Council member Dai Thao tau qhia rau xov tooj cua SBS Radio Hmong Program tias nws yeej ntseeg tias nws yuav muaj yeej los ua tau tus tswv nroog St Paul Minnesota tshiab xwb txawm tias nws yog ib tug neeg tshiab yuav tau los sib tw nrog cov nom uas yeej muaj hwj chim thiab ua nom los ntev ntawm lub nroog no.
"Kuv ntseeg tias vim muaj America ntau cov pab pawg neeg zejzog txhawb nqa tsis hais tswv yim nyiaj txiaj sij hawm kom kuv pab nom lub tswv yim thiab tej dej num kuv ua tiav dhau los uas xav kom sawv daws muaj vaj huamsib luag, tau txais kev ncaj ncees rau txhua tog, tau txais kev cam hwm, muaj cib fim zoo ua tau lub neej vam neej nce qib tej no yuav pab tsim tau kev sib raug zoo sib haum xeeb rau tej neeg zejzog, uas muaj kev hlub tshua cov neeg txom nyem, kev nyob ua ke thaj yeeb sib haum xeeb, kev nyab xeeb ruaj ntseg, kev noj qab haus huv, pab cuam cov neeg puas cev cov laus, pab kev kawm thiab muaj hauj lwm rau sawv daws ua no, yuav muaj peev xwm pab kom kuv muaj yeej los ua tau tus tswv nroog Sait Paul Minnesota tau. Vim pej xeem los yeej xav kom nom tswv pab thiab hlub lawv." Nraim Thoj hais li ntawd.
Dai Thao for St Paul Minnesota mayor campaign Source: Courtesy of Dai Thao for St Paul Minnesota mayor
"Thaum tham txog cov kev txo cov kev sau se rau tej neeg thiab tej lagluam kom pab tau tej lagluam luam loj hlob huam vam thiab muaj laj kam rau sawv daws ua cov nom Republican lub tswv yim siv tsis tau hauj lwm vim lub xeev Wisconsin uas nyob npuab kiag Minnesota tus tswv nroog ntawm pab nom Republican yeej siv tau tau hauj lwm thiab yog ib cov piv txwv qhia rau peb lawm." Nraim Thoj qhia li ntawd.
Nraim hais ntxiv tias leej twg los yeej hais lus cog tseg tau zoo kawg tab sis nws cov kev sib tw nom tswv zaum no ces yuav los xyuas seb thaum kawg nws ua tej hauj lwm nws tau cog lus tseg ntawd puas tiav los yog coj nplej puas tau mov noj, kom tau txais txiaj ntsim rau txhua tus pej xeem, tsis yog yuav pab cov neeg muaj txiaj nplua nuj nkaus xwb. Nws yuav los xyuas kom America tej neeg zejzog tau cov peev txheej sib npaug thaum tswv nroog faib nyiaj coj los tsim cov kev txhim kho hauv lub xeev Minnesota kom pej xeem muaj lub zoo neej, tau txais kev noj qab nyab xeeb, muaj laj kam ua yog tias nws tau los ua tus tswv nroog.
Mr. Dai Thao tau hais ntxiv tias yeej tsis muaj peev xwm yuav lis tau tej dej num no ib hmo tag kis kom tiav kiag, tab sis yog nws muaj peev xwm tsim tau lub xeev uas muaj kev haum xeeb muaj kev koom npoj, tau txais kev cia siab thiab tso siab tau txais kev koom tes ntawm ntau pawg thiab cov neeg xaiv nom ces nws yuav muaj peev xwm muab lub xeev no cov peev txheej coj los faib kom sib npaug thiab ntseeg tias yuav muaj peev xwm ua tau li hais no.
"Cov neeg raug kev txom nyem dua los yeej paub tias yuav daws tej teeb meem li cas thiab yeej paub hlub lwm tus dua. Peb tsis yog cov neeg yuav tuaj tos noj tos haus thiab ua ib cov neeg khuam tes khuam taw rau lub tebchaws no tab sis peb xav tuaj pab txhim teb kho chaw kom pej xeem America lub neej zoo dua tuaj ntxiv thiab pab kom tebchaws America yog lub teb chaws muaj fwj chim tshaj no ntxiv." Nraim Thoj hais li ntawd.
