Program xov xwm tshaj tawm ua lus Hmoob rau hnub Thursday tim 17 lub 3 hlis ntuj xyoo 2022 hais txog teeb meem dej nyab ntawm Brisbane thiab Hmoob community, tsoom fwv Australia cov nyiaj welfare uas pab ntau tuaj ntxiv thiab leej twg yuav tau cov nyiaj no nrog rau yuav daws tej teeb meem nqe roj kim tuaj rau lub caij tseem ua tso rog ntawm teb chaws Ukraine.
Cov ntsiab lus tseem ceeb:
- Nrog Choj Lis tham txog seb dej nyab li cas ntawm Hmoob tej zos ntawm Brisbane thiab tej tswv yim dab tsi thiaj pab tau yus rau lub caij dej nyab.
- Leej twg yog cov muaj cai tau tsoom fwv Australia cov nyiaj pab cuam welfare payment 3 zaug uas tau ib nyuag ntau me ntsis ntxiv txij hnub tim 20 lub 3 hlis ntuj xyoo 2022.
- Lub tswv yim twg thiaj daws tau tej teeb meem nqe roj tsheb kim.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm Facebook, Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
Share
