Xov xwm zwj Teeb 2020.09.10

Tej hluas yog cov thov cov nyiaj unemployment siv coob tshaj, neeg kis kab mob ntawm xeev Victoria tsawg lawm, xeev Queensland tsis txaus siab rau thawj pwm tsav, Australia tej keeb cag neeg tus chij, Donald Trump raug tib tias dag tsis qhia qhov tseeb txog tus kab mob COVID-19 rau neeg Americans, lub lim tiam qhia txog cov teeb meem mob hlwb thiab poj niam txoj kev noj qab haus huv, tseem txiav txim siab tias seb puas pub tej neeg mus koom cov kev sib tw Tokyo Olympic 2021 li cas,...

Source: Getty Images

Saib tau daim yeeb yaj duab (Video) qhia kom peb tau txais kev nyab xeeb thiab txhob kis tus kab mob coronavirus ntawm no:

Tej neeg nyob ntawm nroog Melbourne tseem raug txwv theem 4 thiab yuav tsum ua raws cov kev txwv tsis pub tawm hmo ntuj txij sij hawm 8pm-5am txhua hmo. Nyob rau lub caij uas txwv tsis pub eneg tawm no tej neeg yeej tseem muaj peev xwm tawm mus ua tau hauj lwm, mus siv kev kho mob mus tu lwm tus los yog tos lwm tus tuaj tu ib tug neeg twg los sis yog mloog tau tias tsis tau txais kev nyab xeeb ces muaj peev xwm tawm tau ntawm tsev tau. Thiab txheeb tau ntawm no.

Txhua tus neeg Victorians yuav tsum siv ntaub npog qhov ncauj thaum lawv tawm ntawm tsev mus rau ib qho chaw qhov twg.

Txhua tus neeg ntawm teb chaws Australia yuav tsum nyob kom nrug ntawm lwm tus neeg li 1.5 metres. Txheeb ntawm lub xeev koj nyob seb ho pub tej neeg sib sau ua ke tau li cas. Yog tias koj muaj cov yam ntxwv mob li khaub thuas lawm, ces nyog twj ywm ntawm tsev, hu rau koj tus kws kho mob los yog lub chaw Coronavirus Health Information Hotline tus xov tooj 1800 020 080 seb yuav npaj mus sim li cas. Thiab yog koj xav mloog, nyeem los yog saib tej xov xwm txog tus kab mob COVID-19 ua 63 hom lus ces mus txheeb tau ntxiv ntawm sbs.com.au/coronavirus.

Mloog tau SBSHmong rau hnub zwj Teeb (Thursday) thaum 6 pm AEDT thiab hnub zwj Hnub  (Sunday) thaum 11 am AEDT los yog koom tau ntxiv ntawm SBS Hmong Facebook thiab subscribe los sis yog download thiab mloog tau ntau cov podcasts (xov xwm ua suab) ntawm Google podcasts, Spotify, thiab Apple podcasts los yog download SBS Radio App kom koj mloog tau SBS Hmong.