Dai Thao's St Paul Mayoral campaign Source: Courtesy of Dai Thao for St Paul Minnesota mayor
"Txawm tias peb Hmoob yog ib haiv neeg raug luag lwm tsav neeg tsub muj tsim txom, raug txov txo, raug tsub nias raug thuam thiab saib tsis taus saib tsis rau nqe, los peb yeej muaj zoo keeb kwm, peb yog cov neeg muaj caj ces zoo nom tswv li huab tais txiv yawg, peb yog cov neeg muaj kev nyiaj ntxeem, muaj peev xwm ua tau txhua yam yog peb rau siab thiab nias siab hlo ua. Tswv ntuj yeej hlub peb thiab cawm peb txoj sia kom peb ua tau lub neej los txog tav no, yog li thiaj txog caij lawm uas peb yuav tau qee peb txoj kev hlub rau lwm tsav neeg, tsis tsim nyog peb yuav muab tej kev ntsawv siab kev cib nyeej, kev ua neej ntxuag kua muag los ua ib cov kev thau los sis txo peb lub zog tab sis tsim nyog siv coj los ua cov kev txhawb peb lub dag zog kom loj, txhawb peb cov kev cia siab kom puv npo, los ua lub neej kom raws qhov tsim nyog, tsim lub neej kom vam meej tawg paj txi txiv coj los pab tej neeg txom nyem dua peb los yog txom nyem li peb kom tau lub neej zoo dua tuaj ntxiv." Nod yog cov lus uas Nraim Thoj xav hais fim rau cov txuas tus Hmoob uas xav los sib tw ua nom tswv.
Txog lub caij noj tsiab peb caug thiab nqaum paj nqaum nruas no Kim Nraim Thoj xav foom lus zoo rau txhua tus kom muaj hmoo zoo, muaj txiaj nplua nuj, muaj kev noj qab nyob zoo, muaj kev zoo siab kab siab xav yam twg kom tau tsi hais ua laglua, kawm ntaub ntawv ua nom ua tswv.
Koj muaj peev xwm mloog tau cov xov xwm ua lus Hmoob los yog lus Askiv (English) tau raws li cov vam sab hauv qab no:
Mloog tau cov program ib teev tag nrho rau hnub zwj Teeb (Thursday) 6pm AEST (Australian Eastern Standard Time) thiab zwj Hnub (Sunday) 11am AEST ntawm: www.sbs.com.au/hmong
Koj muaj peev xwm download cov xov xwm ua ib zaj ib zaj ua lub Hmoob thiab lus Askiv (English) los yog mloog tau ntawm:www.sbs.com.au/podcasts/yourlanguage/hmong
Mus download tau SBS Radio app tau hauv Google Play thiab App Store ntawm http://www.sbs.com.au/radio/article/2015/03/07/download-sbs-radios-free-mobile-app tso rau koj lub xov tooj ntawm tes ces mloog tau rau 2 hnub hais dhau los saum toj no. Los yog koj muaj lus nug cuam tshuam txog cov kev siv SBS Radio app ces saib thiab nyeem tau ntawm no ntxiv http://www.sbs.com.au/radio/sbs-radio-app
Tuaj ua tub koom siab thiab caum SBShmong qab hauv SBSHmong Facebook page, tuaj nyem nyiam (Click like) tuaj faib (Share) SBShmong cov xov xwm rau koj tej phooj ywg thiab tawm tswv yim (Comment) ntawm www.facebook.com/sbshmong
Thiab yog koj xav share thiab qhia koj zaj dab neeg thiab xov xwm rau xov tooj cua SBS Hmong Program tshaj thiab nthuav rau ib tsoom Hmoob sawv daws tau mloog kom sawvdaws ho hnov txog ces hu xov tooj rau +61 3 9949 2259 nrog SBS Radio Hmong Program tham tau.
Koj muaj peev xwm mloog tau cov xov tooj cua tau raws li lub vam sab ntawm no: http://www.sbs.com.au/radio/listen-amfm-radio
