ABC thiab SBS tau los pov puag lawv tus kheej rau cov kev nthuav xov xwm txog tej tsov rog ntawm cheeb tsam Middle East tom qab uas Royal Commission tau .os txheeb txog cov xwm txheej ntxub tsis nyiaj neeg Jews (Antisemitism) thiab zej tsoom cov kev koom npoj (Social Cohesion). Thiaj ua rau Jillian Segal uas yog Australia tus coj tswj cov hauj lwm Special Envoy to Combat Antisemitism tau nug txog tej no thiab hais kom teeb tsa ib pawg neeg tuaj nruab nrab los txheeb ob lub chaw nthuav xov xwm no tej lus uas zej tsoom tsis pom zoo. Tab sis ABC thiab SBS yeej tseem tuav lawv tej lus ruaj tias lawv tsuas nthuav xov xwm raws li qhov tsim nyog tshaj tawm thiab yeej ua tib zoo los txheeb thiab kho tej xov xwm kom raug, tuaj nruab nrab thiab tsis tuaj ib tog twg tom qab tau muaj tej neeg zejzog Australia neeg Jews yws tias pheej nthuav tej xov xwm tsis zoo txog Israel.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
Share
