau lwm tus siv ntawm lub koom haum Australian Donor Register. Koj muaj peev xwm teev zwm npe rau hauv online tau ntawm no: here, thiab tsuas siv sij hawm li ob peb ntiag tiv (A few minutes) xwb.
Tsis tas li no koj yuav tau tham thiab sab laj nrog koj tsev neeg thiab qhia lawv paub tias koj tau teev zwm npe ua cov neeg pom zoo tso cai thiab pub koj tej khoom nrog cev rau lwm tus siv lawm. Thiab yog thaum koj tsis muaj peev xwm hais lus sawv cev tau rau koj lawm ces koj tsev neeg thiab koj cov txheeb ze yuav ua cov qhia txog koj txoj kev txiav txim siab rau tej tsev kho mob paub tias koj xav ua li cas kom yooj yim rau cov kev pub koj tej khoom nrog cev rau lwm tus siv.
Koj muaj peev xwm teev zwm npe los ua cov neeg kam thiab pub koj tej khoom nrog cev rau lwm tus siv ntawm no: Register to become a donor here. 
Source: Organ and Tissue Authority
Tab sis ho khiav cov hauj lwm pub khoom nrog cev no rau lwm tus siv li cas xwb?
Ib co laj thawj tseem ceeb uas qhia tau tias yog vim li cas cov kev teev zwm koj npe los ua cov neeg tso cai thiab pub koj tej khoom nrog cev rau lwm tus siv thiaj tseem ceeb heev no ces vim yog muaj neeg tsawg tus thiaj muaj cai los teev zwm ua cov neeg pub tau tej khoom nrog cev rau lwm tus siv xwb thaum lawv tas sim neej ntawm tsev kho mob los yog chav tu cov neeg mob hnyav uas yuav tau tu ntshis txhua sij hawm xwb uas cov kws kho mob rho cua tawm thaum lawm uas tsuas muaj txog li 1000 tus rau ib xyoos twg hauv Australia no xwb.
Tsis tas li no los cov kws kho mob yeej yuav tsum tau kub siab los siv txhua txoj hauv kev los kho cov neeg mob no kom kawg tswv yim kom cawm tau ib tug neeg twg txoj sia ua qhov tseem ceeb tshaj plaws ua ntej tso. Yog thaum kawg tswv yim thiab tsis muaj lwm txoj hauv kev kho tau thiab ua tau li cas lawm xwb mas thiaj mam tham txog cov kev pom zoo muab tus neeg mob ntawd cov khoom nrog cev coj mus pub rau lwm tus neeg siv tau.
Dr Helen Opdam uas yog tus coj tswj cov dej num kho mob thiab tshuaj ntawm lub koom haum Organ and Tissue Authority hais tias lawv yeej tau kub siab heev los ua tib zoo txheeb xyuas cov txheej txheem cuam tshuam txog cov kev pub tej khoom nrog cev rau lwm tus siv no kom ntxaws thiab uas kom raug kev raws cai uas pub ua tau xwb.
Dr. Opdam tau qhia rau xov tooj cua SBS Radio tias:
" Lawv yeej txib cov kws phais neeg tshaj lij heev los ua cov phais tej khoom nrog cev ntawm cov neeg mob uas tas sim neej no, thiab yeej ua tib zoo saib xyuas kom muaj kev cam hwm tus neeg tas sim neej tsis yog yuav muab phais ua lwj ua liam. Thiab tus neeg tas sim neej ua raug phai khoom nrog cev tag ntawd yeej muaj peev xwm ua lub ntees qhia nws lub tsev laus rau sawv daws tuaj hlub tuaj tu moo ua zaum kawg (Open-casket funeral) tau tib yam thiab."
Ntxiv ntwad los Dr Opdam kuj tau hais ntxiv tias "Yeej tau muaj ntau yim neeg txaus siab heev thiab tau pab kom ua tau raws li tus tau ncaim lus tej lus cog tseg los yog ua tau raws li nws txoj kev ntshaw lawm thiab"
Neeg mob thiab kws kho mob-Getty Source: Getty
Tej mooj kav moj coj (Kev coj ntseeg (Religions)) los yeej pom zoo txhawb nqa kom tej neeg pub lawv tej khoom nrog cev rau lwm tau siv thiab:
Nyob teb chaws Australia no, ces txhua cov kev coj ntseeg tseem ceeb yeej txhawb nqa kom tej neeg sawv daws pub lawv tej khoom nrog cev rau lwm tus tau siv. Tsis tas li no los lub koom haum Organ and Tissue Authority yeej tau lis dej nuam nrog tej kev coj ntseeg ntau yam thiab yeej tau nrog tsoom theej tswj ntawm tej neeg zejzog ntau lus los tsim ib co xov xwm tseem ceeb qhia txog tej hauj lwm no los pab rau zej tsoom ua ntau hom lus thiab. Kom muaj peev xwm nrhiav tau cov xov xwm ntawm no: here.
Lub lim piam Donate Life Week:
Donate Life Week yuav pib txij zwj thaj tim 30 lub 7 hli ntuj mus txog rau zwj tham tim 6 lub 8 hli ntuj (30 Jul-06 August 2017), uas yog ib lub zoo tsam thawj rau cov neeg tuaj yeem pom zoo xav mus teev zwm lawv npe los ua cov neeg tso cai pub lawv tej khoom nrog cev rau lwm tus siv thiab nrog lawv tsev neeg tham txog tej hauj lwm no.
Koj muaj peev xwm qhia koj cov kev txiav tsim siab cuam tshuam txog cov hauj lwm no rau hauv social media thiab mus siv cov hastags #makeitcount thiab #donatelife, coj los txhawb nqa kom lwm tus neeg mus teev zwm lawv npe tau thiab.
Cov koom txoos qhia txog tej dab neeg uas pab cawm lub tus txoj sia (Life Giving Stories):
Lub koom txoos Life Giving Stories yog ib lub koom txoos coj los qhia txog cov dab neeg ntawm cov neeg Australia 5 hom uas coj ntseeg kev cai dab qhuas sib txawv thiab hais lus tsis sib thooj ntawd. Lawv yuav ua lub koom txoos no rau ntawm lub tsev khawb ntawv thiab txuj ci Bankstown Library & Knowledge Centre, ntawm nroog Sydney rau hnub tim 6 August, txij sij hawm 2 pm txog 4 PM.
Lwm cov xov xwm tseem ceeb (Useful links):
Kev teev zwm npe kom muaj cai tau ras los ua cov neeg pub koj tej khoom nrog cev rau lwm tus siv:
Totaub txog cov txheej txheem pub khoom nrog cev rau lwm tus siv:
Cov xwm xwm thiab peev txheej ntwam ntau haiv neeg thiab tej ncauj lug los ntawm tsoom coj moojkav moj coj kev coj ntseeg:
5 co kev xav uas tsis muaj tseeb cuam tshuam txog cov kev pub tej khoom nrog cev rau lwm tus siv hauv teb chaws Australia:
Lub koom haum AFL (Australia Football League) cov kev txhawb nqa kom tej neeg pub lawv cov khoom nrog cev rau lwm tus tau siv:
Cov lus tawm tswv yim txog cov kev pub khoom nrog cev rau lwm tus siv hauv teb chaws Australia:
Cov kev nqua hu thiab txhawb nqa kom ntau haiv neeg coj ntseeg kev cai dab qhua thiab hais ntau hom lus sib txawv pub tej khoom nrog cev rau lwm tus siv ua ntej yuav muaj cov kev sib tw Australian Transplant Games:
Thiab daim yeej yaj duab tham txog cov hauj lwm no:
