Muaj neeg hauv lub lawj kob xwb (Ntiaj teb) txog li 2 tawv (2 billion) tus yeej noj tej kab tam li yog zaub mov txhua hnub, tab sis cov neeg nruab nroog yeej tsis tshua no tej kab no.
Raws li Associate Professor Kerry Wilkinson uas yog ib tug neeg txawj txeeg thiab teeb txheeb txhob Australia cov neeg tej kev xav cuam tshuam txog cov kev muab tej kab tej kooj coj los noj tam li zaub mov ntawd ces nws hais tias tos tej neeg ho tsis tshua nyiam no los vim lawv tseem xav tias tej kab no yog tej yam khoom qias tsis huv ces lawv thiaj tsis xav noj.
Tab sis kuj tau muaj cov neeg lagluam zaub mov uas tau muab tej kab no tig los ua ib cov zaub mov noj ntau zuj zus tuaj ntxiv thiab nrhiav tswv yim los hloov tej kab no kom muaj yeeb yam txawv kom tej neeg ho nyiam noj.
Food start-up Bugsolutely, a Shanghai-based operator, Massimo Reverberi uas yog ib tug neeg teeb tsa lub khw noj mov hu ua Bugsolutely uas muab cov kab coj los ua zaub mov noj tau hais tias cov neeg ntawm tej tebchaws vam meem tsis nco qab noj txog tej kab uas yog ib cov zaub mov zoo muaj txiaj ntsim heev (Superfood) no lawm.
" Nws hais tias tsis yog tias kev tig los noj tej kab no yuav pab txuag tej ib puag ncig xwb tab sis tseem yog ib cov zaub mov zoo muaj txij ntsim rau tib neeg lub cev heev, vim tej kab no muaj cov khoom zoo tsis hais yuav yog proteins, minerals, vitamins, fibres thiab Omega-3 ntawd."
Koom haum nruaj nrig tim koom haiv (Koom haum ntiaj teb-United Nations) los yeej pom zoo tib yam thiab tias vim tsis tau siv tej peev txheej ntau coj los tu li tau siv los tu tej tsiaj txhu. Ntxiv ntawd los Associate Professor Kerry Wilkinson ntwm txhooj faj lem (Tsev kawm qib siab-University) Adelaide University los yeej cia siab tias yuav muaj neeg Australia tig los noj tej kab no ntau tuaj ntxiv. Nws txhab ntxiv tias "vim tsis tau pub tej kab no ntau, tsis siv dej ntau, siv chaw me me xwb los yeej tu tau, thiab tseem tau txais txiaj ntsim ntau yam ntxiv yog thaum peb noj tej kab no thiab."
Yog li ntawd, Massimo Reverberi thiaj tau tawm ib lub tswv yim muab tej kab no zom coj los ua ib tug ib tug li cov qos yaj ywm kib muag hauv Suav tuam tshoj thiab nws kuj tau muab cov kab ziam (Crickets) coj los zom ua hmoov xyaw rau cov pasta kom noj qab rog.
Nws hais ntxiv tias tej neeg uas sim noj tej pasta qab qab rog ua nws ua ntawd yeej tsis paub tias muaj tej kab li kab txoob los cov kab tau los ntawm cov zaub kab uas zom ua hmoov coj los xyaw li. Tab sis cov hmoov kab ziam no yeej tsis tshua qab rog npaum li ob hom kab hais ua ntej ntawd.
Bits and Bits program director, Eric Sun uas yog tus tswj cov dej num ntawm lub tuam txhab Bits and Bites ntawm Shanghai uas yog ib lub tuam txhab tsim tej zaub mov rau tej neeg kom tau noj ntev ntxiv mus rau yav pem suab ntawd tau hais tias, tsis yog xav kom tej neeg sawv daws cia li hloov thiab tso tseg tej khoom noj uas lawv ib txwm noj los noj tej kab no nkaus nkaus xwb, tab sis xav kom sawv daws qhib siab dav los sim noj lwm yam zaub mov noj uas muaj hauv lub lawj kob xwb no thiab.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST thiab zwj Hnub (Sunday) 11am AEST ntawm:
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:
www.sbs.com.au/podcasts/yourlanguage/hmong
Caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ntawm:
Thiab yog koj xav nrog xov tooj cua SBS Radio Hmong Program tham ces ua tau rau +61 3 9949 2259
