Feature: Askiv, Belgium thiab Meskas tau sib tw txuas ntxiv |World Cup 2026 day 21

DALLAS, TX - 17.06.2026: ENGLAND VS CROATIA - Harry Kane of England and his teammates celebrate the team's second goal during the 2026 FIFA Men's World Cup group stage match between England and Croatia at Dallas Stadium in Arlington on June 17, 2026. Source: SIPA USA / Fotoarena/Richard Callis/Fotoarena/Sipa USA/AAP Image

Askiv, Belgium thiab Meskas tau mus sib tw ntiaj teb cov kev ncaws pob FIFA World Cup 2026 txuas ntxiv.

---

Mloog tau SBS Hmong ntawm no.

Karry Kane thiab Youri Tielemans kuj pab Askiv thiab pab Belgium tua noj kom ob lub teb chaws no tau mus sib tw round 16 txuas ntxiv, tib lub caij no los Meskas kuj tau mus sib tw txuas ntxiv thom qab lawv tau muaj yeej tseem ceeb ntawm keeb kwm.

Ntiaj teb cov kev sib tw ncaws pob FIFA World Cup 2026 hnub 21 ntawm Atlanta ces Askiv kuj sib tw yeej Congo 2-1, txawm tias thaum ntxov Congo xub tua noj thawj lub tab sis Askiv tus neeg Harry Kane kuj tua noj ob lub rau thaum yuav xaus rau 45 ntiag tiav tom qab ces thiaj ua rau Askiv tau mus sib tw txuas ntxiv rau round 16 nrog Mexico ntawm Azteca Stadium.

Cov kev sib tw ntwm Seattle ces Belgium kuj tau xub swb 2-0 rau Senegal, tab sis txog rau thaum 86 ntiag tiv ces Belgium kuj tua noj ib lub thiab sai sai tom qab ntawd 3 ntiaj tiv ntxiv ces kuj tua noj ib lub ntxiv ua rau ib tog twg tau 2-2 sib npaug. Tab sis lub caij pub sij hawm ntxiv ntawd ces Senegal ib tug neeg slide thiab ua rau Belguim tus neeg ntog ntawm qhov chaw tua penalty thiab tom qab tus referee txheeb VAR lawm ces txiav txim tua penalty, ces thiaj ua rau Youri Teilemans rov qab tua penalty noj ib lub ntxiv ua rau Belgium yeej Senegal 3-2 htiab tau mus sib tw txuas ntxiv nrog teb chaws Meskas round 16 lawm.

Hos Meskas los kuj yeej Bosnia and Herzegovian 2-0 ces thiaj yog thawj zaug ua rau Meskas tau mus sib tw World Cup knockout txij xyoo 2002 los.

Australia pab Socceroos ces yuav sib tw nrog Egypt 3 am AEST hnub zwj Cag (Saturday) tim 04/07/2026.

Cov teb chaws sib tw hnub tim 03/07/2026:

• Spain sib tw nrog Australia sij hawm 4:30 am AEST.
• Portugal sib tw nrog Croatia sij hawm 8:30 am AEST.
• Switzerland sib tw nrog Algeria sij hawm 12:30 pm AEST.

Saib tau tag nrho 104 cov kev sib tw ncaws pob FIFA World Cup 2026™ uas saib tau tshiab tshiab kiag thiab saib tau dawb ntawm SBS On Demand, saib tau cov kev sib tw txwm 1 teeb, saib tau cov kev sib tw ua txiav ua cov toom luv, thiab saib tau cov kev sib tw tseem ceeb ntawm ib co kev sib tw twg thoob plaws ntawm cov kev sib tw no tau ntawm SBS, SBS VICELAND thiab SBS On Demand.

Mloog tau xov xwm tshiab ntawm SBS Hmong, download SBS Adio app, caum SBS Hmong ntawm Facebook,mloog tau Youtube, Spotify, Podfollow, iHeart Radio, Google Podcast thiab Apple Podcast.