Feature: One Nation thov tsim tsab cai pub neeg Australia siv lawv tej nyiaj superannuation 3%

Pab nom One Nation xav thov tsim ib tsab cai tswj uas yuav tso cai rau Australia tej neeg yuav tsev thiab ntiav tsev nyob muaj peev xwm rho tau nyob txog li peb feem pua los siv tau qee cov nyiaj los pab them nuj nqes, ntiav tsev nyob. Barnaby Joyce uas yog tus nom tswj nyiaj txiaj rau One Nation hais tias tsoom fwv tsis pub neeg Australia siv lawv tej nyiaj xwb uas ua rau tsoom fwv Australia tsis pom zoo thiab hais tias pab nom Coalition ces tab tom qog One Nation tej cai. Txawm li cas los lwm pab nom teb chaws hais tias nws yuav ua tib zoo txheeb tsab cai no thiab tej economists hais tias tej zaum ntshe yuav ua rau nyiaj poob nqe ntau ntxiv tuaj thiab ua rau reserve bank yuav nce kab theem paj siab tuaj ntxiv ces haj yam yuav ua rau tej nuj nqes siv ua lub neej kim tuaj ntxiv. Pab nom Greens hais tias kom tso tseg tsis txhob txo se rau tej neeg nplua nuj, hos lub koom haum Super Members Council hais tias tej zaum yuav tau txais txiaj ntsim sai sai tam sim no tab sis yuav ua rau muaj teeb meem rau tej neeg so tsis ua hauj lwm txom nyem nyiaj txiaj siv ntev ntxiv tuaj thiab yuav ua rau muaj teeb meem rau Australia cov superannuation system.