ဖဲလၢအတၢ်လိာ်ကွဲဒီး ပးရးကွ့ ထီၣ်ထူလိာ်အသးဝံၤအလီၢ်ခံ အီစထြ့လယါကီၢ်ထီၣ်ဘၣ်ဆူ ၃၂ဖုတၢ်လိာ်ကွဲပြၢအပတီၢ်

FIFA World Cup 2026 —၂ဝ၂၆ နံၣ် ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲပြၢ ၁၅သီအနံၤအံၤ, တၢ်လိာ်ကွဲပြၢဒီး ပးရးကွ့အပူၤ အီစထြ့လယါကီၢ် ဒိးန့ၢ်ဘၣ်ဝဲအမးတမးန့ၣ်လီၤ. Ecuador မၤနၢၤဝဲ Germany အဃိ လၢအအိၣ်ပာ်ဖဲနီၣ်ဂံၢ်သၢအပတီၢ်န့ၣ် ခဲကနံၣ်အံၤလဲၤထီၣ်ဘၣ်ဝဲဆူ ရှူဟးထီၣ်အပတီၢ်, Côte d’Ivoire ဖျၢၣ်ထူကရူၢ်, ဃုာ်ဒီး Netherlands, ယပၣ်ဒီး Sweden ကရူၢ်သ့ၣ်တဖၣ်လဲၤထီၣ်ဘၣ်ဝဲဆူ ၃၂ဖုတၢ်ပြၢဝးတရံးအပတီၢ်စ့ၢ်ကီးန့ၣ်လီၤ.

---

ဖီးခးစ်တၢ်ကလုၢ်အဂုၤအဂၤသ့ၣ်တဖၣ်: https://www.sbs.com.au/language/ karen/ kar/collection/podcast/0ms9u5vjn

ဖဲကရူၢ်— D အပူၤ, ကရူၢ်ကိးဖုဒဲးတၢ်လိာ်ကွဲပြၢလိာ်သးအပူၤဝံၤအလီၢ်ခံ Socceroos လဲၤထီၣ်ဝဲဒၣ်ဆူ ရှူဟးထီၣ်တၢ်ပြၢအပတီၢ်, ဖဲလၢ ကရူၢ်— E အပူၤ အံးကွ့းဒီ ဒီး ကၠၢမနံၣ် တၢ်လိာ်ကွဲပြၢအပူၤ အံးကွ့ဒီ မၤနၢၤတၢ်အဃိ ထီၣ်ဘၣ်ဆူ ၃၂ဖုတၢ်လိာ်ကွဲပြၢအပတီၢ်လံန့ၣ်လီၤ.

တူၢ်လိာ်ကမုာ်ဘၣ်သုဖဲ ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲကိးနံၤဒဲးတၢ်ပာ်ဖျါအပူၤ. ယၤန့ၣ်မ့ၢ်ရှါဖီၤ, ဒီး အဝဲအံၤန့ၣ်မ့ၢ်ဝဲဒၣ် FIFA World Cup 2026 — ဟီၣ်ခိၣ်ဒီဘ့ၣ် ဖျၢၣ်ထူတၢ်လိာ်ကွဲပြၢ ၁၅ သီတသီ တၢ်ပာ်ဖျါအဘိၣ်န့ၣ်လီၤ.

———

Socceroos အကံၢ်အစီထီၣ်ဘးလၢအလဲၤထီၣ်ဘၣ်ဆူ ရှူဟးထီၣ်အပတီၢ် ဖဲလၢအလိာ်ကွဲပြၢးဒီး ပးရးကွ့ အနၢၤအရှူတအိၣ် ထီၣ်ထူၣ်လိာ်အသးဝံၤအလီၢ်ခံန့ၣ်လီၤ.

