Tau muaj ib co kev teeb txheeb tshiab ntawm tsev kawm qib siab Swinburne University us txheeb txog tias cov kev pheej saib kov xov tooj puas ua rau muaj teeb meem dab tsi rau peb lub hlwb ces Dr Alexandra Gailard tau qhia tias:
"Yog ib co kev nkim peb lub hlwb, thiab yuav ua rau peb tsis qab siab tsis tab meeg ua ib yam dab tsi yam nias siab hlo ua, tsis tas li ntawd los tseem ua rau peb ntxhov siab thiab."
Cov kev teeb txheeb nrog tej hluas hnoob nyoog 18 txog 25 xyoos uas siv lawv cov xov tooj txog li 3 ntiag tiv (minutes) ces ua rau tej hluas muaj cov kev pauv hloov rau lawv tej kev xav, uas rau lawv qaug zog, ua rau muaj teeb meem rau lawv cov kev xav, ua rau lawv tsis muaj peev xwm nias siab hlo ua ib yam dab tsi thiab ua rau lawv tsis tshua zoo siab.
Thiaj pom tau tias txawm saib tej social media rau lub caij luv luv xwb los yeej ua rau muaj teeb meem rau peb.
Ces thiaj tau muaj tej kev teeb txheeb no raug coj los qhia rau lub caij uas tsoom fwv Australia tau qhia tias yuav txwv tsis pub tej hluas hnoob nyoog qes dua 16 xyoo qhib social media account siv txij tim 10 lub 12 hlis ntuj xyoo 2025 no mus lawm.
Mloog tau xov xwm ntxiv ntawm SBS Hmong lub vas sab, download SBS Adio app thiab caum SBS Hmong Facebook page.
