Lub koom haum Yuthou Yindi Foundation yeej tau tswj lub txoos Garma Festival txij xyoo 1999 los lawm thiab yeej tau ua lub koom txoos no txhua lub xyoo twg.
Thiaj ua rau muaj tej neeg txum tim Aboriginal thiab Torres Strait Islander nrog rau tej neeg Australia uas tsis yog neeg txum tim thiab ib co neeg txawv teb cahws tau mus koom lub koom txoos Garma no 4 hnub ntawm sab qaum teb hnub tuaj ntawm Arnhem Land.
Lub koom txoos no kuj yog ib lub ua rau muaj neeg ntau txheeb tus tau mus sib ntsib mus tham txog tej hauj lwm laj fai kum xeeb, tej cai uas ua rau muaj teeb meem rau neeg txum tim, ua ke no kuj muaj kev ua tej kab lis kev cai, nqua neeg txum tim tej nkauj thiab seev cev nrog rau cov kev sib cog kawm thiab sib pauv hloov tej kab lis kev cai.
Txawm tias Australia tus thawj pwm tsav Anthony Albanese tau qhua txog lub koom haum Yoorrook Justice Commission cov kev mus txheeb thiab qhia txog qhov tseeb uas tau tshwm sim rau Australia tej neeg txum tim ntawm xeev Victoria los nws kuj tsis qhia meej tias seb tsoom fwv teb chaws puas yuav txheeb tej xwm txheej tau tshwm sim rau neeg txum tim li cas.
Ned Hargraves uas yog neeg txum tim Warlpiri tus coj thiaj tau qhia rau NITV thiab thov kom thawj pwm tsav 'nrog xyuas kom xaus cov kev phej tua neeg txum tim npog nroj ntsuab, thiab nqes tes ua ib yam dab tsi los daws tej xwm txheej no.'
Nws tseem tau tawm tsam tsis pom zoo nrog tus tsoom fwv xeev Northern Territory lub tswv yim los tsim dua ib tsab cai tshiab rau txim hnav rau tej neeg tsim teeb meem txhaum cai rau lwm tus tias 'Lawv tsuas siv lawv tej fwj chim coj los tsim kev puas tsuaj rau peb (coj los txov peb) xwb, thiab ua kom peb tsis txhob muaj cai dab tsi xwb.'
'Peb tsis yog tsiaj, thiab tsis yog tej neeg phem yuav tua lwm tus. Peb xav ua lub neej ywj pheej. Peb xav ua neej nrog peb tej me nyuam thiab ntau phaum neeg txuas ntxiv, thiab xav ua lub neej tau txais kev nyab xeeb. Tam sim no ces peb thiab tag nrho peb tej me nyuam yeej ua lub neej nyob ntshai rwg xwb.'
Katie Kiss ces yog tus coj lub koom haum Aboriginal thiab Torres Strait Islander Social Justice Commission hais tias 'Peb txhawj xeeb heev vim tej cai no yeej yuam tej cai pov puag leej tib neeg toxj cai thiab ntau yam cai uas Australia tau kos xyeem mem tes pom zoo siv.'
Royal Commission cov kev cej luam xyoo 2017 yeej tsis pom zoo nrog tsoom fwv NT tej cai nruj, thiab Sussan Ley uas yog tus coj ntawm lwm pab nom teb chaws los yeej tau qhia rau SBS World News hais tias tej neeg yeej tsis totaub txog rau thaum lawv raug ib tug neeg ua phem rau tso.
Matthew Ryan uas yog tus tswj lub koom haum Northern Land Council los kuj hais tias ''tus hau xeev NT ua dhau nrom nrim lawm. Nws yeej tsis mloog tus twg hais thiab yeej tsis ua tib zoo sab laj nrog lwm tus li.''
Thiaj ua rauPapua New Guinea tus nom Geraldine Paul uas yog tus nom tswj Boganville hais tias ''Yeej tsis ceeb dab tsi, vim peb yeej ntsib tej xwm txheej muaj ntsis sib xws li ntawm no ntawm peb lub teb chaws Boganville thiab.''
