Interview: Thaum twg thiaj paub tias yus muaj peev xwm koom sib tw caij tsheb kauj vab PII

Ntsuab Pov Vaj caij tsheb kauj vab Credit: JouaPao Vang (Supplied)

"Lawv yeej muaj cov kev ntsuas yus lub zog, yog yus muaj zog tsis txaus ces yus yeej caij tsheb kauj vab nce tsis nto roob li.''

---

Mloog tau SBS Hmong ntawm no.

Ntsuab pov vaj hais tias ''lawv yuav ntsuas yus lub zog seb yus muaj zog npaum li cas, puas muaj peev xwm yuav cai tsheb kauj vab nce nto roob tso mas thiaj paub tias seb puas tsim nyog yus mus koom cov kev sib tw caij tsheb kauj vab."

''Xub thawj mas yus caij tsheb kauj vab ua si mus rau tom tej park los yog nrog yus tej me nyuam caij ua si xwb. Ces yog tias koj tseem nyiam caij ntxiv ces koj mam mus caij ntawm tej kev uas tej neeg cai tsheb kauj vab siv caij lawv tej tsheb kauj vab."

Yog tham txog cov kev caij tsheb kauj vab kom tau txais kev nyab xeeb lawm ces Ntsuab Pov Vaj hais tias:

"Qhov safety mas koj yuav tsum mus thaum sawv ntxov nawb. Mus thaum yuav laug kab ntug li 6 teev sawv ntxov es tsis tshua muaj tsheb coob. Ces thaum lub caij muaj tsheb coob li 9 los yog 10 teev ces peb twb los tsev lawm."

"Rau qhov tias txoj kev ntawd luag yeej xyuam xim tab sis tsheb coob coob ces muaj muaj teeb meem, koj mus caij ib tsam luag qhib qhov rooj, tej zaum ho muaj cov neeg cai ua si nrog me nyuam, peb caij ceev ceev,

''Ob tuaj tsim nyog koj nruab ib lub safety camera rau koj lub tsheb kauj vab, koj muaj ib lub nyob pem hauv ntej thiab muaj ib lub nram qab, koj caij ces nws yeej pib rocord koj kiag lawm, yog tias muaj tsheb tsoo koj los yog koj muaj teeb meem dab tsi ces, lub safety camera yeej ntau xov tooj kiag rau poj niam thiab tej me nyuam tias koj muaj teeb meem. Ces thaum tsheb tsoo koj ces yeej raug record cia thiab yus lwv tsis tau lawm, thiab yeej record tau lub tsheb ntawv tus number plate, ces yus muab tau rau tub ceev xwm, ces nws pab tau yus ntau yam."

Ntsuab Pov Vaj faj lus rau tej neeg uas nyiam ua exercise li caij tsheb kauj vab tias kom yuav tej tsheb kauj vab zoo theem nrab los siv vim yog yus nyiam tiag thiab xav caij txuas ntxiv los thiaj tau siv.

Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.