ပှၤနုာ်လီၤလိာ်ကွဲ ၁၁ ဂၤအစရီန့ၣ် အီစထြ့လယါဖျၢၣ်ထူကရူၢ်ပှၤနဲၣ်တၢ် Tony Popovic မၤဝဲတၢ်ဆီတလဲ ဃုဘျီ, ဒီး ဖဲတၢ်လိာ်ကွဲပြၢ တၢတပတီၢ်အပူၤ အီစထြ့လယါကရူၢ် မၤဝဲတၢ်ဆီၣ်သနံးဆူၣ်မးအဃိ ဒုးအိၣ်ထီၣ်တၢ်မုၢ်လၢ်န့ၢ်ဝဲဖးအါန့ၣ်လီၤ.

ပးရးကွ့ အတၢ်ရဲၣ်တၢ်ကျဲၤခိၣ်သ့ၣ်န့ၣ် မ့ၢ်ဝဲဒၣ်လၢ အကတြီဃာ်ဝဲ အီစထြ့လယါပှၤလိာ်ကွဲဖိအတၢ်ဒုးထီဒါ, ဒီး ဖဲတၢ်လိာ်ကွဲ တၢတပတီၢ် ၄၅ မံးနံးန့ၣ် အဝဲသ့ၣ် ဆီလီၤပာ်လီၤဝဲဒ်သိး တၢ်တူၢ်ခီၣ်တၢ်အက့ၢ်အဂီၤအသိးအဃိ ဒုးအိၣ်ထီၣ် တၢ်လီၤသးအ့န့လၢ Socceroos အဂီၢ်န့ၣ်လီၤ.

လၢတၢ်လိာ်ကွဲ ခံကတီၢ် တပတီၢ်န့ၣ် လီၤဆီလိာ်အသး, လၢအမ့ၢ် ပးရးကွ့ ဆီတလဲသုးအသးဆူ တၢ်ထီၣ်ဒုးတၢ်အကျိၤအကျဲ တကပၤန့ၣ်လီၤ.

လၢခံကတၢၢ်န့ၣ်, ကရူၢ်ခံဖုလၢၤအံၤ အတန့ၢ်ဘၣ် ကိနီတဖျၢၣ်ဘၣ်, အဃိ မ့ၢ်တၢ်ဒုးအိၣ်ထီၣ်တၢ်အဆၢလၢ အကဲတၢ်န့ၢ်ဘျုးန့ၢ်ဖှိၣ်ဒီး အီစထြ့လယါကရူၢ်န့ၣ်လီၤ.

တၢ်လိာ်ကွဲပြၢဝံၤအလီၢ်ခံ Popovic မုာ်သူၣ်မုာ်သးဝဲဒီး အကရူၢ်အံၤန့ၣ်လီၤ.

———

“လီၤကမၢကမၣ်သပှၢ်, န့ၢ်ဆဲးလိာ်အသး WC ခံခါ, အိၣ်ဝဲဒၣ်ဖဲနီၣ်ဂံခံအပတီၢ်, မ့ၢ်တၢ်ဒုးနဲၣ်ဖျါ အပတီၢ်လၢ ပမၤန့ၢ်ဝဲဒၣ်အီၤ နာ်သက့ တၢ်အံၤမ့ၢ်ဝဲ တၢ်လၢပမုၢ်လၢ်ပာ်အီၤ, အခဲအံၤန့ၣ် ပကဘၣ်မၤဝဲတၢ်တမံၤမံၤ. အီစထြ့လယါဖျၢၣ်ထူကရူၢ် လၢအန့ၢ်လိာ်ကွဲဘၣ်ဖဲ ရှူဟးထီၣ်အပတီၢ်န့ၣ် တအိၣ်နီတဖုဒ်ဘၣ်. ယဆိကမိၣ် တၢ်လိာ်ကွဲ တၢတပတီၢ်န့ၣ် မ့ၢ်တၢ်လၢအဂ့ၤမး, အတၢ်အိၣ်သးဂ့ၤဒိၣ်န့ၢ်လၢ အလီၢ်ခံတပတီၢ်. တုၤဖဲတၢ်လိာ်ကွဲပြၢပတၢၢ်, တၢ်အူသီၣ်ထီၣ်တၢ်ဘျီ, သးဖှံလီၤက့ၤဝဲဒၣ်န့ၣ်လီၤ.

