UN hais tias tej artificial intelligence technology no vam meej sai heev lawm thiab yog ua tib zoo tswj ces yuav tau txais txiaj ntsim ntau yam, tab sis zoo li tej nom tswv tseem tsis tau tsim kom tau tej cai zoo coj los tswj ces tej zaum thiaj yuav tsim tau kev puas tsuaj loj.
UN tau pab kws tau mus txheeb txog ntiaj teb cov kev siv tej artificial intelligence (AI) ces pom tias tej technology no vam meej tuaj sai heev lawm, tab sis tej tsoom fwv tseem tsis tau tsim kom tau tej cai zoo coj los tswj cov kev siv uas tej zaum yuav pab kom tau txais txiaj ntsim ntau yam tsis hais lagluam, kev teeb txheeb kev kho mob thiab kev kawm etc.,
Ua ke no los tej kws (Tej neeg paub zoo txog computer science, economics, medicine thiab journalism) kuj ceeb toom tias 'yog tsis kub siab los tswj tiag ces tej zaum tej technology no kuj yuav tsum tau kev puas tsuaj loj li yuav muaj cov teeb meem cyber threats, tej xov xwm cuav, tsis paub tias tej 'AI no puas yuav mloog thiab ua raws li tib neeg hais, thiab ua raws tej cai vim yeej muaj pov thawj qhia lawm tias IA tau dag',
'Qhov yuav muaj teeb meem puas tshuaj ces ua rau tej neeg ntiag tug tej xov xwm, tej tuam txhab, tej khoom haum zejzog yuav paim quav, thiab yuav ua rau muaj teeb meem rau peb cov kev tswj hwm democracies (cov kev tswj hwm uas tso cai rau zej tsoom xaiv lawv tus coj), thiab cuam tshuam nrog tej neeg ntiag tug tej cai.'
Ces UN thiaj nqua hu kom tej tsoom fwv kub siab maj ceev nrooj los tsim cai tswj tej technology no ua ntej yuav tswj tau nyiaj tshaj no ntxiv.
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
