Pab nom Labor xav kom tsoom hwv Australia siv cov nyiaj $60 billion los pab tej lagluam thiab tej neeg poob hauj lwm, xeev Victoria yuav tso cai rau 20 leej sib sau tau hauv tsev thiab qhib lwm cov lagluam tau txij tim 1 June, Thaib xav tsim kom tau cov tshuaj COVID-19 vaccine siv, Brazil yog lub teb chaws muaj neeg kis tau kab mob coob ua zum 2 hauv ntiaj teb no txuas ntawm teb chaws America tab sis nws tseem coj tus tshuaj hydroxychloroquine los siv kho tus mob no thiab WHO tsis xav kom nws siv, Luxemberg pab nyiaj 3 million Euros rau Nplog tawm tsam tus mob COVID-19,..
Download tau lub COVIDSafe app los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.
Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.
Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :
Australia muaj neeg kis tus kab mob COVID-19 li no: Ntiaj teb muaj neeg kis tau kab mob COVID-19 npaum li no:Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:Txhua tus neeg ntawm teb chaws Australia yuav tsum nyob kom nrug ntawm lwm tus neeg deb li 1.5 metres, thiab nom tswv tsuas pub 2 tug neeg ua ke xwb tsuas yog tias ntshe tej neeg ntawd ho yog koj tsev neeg los yog koj yim neeg uas yog tib lub tsev ua ke xwb.
Tam sim no yeej muaj ntau cov COVID-19 clinics thoob teb chaws Australia no rau koj mus sim seb puas yog kis tus mob coronavirus no lawm. Yog koj ntseeg tias tej zaum koj kis tau tus kab mob virus no lawm, txhob mus ntsib koj tus kws kho mob tab sis hu mus nrog koj tus kw kho mob tham los yog hu mus rau lub koom haum National Coronavirus Health Information Hotline tus xov tooj 1800 020 080. Thiab yog koj txog txog siav ua tsis tau pa thiab mob hnyav heev ces hu rau tus xov tooj 000 thov kev pab cuam tau.
SBS yeej kub siab los qhia tej xov xwm tshiab txog cov kab mob coronavirus (COVID-19) ua 63 hom lus rau Australia tej neeg zej zog. Yog koj xav paub txog ntau yam xov xwm ua ntau hom lus ces koj mus txheeb xyuas tau ntawm sbs.com.au/coronavirus thiab txheeb xyuas tau cov xov xwm no ua ntawv Hmoob thiab lus Hmoob ces mus saib tau ntawm SBS Hmong.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
Share