အခဲအံၤ အီစထြ့လယါကီၢ် ကဘၣ်တိနိၣ်လိာ်သးဒီး ကရူၢ်— G အပူၤ ပှၤလၢ အအိၣ်ဖဲ နီၣ်ဂံၢ်သၢအပတီၢ်, ဒီးကရူၢ်လၢအအိၣ်ဖဲသၢအပတီၢ်သ့ၣ်တဖၣ်န့ၣ်မ့ၢ်ဝဲဒၣ် Belgium, Egypt, Islamic Republic of Iran ဒီး New Zealand ဖျၢၣ်ထူကရူၢ်သ့ၣ်တဖၣ်န့ၣ်လီၤ.

မ့မ့ၢ်လၢတၢ်လိာ်ကွဲပြၢကရူၢ်အဂၤသ့ၣ်တဖၣ်န့ၣ်, Türkiye မၤကတၢၢ်ဝဲ အတၢ်နုာ်လီၤတၢ်ပြၢတဘျီအံၤပှဲၤဒီးတၢ်လီၤကမၢကမၣ် လၢအမ့ၢ် မၤနၢၤဝဲ USA ဖျၢၣ်ထူကရူၢ် ၃-၂ ကိန့ၣ်လီၤ.

တချုးလၢတၢ်ပြၢအံၤစးထီၣ်ဒ်ဘၣ်အခါန့ၣ် ဖျၢၣ်ထူကရူၢ်ခံဖုအံၤသ့ၣ်ညါပာ်စၢၤဝဲဒၣ် အဝဲသ့ၣ်အဘူၣ်အတီၢ်လံန့ၣ်လီၤ.

USA ဖျၢၣ်ထူကရူၢ်အံၤ မ့ၢ်ရှူနာ်သက့ အိၣ်ဒ်ဝဲဒၣ်ဖဲကရူၢ်အကျါ အပတီၢ် အဖီခိၣ်ကတၢၢ်, ဒီး မ့မ့ၢ်လၢ Türkiye န့ၣ် မၤနၢၤတၢ်ဘၣ်ဆၣ် ဘၣ်ဟးထီၣ်ကွံာ်လၢတၢ်ပြၢတဘျီအံၤလံ, ခီဖျိလၢ အဝဲသ့ၣ်တၢ်လိာ်ကွဲပြၢအဂၤသ့ၣ်တဖၣ်အပူၤ တမၤနၢၤတၢ်ဘၣ်အဃိန့ၣ်လီၤ.

———

ဖဲကရူၢ်— E အပူၤန့ၣ်, Ecuador ထူပြၢလိာ်အသးဒီး ကၠၢမနံၣ် လၢအမ့ၢ်ဝဲဒၣ် ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲပြၢ ပှၤဖျိးစိ—champion လွံၢ်ဘျီ ဒီး မၤနၢၤဝဲ ကၠၢမနံၤ ၂—၁ကိ အဃိ လဲၤထီၣ်ဘၣ်ဝဲဆူ ၃၂ ကရူၢ်တၢ်ပြၢဝးတရံးအပတီၢ်လံန့ၣ်လီၤ.

နာ်သက့ ကၠၢမနံၣ်အံၤ အိၣ်ဒ်ဝဲဒၣ်ဖဲကရူၢ်အပတီၢ် တၢ်ဖီခိၣ်ကတၢၢ် မ့ၢ်လၢ အဝဲသ့ၣ် မၤနၢၤပာ်လံဝဲဒၣ် တၢ်လိာ်ကွဲပြၢခံဘျီလံအဃိန့ၣ်လီၤ.

Côte d'Ivoire မ့တမ့ၢ် Ivory Coast န့ၣ်အိၣ်ဝဲနီၣ်ခံအပတီၢ် ဖဲလၢအဝဲသ့ၣ်မၤနၢၤကွံာ် Curaçao ဖျၢၣ်ထူကရူၢ် ၂-ဝ ကိဝံၤအလီၢ်ခံန့ၣ်လီၤ.

