Siv paj ntaub Hmoob los tsim khaub ncaws fab sim

Dua ntawm tej paj ntaub qhia txog Hmoob tej kab li kev cai thiab lub neej lawm tseem siv tau coj mus tsim khaub ncaws fab sim thiab.

Man fashion Source: Bihn Xiong

Binh Xyooj uas yog ib tug hluas Hmoob cob tsib uas kawm ua fashion designer hais tias nws tau siv Hmoob cov paj ntaub los tsim khaub ncaws fab sim hnav.

Hmong fashion-Binh Xiong Source: Bihn Xiong

Nws hais tias nws tsis xaws khaub ncaws Hmoob li lwm tus Hmoob tau xawb tab sis siv cov paj ntaub uas tej poj niam xuas tes xaws tau ntawd coj los txhab ntxiv rau cov khaub ncaws tiam vam meej tsim ua fashion kom leej twg los hnav tau rau txhua lub caij.

Hmong fashion-Binh Xiong Source: Bihn Xiong

Tej paj ntaub no yog ib qho qhia txog Hmoob tej teej tug kab lis kev cai thiab qhia kom paub tias Hmoob muaj pes tsawg hom tsoos ris tsho thiab tiab los yog tsoos zam.

Hmong modern fashion-Binh Xiong Source: Bihn Xiong

Cov kev tau siv paj ntaub los xaws ris tsho fab sim ua rau Binh Xyooj zoo siab tshaj plaws vim nws yog ib yam coj los qhia Hmoob rau Hmoob txheej hluas phaum yau kom rov qab paub txog Hmoog teej tug, hais Hmoob lus thiab ceev Hmoob kab lis kev cai tseg cia thiab tseem qhia rau mab suab kom paub txog Hmoob ntxiv thiab.

Hmong modern fashion-Binh Xiong Source: Bihn Xiong

Nws xav hais rau tsoom hluas Hmoob tias yog nyiam ces yuav tsum tau kawm thiaj muaj tswv yim los tsim tau yam yus xav ua kom tau.

Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm SBS Hmong Facebook, Google podcasts, Spotify thiab Apple podcasts. Download SBS Audio app thiab caum SBS Hmong pod follow.