Tourette syndrome ces yog ib co yam ntxwv uas ib tug neeg twg tsis muaj peev xwm tswj tau vim muaj teeb meem rau lawv lub hlwb tswj tsis tau. Piv txwv li pheej ua rau lawv lub cev txawv, los yog pheej hais lus, ntshais muag, xaiv lus, hais qee yam lus yam tswj tsis tau, los yog pheej muaj ib yam uas ib tug neeg twg tswj tsis tau ntawm nws lub cev.
Yog li ntawd lub koom haum Tourette Syndrome Association of Australia thiaj tau los tsim ib cov kev taw qhia kom tej neeg Australia paub zoo txog tej yam ntxwv no zoo tuaj ntxiv rau lub limtiam Tourette Syndrome Awareness Week (June 1-7, 2025) no uas xyoo no ces siv sob lus ''Nkag siab txog tej teeb meem yuav muaj tau rau tej neeg muaj tej yam ntxwv no''.
Dr Melissa Licari uas yog tus senior Research Fellow ntawm lub chaw teeb txheeb The Kids Research Institute Australia thiaj hais tias tej neeg uas muaj tej yam ntxwv no ntsib teeb meem nyuam siab ntxhov plawv loj kawg nkaus li.
Dr Aro uas yog tus koom sai tsab ntawv cej luam uas tau mus ua Australia thawj cov kev teeb txheeb ntwam haiv neeg no txog tej teeb meem muaj los ntawm cov yam ntxwv Tourette syndrome no hais tias ntawm cov neeg 200 tus uas tau koom teeb txheeb thiab lawv tej neeg tu saib xyuas lawv ces pom tias yeej muaj ib tug ntawm ob tug me nyuam yeej khwv tswv yim tua lawv tus kheej.
Dr Ari tau hais tias tej neeg muaj tej yam ntxwv zoo li no yeej raug lwm tus: ''ntau nqe yuam kev, raug cais, tsis ntseeg lawv, thiab tsis nkag siab txog lawv, tsis muaj kev pab lawv ntawm tej chaw kawm ntawv los yog tej chaw ua hauj lwm, tsis tau txais kev pab NDIS, tos ntev heev mam li txheeb, tsis muaj tej kev kho mob zoo siv kho, thiab zoo li yeej tsis muaj neeg kub siab los ntev heev lawm.''
Cov kev teeb txheeb no txheeb tau tias yeej muaj ib tug me nyuam ntawm 10 tus twg yeej tau siv txwv yim tua lawv tus kheej (txov txo tus kheej txoj sia). Thiab kuj pom tias zoo li yeej tsis tshua tau siv tej kws pab daws kev nyuaj siab pab.
Dr Amanda Maxwell uas yog ib tug Clinical Psychologist thiab Clinical Research Manager ntawm UNSW Tic Clinic hais tias vim tsis muaj tej psychologists txaus pab ces tej neeg thiaj tig mus noj tshuaj pab, tab sis kuj pab tsis tau dab tsi. ''Pom tias 80 feem pua ntawm tej tau koom cov kev teeb txheeb no ces lub cev yeej muaj ib yam dab tsi txawv txav piv txwv li ntsais muag tas mus li, qws, los yog pheej tswj tsis tau yus txhais caj npab kom tsis txhob co etc.
Dr Maxwell hais ntxiv tias ''muaj 3 tug ntawm 4 tug twg muaj cov yam ntxwv no yeej tsis tau siv kev pab NDIS vim raug xam tias tsis yog ib co xwm txheej ua rau lawv puas cev ruaj.''
Professor Valsamma Eapen uas yog ib tug zeskais nto npe thiab yog tus Chair ntawm lub koom haum Child Psychiatry ntawm UNSW Sydney hais tias ''thawj tug neeg mus ntsib ces yog cov kws kho mob (GPs), tiab tej zaum kuj ntsib tej kws kho me nyuam, kws kho ib yam tsi ntsees li kws psychologist, kws puab kho tej mob qhov ncauj qhov muag pob ntseg, yog tias lawv pheej ntsais muag tas mus li, zom hniav.''
Professor Eapen thiaj xav kom tsim kom tau ib co ''national guideline coj lso siv, pab kom tej neeg paub txog ntau tuaj ntxiv, paub txheeb tau thaum ntxov, thiab nrhiav tej xub ke kho, xyuas kom tau txais kev pab ntawm tej teej kawm thiab tau txais cov kev pab rau tej neeg puas cev, vim yog leej tib neeg txoj cai ces peb thiaj yuav tau pov puag tej neeg Australia txog 55 txheeb tus uas ua neej nyob nrog cov yam ntxwv no.''
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
