1. Tej tswv lagluam yuav tsum tau ua yog dab tsi
Lawv yuav tsum qhia kom koj paub ua tau koj txoj hauj lwm kom tau txais kev nyab xeeb rau koj, xyuas kom muaj ib tug neeg pab thiab saib xyuas koj, tsis hais kom koj ua tej hauj lwm koj tsis muaj ntawv tso cai rau koj ua li tsav tsheb, tswj cov craine, los yog tsav tsheb forklift, tsis muaj tej twj zoo siv los yog tsis yog tej twj coj los siv ua koj txoj hauj lwm ntawd kom koj muaj peev xwm ua tau koj txoj hauj lwm nyab xeeb.
Source: MOODBOARD-AAP
2. Koj yuav tau ua dab tsi kom tau txais kev nyab xeeb rau koj tom tej chaw ua hauj lwm.
koj yuav tsum ua tus sabi xyuas koj tus kheej txoj kev noj qab nyob zoo thiab txoj kev nyab xeeb tom tej chaw hauj lwm. Ua koj yuav tsum tau xyuas kom kom txhob muaj mob thiab ua tau koj txoj hauj lwm. Tsis txhob haus dej cawv los yog noj yeeb noj tshuaj los sis tsis txhob ua tej yam dab tsi ua yuav ua rau koj thiab lwm leej lwm tus raug mob tom tej chaw ua hauj lwm.
Source: The file work_safety_clothes_by_pixabay_public_domain.jpg
3. Koj muaj cai tau txais nyiaj ncaj ncees thiab ua hauj lwm nrog tej zwj ceeb nyab xeeb.
Nyob hauv teb chaws Australia, yeej muaj cai tswj tias tsim nyog koj khwv tau nyij npaum li cas thiab ua hauj lwm nrog tej zwj ceeb nyab xeeb. lub koom haum Fair Work Ombudsman pab kom cov tswv lagluam thiab cov neeg ua hauj lwm totaub txog lawv txoj cai thiab lawv tej hauj lwm tom tej chaw ua hauj lwm thiab lub koom haum no tseem pab koj txheeb tias seb tsim nyog koj yuav khwv tau nyiaj npaum li cas thaum koj ua hauj lwm ntawd.
Source: The file fair_work_-_courtesy_of_fair_work.jpg
4. Hais txog cov teeb meem muaj neeg thab zes koj tom chaw hauj lwm (Bullying at work)
Yog tias muaj neeg thab zes koj ces yuav tsum tau nrog koj tus coj hauj lwm tham los yog nrog lwm tus neeg ua hauj lwm tham thiab hais kom lawv tsum thiab tso tseg txhob thab zes koj ntxiv. Yog tias tus neeg pheej tsis tsum ces koj yuav tsum tau nrog nom tswv xeev koj ua hauj lwm thiab koj nyob ntawd tham. Los yog koj lub xov tooj rau 1300 799 675 nrog lub koom haum Fair Work Commission tham tau.
Dominic Lipinski/PA Wire Source: Dominic Lipinski/PA Wire (aap)
5. Yog thaum koj raug mob tom tej chaw ua hauj lwm lawm ne koj yuav tsum tau ua li cas.
Koj yuav tsum nrhiav kev pab cuam kho mob yooj yooj yim los pab koj ua ntej los yog mus ntsib kws kho mob thiab cov neeg tu saib xyuas neeg mob kiag tam sim ntawd. Koj muaj cai xaiv seb xav mus ntsib tus kws kho mob twg tau raws li koj nyiam. Koj yuav tsum hais kom tus kws kho mob koj ntsib ntawd sau ib daim ntawv medical certificate rau koj thiab coj mus qhia rau koj tus coj uas saib xyuas cov neeg ua hauj lwm ntawd nrog paub thiab qhia rau koj tus tswv lagluam tias koj raug mob lawm ces koj yuav tsum tau sau daim ntawv qhia txog cov teeb meem tshwm sim rau koj ntawd.
Yog koj mloog tau tias koj raug tus tswv lagluam yuam siv dag zog yam tsis raws kev raws cai thiab mloog tau tias tsis tau txais kev nyab xeeb rau koj thiab raug lwm tus thab zes tom tej chaw hauj lwm, ces koj muaj peev xwm sab laj thiab nug lub koom haum Fair Work Ombudsman los yog workplace safety regulators ntawm lub xeev koj nyob tau.
Serious Physician with Nurses Source: MOODBOARD-AAP
Yog koj xav tau xov xwm ntxaws ntxiv txog cov kev ua hauj lwm kom tau txais kev nyab xeeb hauv tebchaws Australia ces mus saib tau ntawm lub koom haum Safe Work Australia tau.
Thiab yog koj xav tau neeg txhais lus ces hu tus zauv xov tooj 131 450 rau lub chaw txhais lus Translating and Interpreting Service tau. Tsis tas li ntawd tseem muaj tej xov xwm no raug txhais Translated factsheets ua 11 hom lus pub rau koj nyeem thiab.
