ကီၢ်အီစထြ့လယါ နုာ်လီၤပၣ်ဃုာ်သကိးဒီး ကီၢ်ခဲနဒၣ်, ပီးတူးကၢး ဒီး ကီၢ်ယူခ့ၤ လၢတၢ်ပာ်ပနီၣ် ပှၤပးလဲးစတဲကီၢ် ဖဲဘီမုၢ်စၢဖှိၣ်ကရၢ န့ၣ်လီၤ. တၢ်ဘိးဘၣ်ရၤလီၤအံၤ ဘၣ်တၢ်ဒုးသ့ၣ်ညါလီၤအီၤလၢ ကိတိာ်ခိၣ်ကျၢၢ် Anthony Albanese ဒီး ထံဂုၤကီၢ်ဂၤကိတိာ် Penny Wong ဖဲဘီမုၢ်စၢဖှိၣ်ကရၢဝဲၤလီၢ်ခိၣ်သ့ၣ် အချၢ လၢအအိၣ်ဖဲနယူယီၣ်ဝ့ၢ်န့ၣ်လီၤ. ပဒိၣ်စံးဝဲဒၣ် တၢ်ပာ်ပနီၣ်အံၤ မ့ၢ်ဝဲဒၣ် တၢ်ဆီၣ်ဖျိးလၢတၢ်ကဒုးကဲထီၣ်ထံကီၢ်ခံဘ့ၣ်အဂီၢ် လၢအမ့ၢ်ဝဲဒၣ် ပှၤအံးစရ့ ဒီး ပှၤပးလဲးစတဲ တၢ်သဘံၣ်သဘုၣ် အဘှါရှဲအကျဲတခါန့ၣ်လီၤ.
တၢ်ကလုၢ်တဖၣ်: https://www.sbs.com.au/language/karen/kar/collection/podcast/0ms9u5vjn
မ့မ့ၢ် အံးစရ့း ကိတိာ်ခိၣ်ကျၢၢ် Benjamin Netanyahu ဟ့ၣ်ဒုးပလီၢ်ဝဲဒၣ်ထံကီၢ်သ့ၣ်တဖၣ်အံၤ ဒီးစံးဝဲဒၣ် အဝဲအတၢ်ပညိၣ်သ့ၣ်တဖၣ်န့ၣ် အကမၤလီၤတံၢ်ဝဲဒၣ်ဒ်သိး ပးလဲးစတဲကီၢ် တအိၣ်ထီၣ်နီတဘျီဘၣ်န့ၣ်လီၤ.
Share
