Teeb meem cuam tshuam txog kev play vidoe games

Txawm tias tau muaj Australia lub tsev kawm qib siab Macquirie University ntawm Sydney ib kev teeb txheeb tau qhia tias cov kev play video ntau dhau heev yuav ua rau muaj teeb meem rau me nyuam yaus tej cwj pwm. Tab sis tej neeg uas play video gaming no kuj hais tias yuav tau txais txiaj ntsim qee yam thiab. Yog li ntawd ne ho muaj qhov zoo qhov phem li cas rau cov kev play video games xwb?

Cov kev play video gaming ntau dhau heev lawm yuav ua rau muaj teeb meem rau koj tej cwj pwm Source: SBS

Cov ntsiab lus tseem ceeb ntawm cov kev play video games:

• Phab tsis zoo raws li tau muaj cov kev teeb txheeb tshiab ntawm Sydney lub tsev kawm qib siab Macquiries University uas nws txheeb tau:

1. Ua rau coj cwj pwm tsis tus
2. Tsis xav mus kawm ntawv
3. Cov yam ntxwv nruj tsiv tsim kev kub ntxhov thiab sib cov nyom
4. Tsis tij lim nias siab hlo ua ib yam dab tsi
5. Ua dab tsi los maj tsis ua tib zoo xyuas qhov tseeb mam ua
6. Tsis tshua cam hwm yus tus kheej
7. Muaj kev txhawj thiab nyuaj siab 

• Phab zoo raws li tej neeg play cov video games hais:

1. Paub ua ib yam dab tsi tau sai
2. Paub daws teeb meem
3. Pab kom tau sib tham sib txuas lus nrog lwm tus
4. Pab kom muaj txoj kev ntseeg siab rau yus tus kheej

Txawm li cas los tej kws paub zoo txog tej hauj lwm no yeej hais tias cov kev ua dab tsi los xij yog ua hauj sim kom haum rau yus lub neej txhob dhau nrom nrim ces yog qhov tseem ceeb. 

---

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub  (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.