Kevin Fong Lee, Yog ib tug ntawm ntau tus uas tau teeb tsa lub koom haum Hmong Inspiration Association, coj los teeb txheeb thiab tshawb fawb tej txuj ci los pab cov hluas Hmoob ntawm Brisbane, kom ho muaj tswv yim kawm ntawv, muaj txuj txawj ua tau tus coj, muaj txuj txawj ua hauj lwm thiab pab tau lawv tus kheej nrog rau lwm yam.
Fong Lee qhia tias nws tau nrog nws lub koom haum no tham thiab pom zoo tsim lub koom txoos (Workshop) koom nrog Tub xaiv kos Lis uas yog Hmong ib tug neeg nqua yas suab, tuaj ntawm teb chaws America tuaj xyuas teb chaws Australia, thiab nrog cov hluas Hmoob hauv teb chaws Australia sib hloov tswv yim, coj los ua ib qhov chaw sib tham qhia txog lawv tus kheej, sib hloov tswv yim thiab sib taw qhia txuj uas Tub Xaiv Kos Lis tau qhia cov hluas Hmoob ntawm Brisbane kom paub sau yas suab (Nkauj) kom sawv cev thiab qhia tau txog Hmoob tej keeb kwm, cim thawj, ntaub ntawv thiab lus thiab nws qhia tias kawm tau dab tsi los ntawm lub workshop no.
Kevin kuj qhia tias thaum xub, cov hluas yeej tsis paub tias cov kev mus koom lub workshop yuav zoo li cas, vim yog thawj zaug uas tau muaj Hmoob ib tug neeg nqua yas suab Hip Hop tau tuaj tsim koom txoos thiab nrog Hmoob tej hluas tham los yog nqua yas suab rau lawv mloog. Tab sis lawv kuj muaj kev lom zem, tau sib txuas lus, tau qhia txog lawv tus kheej thiab kawm tau qee yam tseem ceeb xws li txhob khav theeb thiab yuav tau koom tes nrog lwm tus los sib pab thiab kawm ua ke, txo yus lub fwj chim.
Lub koom txhoos no yog ib yam qhib tej hluas qhov muag kom pom kev, hloov lawv cov kev xav tshiab, hloov tswv yim tshiab, xav deb pom dav, nrhiav kom tau lub tswv yim tshiab uas txawv tej qub ib txwm siv, muaj lub zeem muag thiab kub siab los ua ib yam dab tsi thiab kom tau siv lawv lub tsab peev xwm ua kom tau ib yam dab tsi tsim nuj rau lawv tus kheej los yog pab rau zejzog Hmoob. Vim yog sawv daws tsis nqes tes los ua ib yam dab tsi ces yeej yuav ua tsis tau dab tsi.
Qhov tseem ceeb tshaj Kevin Fong Lee pom, ces yog xav kom tej hluas pauv hloov lawv txoj kev xav, hloov tswv yim tshiab thiab siv tej txuj ci tshiab los ua yus lub neej thiaj ua tau yam yus cia siab thiab xav tau tiav log puv npo raws li yus lub tsab peev xwm. Thiab ib qho ntxiv nws xav hais rau ib tsoom Hmoob tias yog muaj ib tug neeg twg ua ib yam dab tsi yuav pab rau Hmoob lub neej, thiab tej zejzog, xav kom mus nrog saib nrog xyuas, nrog koom tes ua thiab sib pab kom thiaj ua tau yam zoo thiab vam meej rau Hmoob, vim tsawg tus ua yeej tsis npaum coob tus ua thiaj yuav tsim tau ib yam dab tsi tsim nuj rau Hmoob.
Kevin Fong Lee qhia tias nws tseem yuav sab laj nrog nws tij laug seb puas yuav coj cov duab thiab cov video clips ntawm lub workshop no coj los tso rau hauv lub koom haum Hmong Inspiration Association thiab Hmong Australia Photography lub Facebook page li cas rau sawv daws tau saib ntxiv.#
Listen more news in Hmong and English at SBS Radio Hmong Program on www.sbs.com.au/hmong Thursday at 6pm AEDT-Australian Eastern Standard Time and Sunday at 11 am AEDT.
You can download SBS Radio App from App Store at https://apple.co/2pLgvCX and from Google Play at http://bit.ly/2GuIRv or you can download podcasts news in Hmong and English from www.sbs.com.au/podcasts/yourlanguage/hmong.
Besides, you can follow us, click like, share and comments at #SBSHmong website at www.facebook.com/sbshmong.
Call to have a chat with SBS Radio Hmong Program on + 61 3 9949 2259 or sent your comments to comments@sbs.com.au.
