Feature: Ntiaj teb cov kev sib tw ncaws pob 2026 hnub 28 - Quarter final

France's Kylian Mbappe (10) exercises with his team during a training session ahead of the World Cup quarterfinal soccer match between France and Morocco. (AP Photo/Martin Meissner) Source: AP / Martin Meissner/AP Photo/Martin Meissner

Ntiaj teb cov kev sib tw ncaws pob 2026 hnub 28 ces yuav muaj 8 pab sib tw quarter final.

---

Mloog tau SBS Hmong ntawm no.

Ntiaj teb cov kev sib tw ncaws pob xyoo 2026 (FIFA World Cup 2026) no ces tshuav 8 pab yuav tau mus sib tw quarter final txuas ntxiv. Muaj 6 lub teb chaws ntawm 8 pab no yog cov teb chaws ntawm Europe li: France, Spain, Belgium, Norway, England and Switzerland; muaj ib lub teb chaws ntawm Africa uas yog Morocco, thiab lub teb chaws kawg ntawm 8 pab no yog Argentina ntawm nrim av Asmeskas qab teb (South America).

Ntiaj teb cov kev sib tw ncaws pob hnub tim 28 ces Fabkis thiab Morocco yuav mus sib tw quarter final rau hnub zwj Kuab (Friday) tim 10/07/2026 sij hawm 6 am AEST tib yam li lawv cov kev sib tw semi final thaum sib tw world cup 2022 ntawm Qatar. Tab sis tsis paub tias seb Morocco puas yuav yeej Fabkis vim Fabkis yeej Morocco 2-0 thaum ntawd thiab tau mus sib tw 4 pab kawg.

Yog li ntawd nyob rau ntiaj teb cov kev sib tw ncaws pob 10 hnub kawg Lionel Messi tua noj 8 lub, Erlig Haaland thiab Kylian Mbappe ob tug no ib tug twg tua noj 7 lub, Askiv tus neeg Harry Kane tua noj 6 lub pob. Ces thiaj tseem yuav txiav txim siab tias seb leej twg yuav tau cov khoom plig Golden Boot.

Hos cov khoom plig txhom pob tau zoo (Golden Glove) ces Spain tus neeg txhom pob hu ua Unai Simon yog tus txhom tau zoo dua rau ntiaj teb cov kev sib tw ncaws pob zaum no.

Quarter final:

• Fabkis sib tw Morocco sij hawm 6:00 am AEST, Firday 10 July 2026.
• Belgium sib tw nrog Spain sij hawm 8:30 am AEST, Saturday, 11 July 2026.
• Norway sib tw nrog England sij hawm am AEST, Sunday 12 July 2026.
• Argentina sib tw nrog Switzerland sij hawm 12:30 pm AEST, Sunday 12 July 2026.

Semi final:

• Thawj pab sib tw (1): Zwj Feej (Wednesday) tim 15 July 2026 sij hawm 6 am AEST.
• Pab ob sib tw (2): Zwj Teeb (Thursday) tim 16 July 2026 sij hawm 6 am AEST.

Final:

• Siwb tw World Cup ua zaum kawg: Hnub zwj Hli (Monday), tim 20 July 2026 sij hawm 5 am AEST.

Saib tau tag nrho 104 cov kev sib tw ncaws pob FIFA World Cup 2026™ uas saib tau tshiab tshiab kiag thiab saib tau dawb ntawm SBS On Demand, saib tau cov kev sib tw txwm 1 teeb, saib tau cov kev sib tw ua txiav ua cov toom luv, thiab saib tau cov kev sib tw tseem ceeb ntawm ib co kev sib tw twg thoob plaws ntawm cov kev sib tw no tau ntawm SBS, SBS VICELAND thiab SBS On Demand.

Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.