Tej neeg nyob ntawm teb chaws Australia no yuav tsum nyob kom nrug ntawm lwm tus neeg yam tsawg li 1.5 metres. Thiab txheeb xyuas seb lub xeev koj nyob ntawd ho muaj cov kev txwv tsis pub tej neeg sib sau ua ke li cas.
Tam sim no yeej muaj cov kev sim thoob plaws teb chaws Australia no rau tej neeg mus sim seb ib tug neeg twg puas kis tau tus kab mob coronavirus no lawm. Yog koj muaj tej yam ntxwv mob li tau khaub thuas thiab ua npaws ces xav kom hu nrog koj tus kws kho mob tham es npaj seb yuav mus sim tau li cas, los yog hu tau rau lub koom haum Coronavirus Health Information Hotline tus xovtooj 1800 020 080.
Tsoom hwv teb chaws Australia yeej tsim tau lub app coj los txheeb tus kab mob COVID-19 hu ua COVIDSafe app los rau tej neeg ntawm teb chaws Australia tau siv, kom thiaj tau txais kev nyab xeeb rau sawv daws, uas koj muaj peev xwm download tau ntawm cov app store ntawm koj tej xov tooj ntawm tes los siv tau.
SBS yeej kub siab los qhia tej xov xwm txog tus kab mob COVID-19 ua 63 hom lus rau Australia tej neeg zejzog kom paub txog tej xwm txheej cuam tshuam txog tus kab mob no, uas koj mus txheeb tau rau ntawm lub vas sab sbs.com.au/coronavirus.
