Cov nom ywj pheej (Teal independents/Teals) yog cov nom zoo li cas, thiab cov neeg xaiv nom twg yog cov yuav xaiv lawv thiab lawv ho raug teeb tsa los ua tej hauj lwm dab tsi pab zej tsoom Australia thiab tau txais kev pab cuam los ntawm leej twg?
Cov nom ywj pheej li hais no ces yog ib co nom uas muaj cov tswv yim muaj ntsis zoo li pab nom Liberal Party thiab pab nom Greens uas raug tsim coj los daws ntau yam teeb meem uas ob pab nom loj li Labor thiab Liberal tsis tshua kub siab txog.
Cov nom no ces tau nyiaj pab cuam los ntawm lub koom haum Climate 200 ntawm ib tug tuam los pav neeg Australia hu ua Simon Holmes a Court coj los pab ntau yam teeb meem uas pom tias cov pab nom loj tsis tshua kub siab txog li huab cua pauv hloov.
Ob peb tug nom uas sawv daws paub zoo txog ces yog Zalie Staggall, Allegra Spender, Kylea Tink thiab Fatima Payman uas tsis yog ib pab nom tab sis yog ib tug nom ywj pheej uas sawv cev rau ib co neeg zejzog twg los yog ib lub rooj nom twg. Thiab yeej muaj tej nom no ua hauj lwm ntawm tsev kis xeev qes (House of Representatives los yog Lower House) lawm.
Nyob rau cov kev yuav sib tw xaiv tsoom fwv teb chaws xyoo 2025 no ces lub koom haum Climate 200 no yeej tau npaj 35 tug nom no yuav mus sib tw ntawm ib lub xeev twg.
Mloog tau ntau yam xov xwm ntxiv txog ntau pab nom thiab lawv tej cai (policies) rau cov kev xaiv tsa tsoom fwv teb chaws Australia xyoo 2025 tau raws li hauv qab no:
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follw los yog lwm cov podcasts platforms (iHeart, Amazon Music & Podcasts).
