Nom tswv tswj kev noj qab haus huv xeev qhia tias muaj neeg kis tau tus kab mob COVID-19 tsawg zog lawm, nom tswv xeev NSW tau ceeb toom kom tej neeg tau mus rau lub khw Bunnings ntawm Campbelltown rau hnub tim 4-6 August 2020 txheeb seb lawv puas muaj cov yam ntxwv mob tom qab txheeb tau tias ib tug neeg ua hauj lwm ntawm lub khw no kis tau tus mob COVID-19, nom tswv Australia ceeb toom kom tej hluas txhob mus koom tej nightclubs ntau lub thiaj tsis kis kab mob coronavirus, Lebanon tus thawj pwm tsav hais kom muaj kev xaiv tsa ntxov rau lub caij pej xeem tseem sam sim tawm tsam, nom tswv Suav thiab Hong Kong tsis pom zoo rau Meskas cov kev rau txim rau lawv tej nom tseem ceeb, dej nyab South Korea thiab Nplog teb, India lub dav hlau poob,...
Download tau lub COVIDSafe app los siv kom pab Australia tiv thaiv kom txhob muaj neeg kis tau tus kab mob coronavirus no ntxiv.
Tam sim no twb muaj neeg Australian ze txog 6 million tus tau download lub COIDSafe app no los siv lawm tab sis nom tswv Australia yeej xav kom muaj neeg yuav laug txog li ib nrab (10 million) tus download siv mas thiaj siv tau hauj lwm zoo.
Tsim nyog koj paug txog tej xo dab tsi rau lub caij muaj tus kab mob coronavirus no tseem sib kis thoob ntuj :
Australia muaj neeg kis tus kab mob COVID-19 li no: Ntiaj teb muaj neeg kis tau kab mob COVID-19 npaum li no:Ntiaj teb daim luaj chib lig (World map) qhia tias teb chaws twg kis thiab tas sim neej los ntawm tus kab mob COVID-19 ntau npaum li cas:Tej neeg nyob ntawm nroog Melbourne yuav tsum tau nyob twj ywm hauv tsev li nom tswv tau haias thiab tsuas tawm tsev mus yuav khoom noj khoom haus tseem ceeb, mus kawm ntawv, mus ua hauj lwm, mus ua exercise los yog mus tu saib xyuas lwm tus neeg xwb. Tsis tas li no los nom tswv yeej tau taw qhia kom siv ntaub khwb qhob ncauj thaum lawv mus rau zej tsoom tej chaw thiab. Mus txheeb tau tej xov xwm koj yuav tsum tau paub txog tus kab mob COVID-19 ntawm tej xeev tau ntxiv ntawm no.
Tej neeg nyob ntawm teb chaws Australia yuav tsum nyob kom nrug ntawm lwm tus neeg li 1.5 metres. Thiab mus txheeb ntxiv seb koj lub xeev ho muaj cov kev txwv tsis pub tej neeg sib sau li cas ntxiv.
Yog tias koj tau khaub thuas thiab muaj yam ntxwv mob, ces nyob twj yim hauv tsev thiab npaj hu xov tooj nrog koj tus kws kho mob tham los yog hu rau lub koom haum Coronavirus Health Information Hotline tus xov tooj 1800 020 080 tham seb yuav mus sim seb puas kis tus kab mob coronavirus no tau li cas.
SBS yeej tsim tau cov xov xwm ua 63 hom lus qhia txog tus kab mob no thiab koj muaj peev xwm mus txheeb xyuas tau ntawm sbs.com.au/coronavirus.
Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.
Share
