Nod yog qee yam uas tsim nyog koj npaj thiab kub siab txog yog koj xav caij tsheb kauj vab ntawm teb chaws Australia raws li Ntsuab Pov Vaj hais.
Ntsuab Pov Vaj hais tias yog yus muaj hnoob nyoog lawm ces lwm yam sports li khiav thiab txuj tes taws yog cov pheej ua rau yus yuav muaj teeb meem mob ib ce, los sis tej zaum yuav ua rau yus raug mob ces nws thiaj tau txaiv txim siab mua caij tsheb kauj vab kom roj ntsha khiav zoo thiab tau txais kev noj qab nyob zoo xwb.
Qhov tseem ceeb cov kev caij tsheb kauj vab ces yuav tau caij thaum sawv ntxov, xyuas kom pleev roj lubricant rau lub tsheb kauj vab txoj saw hlau, xyuas kom cov zog ruaj thiab haum rau lub tsheb, npaj tej khoom noj kom haum rau lub sij haw thiab seb yuav caij deb npaum li cas kom thiaj muaj zog.
Txuas ntxiv ntawd ces yuav tau nrhiav ris tsho, koos moom, khau thiab lub eeb zaum kom zoo thiab haum rau yus. Yog cov tsheb hnyav ces mus tau ze, hos cov kim thiab sib ces caij mus tau deb dua, thiab ceev dua.
Tsis tas li ntawd los yuav tau npaj teeb ntsais tso pem hauv ntej thiab nram qab nrog rau tej security camera thiaj pov puag tau yus tus kheej yog tias ho muaj tsheb sib tsoo.
Saib tau tag nrho 104 cov kev sib tw ncaws pob FIFA World Cup 2026™ uas saib tau tshiab tshiab kiag thiab saib tau dawb ntawm SBS On Demand, saib tau cov kev sib tw txwm 1 teeb, saib tau cov kev sib tw ua txiav ua cov toom luv, thiab saib tau cov kev sib tw tseem ceeb ntawm ib co kev sib tw twg thoob plaws ntawm cov kev sib tw no tau ntawm https://www.sbs.com.au/ondemand/fifa-world-cup-2026
Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.
