Lub koom haum Interational Human Rights Wach tau coj nws tsab ntawv cej luam tshiab coj los nthuav qhia txog ntiaj teb cov kev cam hwm thiab pov puag tib neeg txoj cai ncaj ncees xyoo 2018 no, nws kuj zoo siab rau qee cov kev pauv hloov zoo tuaj thiab tab sis tseem txhawj xeeb rau qee yam thiab ntshe tseem yuav ntev mam tsim tau txoj kev vaj huam sib luag rau ntiaj teb.
Elaine Pearson uas yog tus coj lub koom haum Human Rights Watch (HRW) ntawm teb chaws Australia qhia tias, txawm nws zoo siab heev uas tsoom hwv teb chaws Australia tau tsim tsab cai Same-Sex Marriage uas tso cai kom cov neeg LGBTQI (Lesbian, Gay, Bi-sexual, Transgender, Queer thiab Intersex) muaj vaj huam sib luag rau txoj kev ua txwj nkawm, tau txib Royal Commission mus txheeb xyuas Australia lub xeev Northern Territory lub yeej kaw Australia tej hluas uas raug cov neeg zov lub tsev laj cuaj Don Dale Youth Center muab ntaus thiab ua phem rau.
Tab sis nws tseem tus siab thiab txhawj xeeb txog tias tsoom hwv Australia tsis kub siab los pab Australia cov keeb cag neeg tej neeg zejzog uas ntsib teeb meem ntxhov quav niab plam txoj kev vaj huam sib luag thiab tseem ua lub neej txom nyem.
Tsis tas li no Ms. Pearson tseem txhawj txog tsoom hwv Australia tsab cai immigration policy uas cuam tshuam txog cov neeg thoj nam nyiag caij nkoj tuaj rau teb chaws Australia uas raug kaw ntawm 2 lub yeej Nauru thiab Manus Island uas tsis pom qab cob cuab lub neej khuam ntab khuv ntuv tsis muaj chaw xaus los tau 5 lub xyoos no.
lub koom haum HRW tsab ntawv cej luaj World Report 2018 yeej tau txheeb thiab tshuaj ntsuam xyuas cov teb chaws hauv lawj kob xwb (Ntiaj teb) tshaj 90 lub txog tej nom tswv cov kev cam hwm tib neeg txoj cai ces kuj ua rau nws txhawj xeeb tias tseem muaj qee cov tsoom thawj coj tau siv lub cib fim kev tsis muaj vaj huam sib luag rau txoj kev khwv noj khwv haus kev lagluam kev luam thiab technology coj los siv kom lawv tau txais txiaj ntsim thiab tsim ib cov kab ke ua rau ib pawg neeg twg ntxub ntxaug tsis nyiam lwm pawg neeg.
HRW tau qhia tias tseem muaj cov teeb meem sib ntaus sib tua ntawm qee cov teb chaws li Yemen, Syria, Burma (Myanmar-Phabmab) thiab teb chaws South Sudan ntawm Africa tseem muaj tej xwm txheej no tshwm sim ua ntuv zus yam nom tswv tsis kub siab ua ntsej lag muag dig tsis los nrog txheeb xyuas los sis pab cuam thiab daws kom txhob muaj tej teeb meem no ntxiv li.
Ntxiv ntawd los kuj muaj qee yam zoo tshwm sim ntawm qee cov teb chaws ntuj nqha teb nqhuab ntuj qhuav teb nkig (Middle East) li Tunisia, Jordan thiab Labanon tau thim tsis pub siv tsab cai Rapist Laws uas pov puag cov txiv neej tau yuam dev tej poj niam tab sis yog lawv yuav tus poj niam ntawm ua tab zag ces yuav tsis raug txim lawm thiab.
Teb chaws Saudi Arabia los kuj tau tso tseg cov kev txwv tsis pub poj niam tsav tsheb kom poj niam muaj cai los tsav tau tsheb lawm tab sis ntshe tseem yuav ntev tej poj niam ntawm cov teb chaws Middle East no thiaj yuav tau txais txoj kev vaj huam sib luag nrog txiv neej sib txig sib luag.
Thiab kuj tau muaj poj niam cov kev tawm tsam "Me Too" ua rau pej kum haiv tej neeg zejzog tig los kub siab txog cov teeb meem uas poj niam me nyuam thiab tej ntxhais hluas rau tej txiv neej thab zes, ua phem rau los sis yuam deev tej poj niam los sis hawv hem ua phem kom tej poj niam poob tsim thiab ntshai ntawd tuaj ntxiv lawm thiab.
Yog li no txawm tias tseem muaj qee yam teeb meem txaus txhawj xeeb rau xyoo 2017 dhau los, los kuj muaj qee yam kev pauv hloov zoo tuaj ntxiv lawm thiab.#
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
HOBART = 105.7FM
MELBOURNE = 93.1FM / 1224 AM
CANBERRA = 105.5FM / 1440 AM
SYDNEY = 97.7FM / 1107 AM
WOLLONGONG = 1413AM
BRISBANE = 93.3 FM
CAIRNS = 90.5 FM
DARWIN = 100.9FM
PERTH = 96.9FM
SA = 106.3 FM
Thiab tseem mloog tau ntawm digital TV tshooj 38 ntxiv thiab.
