Cov roj Jojoba (nyeem tias Hohoba) oil yog ib cov roj tau los ntawm cov nroj hu ua Simmondsia chinensis plant, uas yog ib cov ntoo cab hmab ib txwm muaj ntawm sab qab teb xeev California thiab Arizona mus rau sab qaum teb hnub poob ntawm teb chaws Mexico uas cov keeb cag neeg America (Native American) siv los tau ntau tiam neeg coj los siv tshuaj kho kub hnyiab thiab zauv plob hau kom ntxhee thiab ntaug.
Tom qab xyoo 1973 uas tau txwv tsis pub tua cov ntshe whale coj los siv ua cosmetic lawm ces tej lagluam thiaj tau pib tig los siv cov roj ciab Jojoba oil uas muaj cov tuam txhab lagluam tau cam tias cov roj no siv tau ntau yam zoo rau tib neeg lub cev xws li:
- Zoo pob khaus rau tawv nqaij, pab kom txawv nqaij txhob txoom txhob qhuav txhob laus txhob tawg pleb thiab kum nruj, pab kom txhob muaj plhaws tobhau (dandruff). Pleev kom kotaw mos txhob ntxhib.
- Zoo pleev qhov txhab kom txhob voos. Zoo ua tshuaj pleev phlu, pleev tawv nqaij ib ce uas tsis nplaum vim zoo li cov ciab tab sis tsis yog roj.
- Zoo tshuaj tawm ncauj.
- Zoo pleev kom hnub txog kub los yog txhob raug ziab tshav ntuj.
- Zoo kom plob hau txhee thiab rov muaj plob hau tuaj saum tog hau rau cov neeg do pliaj thiab kom plob hau ci zoo nkauj.
- Muaj ntau yam tshuaj xws li Vitamin C, E, B complex, Silicon, Copper, iodine thiab zinc (hlau).
Lub vam sab livestrong.com tsab xov xwm tau tshaj tawm , tebchaws Egypt cov scientists txheeb tau tias pab kom txhawb nqaij txhob voos os. Hos teb chaws New Zealand cov kws teeb txheeb los kuj tau siv muab cov noob txiv Jojoba rau cov luav (Rabbits) noj los yeej pom tau tias pab kom cov luav txhob muaj roj khub hauv tej ntshav txog 40% thiab tab sis tsis tau coj los siv rau neeg seb zoo li cas xwb.
Cov roj no raug coj mus siv xyaw rau ntau yam khoom siv rau tib neeg lub cev tsis hais tshuaj da dej, pleev plhu, pleev ib cev pleev kom tshav ntuj txhob kub txhob ziab, kom tawm nqaij txhob ntsws txhob txoom kom mos. Uas muaj ntau cov teb chaws vam meej tau siv li America, Australia, Germany, Askiv, Japan, South Korea.
Txawm yog li ntawd los yeej tseem xav ceeb toom kom tej neeg ceev faj hais tsis ntsees rau cov neeg cov tawv nqaij siv tsis haum lwm yam khoom yooj yim (Sensitive skin). Yog yuav siv ces yuav tsum sab laj nrog cov kws kho tawv nqaij Dermatologists tso. Tsis tas li no tseem ceeb toom rau cov poj niam xeeb me nyuam thiab tseem pub mis rau me nyuam kom txhob noj los yog nqos cov roj Jojoba oil no vim muaj cov taug uric acid uas tej zaum yuav ua rau muaj teeb meem rau lub plawv tau. TAS.
Mloog tau lwm yam xov xwm ua lus Hmoob tau ntxiv ntawm cov vam sab hauv qab no:
www.sbs.com.au/podcasts/yourlanguage/hmong