မ့မ့ၢ်ဖဲကရူၢ်— F အပူၤန့ၣ်, Sweden ဒီး ယပၣ် ခံဖုလၢၤအံၤ ပြၢလိာ်ဝဲအသးလၢ နီၣ်ဂံၢ်ခံအလီၢ်, ဒီး အဝဲသ့ၣ်မၤန့ၢ်အီၤ မ့ၢ်လၢ န့ၢ်ဝဲဒၣ် တဂၤ ၁—၁ ကိစုာ်စုာ်အဃိန့ၣ်လီၤ.

Sweden ကရူၢ်အံၤ ကဲထီၣ်ဝဲ ပှၤန့ၢ်နီၣ်ဂံၢ်သၢ ကရူၢ်အဂ့ၤကတၢၢ်သ့ၣ်တဖၣ်အကျါ ကရူၢ်တဖု ဒီး မ့မ့ၢ် ယပၣ် န့ၣ် ကဘၣ်ထံၣ်လိာ်အသးဒီး Brazil ဖဲ ၃၂ဖုတၢ်လိာ်ကွဲပြၢဝးတရံးအပတီၢ်န့ၣ်လီၤ.

Meanwhile, the မ့မ့ၢ် Netherlands မၤနၢၤဝဲဒၣ် Tunisia ဖျၢၣ်ထူကရူၢ် မုာ်မုာ်ခုၣ်ခုၣ် လၢအနၢၤဝဲဒၣ် ၃-၁ကိ, ဒီး လဲၤထီၣ်ဘၣ်ဝဲဆူ ရှူဟးထီၣ်အပတီၢ် လၢအကဘၣ်တိနိၣ်လိာ်အသးဒီး Morocco န့ၣ်လီၤ.

———

ဖဲ တၢ်လိာ်ကွဲပြၢ ၁၆ သီ အပူၤန့ၣ် တၢ်အၢၣ်လီၤအိၣ်လၢ တၢ်လိာ်ကွဲပြၢသ့ၣ်တဖၣ်ကအိၣ်ပှဲၤဒီး တၢ်လီၤသူၣ်ပိၢ်သးဝး, ဒီး ဖဲတၢ်ပြၢစရီအပူၤန့ၣ် တၢ်ထူပြၢအိၣ်ဝဲဃုခါန့ၣ်လီၤ.

ကရူၢ်— I အပူၤန့ၣ်, Norway ကဘၣ်ထူဒီး ဖြၣ်စ့ၣ်ဖျၢၣ်ထူကရူၢ်, မ့မ့ၢ် Senegal န့ၣ်ကဘၣ်ထူပြၢဒီး Iraq န့ၣ်လီၤ.

ကရူၢ်— H အပူၤန့ၣ်, Uruguay ကထံၣ်လိာ်သးဒီး Spain, ဒီး Cabo Verde န့ၣ်ကဘၣ်ထူပြၢဝဲဒီး Saudi Arabia န့ၣ်လီၤ.

လၢကရူၢ်— G အပူၤတခီ, New Zealand ကဘၣ်ထူပြၢဒီး Belgium, ဒီး Egypt န့ၣ် အကဘၣ်ထူပြၢဒီး Islamic Republic of Iran န့ၣ်လီၤ.

အခဲအံၤန့ၣ်နဒိကနၣ်ဝဲဒၣ် World Cup Daily Update တၢ်ရဲၣ်အတၢ်ကျဲၤ ၁၅ သီတသီအတၢ်ကစီၣ်. ယၤန့ၣ်မ့ၢ် ရှါဖီၤ.

FIFA World Cup 2026™—၂ဝ၂၆နံၣ် ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲပြၢန့ၣ် နကွၢ်ကီ ကလီအီၤ ဖဲ SBS ဒီး SBS On Demand အပူၤ သ့ဝဲကိးဆၢကတီၢ်ဒဲးန့ၣ်လီၤ.