Meskas cov kev tsub se tshiab rau ntiaj teb

Meskas cov kev tsub se tshiab rau ntiaj teb txij tim 7 lub 8 hli ntuj 2025.

The United States will impose 25% percent tariffs on imports from India, starting August 7, 2025. Source: SIPA USA / Jonathan Raa/Jonathan Raa/Sipa USA

Mloog lwm yam xov xwm kaw ua suab tau ntawm no.

Txij hnub tim 7 lub 8 hli ntuj 2025 ces Meskas tus President Donald Trump tau tsub dua ib co se tshiab rau ntau caum lub teb chaws hauv ntiaj teb lawm uas nws hais tias vim lawv tsis nrog nws sib khom lagluam thiab tsis kub siab txog nws cov kev txhawj xeeb txog kev ruaj ntseg.

Thiaj muaj 92 lub teb chaws raug tsub cov se tshiab, uas Canada raug tsub 35 feem pua, thiab India raug tsub 25 feem pua. Txawm li cas los Australia tseem tau them 10 feem pua li qub xwb, tom qab tsis ntev los no uas Australia tau tshem cov kev txwv tsis yuav Meskas tej nqaij nyuj. Tsis tas li ntawd los kuj muaj ib co teb chcaws phooj ywg tseem ceeb li Canada, Switzerland kuj raug tsub se txog 39 feem pua thiab Taiwan kuj raug tsub tej se tshiab kim txog 20 feem pua thiab.

Ces thiaj tau ua rau muaj kev txhawj xeeb tias tsam ua rau muaj teeb meem rau ntiaj teb cov kev ua luam, ua rau neeg poob hauj lwm thiab muaj teeb meem rau kev nom tswv.

Mloog tau xov xwm ntxiv ntawm SBS Hmong lub vas sab, download SBS Adio app thiab caum SBS Hmong Facebook page.