Settlement guide: Tsim kom tau txais kev nyab xeeb rau tej lagluam me rau lub caij kab mob COVID-19 kis thoob ntuj

Lub caij tus kab mob COVID-19 tau tsim teeb meem rau tag nrho Australia tej lagluam, tsis hais yog tej txhab nyiaj, tsoom hwv teb chaws, tsoom hwv xeev yuav tau maj zojzog los siv ib co tswv yim los pab kom tej lagluam me ua tau lagluam txuas ntxiv. Ntawm nod yog qee cov tswv yim coj los pab kom koj muaj peev xwm tswj tau kev nyab xeeb rau koj tej lagluam me nyiaj ntxeem kom dhau ntawm tus kab mob coronavirus (COVID-19) no.

Building Safety net for small business Source: Getty Images

Mloog thiab nyeem tau zaj xov xwm no ua ntawv Askiv (English) tau ntawm no.

Peter Strong uas yog tus coj lub koom haum lagluam me ntawm teb chaws Australia-Council of Small Business of Australia (COSBOA) hais tias yog koj tej lagluam me muaj teeb meem nrog tej tswv tsev thiab tej tswv av ces hu mur nrog lub koom haum Small Business Commissioner ntawm xeev Victoria, South Australia, Western Australia los yog New South Wales tham tau. Tsis tas li no koj tseem muaj peev xwm hu tau nrog lub koom haum Small Business Champion in Queensland and the office of the Small Business and Family Enterprise Ombudsman. 

Thiab yog koj muaj teeb meem nyuaj siab ntxhov plawv thiab txhawj tsam koj tsis tau txias kev noj qab nyob zoo ces hu tau rau lub koom haum Lifeline tus xov tooj 13 1114 los yog lub koom haum Beyond Blue tus xov tooj 1300 22 4646 thov tau kev pab cuam 24 teev tau.

Koj muaj peev xwm hu rau lub koom haum sau se (Australian Tax Office) tus xov tooj Emergency Support Infoline 1800 806 218 thov kev pab cuam txog ntua tau txog 10 teev tsaus ntuj rau zwj Hli-zwj Kuab (Monday-Friday) thiab 2 hnub so pib txij thaum 10 teev sawv ntxov txog 4 teev tsaus ntuj tau.

Los yog hu rau Australia lub koom haum tswj cov lagluam me The Australian Small Business and Family Enterprise Ombudsman information line tus xov tooj 1300 650 460 thov kev pab cuam pib txij li sij hawm 8 teev sawv ntxov txog 8 teev tsaus ntuj txij hnub zwj Hli txog hnub zwj Kuab (Monday-Friday) thov kev pab cuam tau.

Thiab yog koj xav tau txhais neeg txhais lus ua koj hom lus pub rau koj ces hu rau lub koom haum Translating and Interpreting Service tus xov tooj 13 14 50. 

Txhua tus neeg ntawm teb chaws Australia yuav tsum nyob kom nrug ntawm lwm tus neeg deb li 1.5 metres, thiab nom tswv tsuas pub 2 tug neeg ua ke xwb tsuas yog tias ntshe tej neeg ntawd ho yog koj tsev neeg los yog koj yim neeg uas yog tib lub tsev ua ke xwb.

Yog koj ntseeg tias tej zaum koj kis tau tus kab mob virus no lawm, txhob mus ntsib koj tus kws kho mob tab sis hu mus nrog koj tus kw kho mob tham los yog hu mus rau lub koom haum National Coronavirus Health Information Hotline tus xov tooj 1800 020 080. Thiab yog koj txog txog siav ua tsis tau pa thiab mob hnyav heev ces hu rau tus xov tooj 000 thov kev pab cuam tau.

SBS yeej kub siab los qhia tej xov xwm tshiab txog cov kab mob coronavirus (COVID-19) ua 63 hom lus rau Australia tej neeg zej zog. Yog koj xav paub txog ntau yam xov xwm ua ntau hom lus ces koj mus txheeb xyuas tau ntawm sbs.com.au/coronavirus thiab txheeb xyuas tau cov xov xwm no ua ntawv Hmoob thiab lus Hmoob ces mus saib tau ntawm SBS Hmong thiab ntawm Department of Home Affairs.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm google podcasts, spotify, thiab apple podcasts los yog download SBS Radio App kom koj mloog tau SBS Hmong.