ကညီဘၣ်ကီဘၣ်ခဲလီၢ်လံၤ အဲလ့ာ် တၢ်ဒ့တၢ်အူ အတၢ်မံမီၢ်

ကညီပှၤဒ့တၢ်ဖိ အဲလ့ာ် လၢအသးနံၣ် ၃၄ တဂၤ ဒုးအိၣ်ထီၣ်ဝဲအနီၣ်ကစၢ်ဝဲ ဒၢးဖီၣ်တၢ်ကလုၢ်ပနံာ်တၢ်ဖံးတၢ်မၤ လၢအအိၣ်ဖဲ မဲလ်ဘၢဝ့ၢ် မုၢ်နုာ်တကပၤဒီး တကတီၢ်ဃီန့ၣ်အဝဲမ့ၢ်စ့ၢ်ကီး ဖၠၣ်စိမိၤကၠိဖိတဂၤလၢအမၤလိဝဲဘၣ်တၢ်ကလုၢ်အဂ့ၢ်— Bachelor of Audio ဒီးတနံၣ်အံၤန့ၣ် မ့ၢ်ဝဲတၢ်မၤလိ အဆၢကတီၢ် လီၢ်ခံကတၢၢ်န့ၣ်လီၤ.

Eh Lay in his L A Record studio. Photo: SBS KAREN/SHAH PAUNG

တၢ်ကလုၢ်တဖၣ်: https://www.sbs.com.au/language/karen/kar/collection/podcast/0ms9u5vjn

အဲလ့ာ် ဒီးအဟံၣ်ဖိဃီဖိဟဲသုးလီၢ်အိၣ်ဆိးဖဲအီစထြ့လယါကီၢ် ဖဲ၂ဝဝ၆နံၣ် ဒီး ဟဲန့ၢ်ဝဲဒၣ်လၢ ထါမဟ့ၣ် ကညီဘၣ်ကီဘၣ်ခဲ ဒဲကဝီၤ, ကၠီၣ်တဲၣ်ဒီးကီၢ်ပယီၤ ကီၢ်ဆၢန့ၣ်လီၤ.

Eh Lay in his L A Record studio. Photo: SBS KAREN/SHAH PAUNG

အဲလ့ာ် ဟဲတုၤသီအခါ တသ့အဲကလံးကျိာ်ဘၣ်. တချုးလၢအဲလ့ာ် ဆဲးထီၣ်တၢ်ဒ့တၢ်အူကၠိဒ်ဘၣ် ဒီး ဖဲဖျိထီၣ်တီၤထီကၠိဝံၤအလီၢ်ခံန့ၣ် အဝဲနုာ်လီၤမၤတၢ်မၤ လၢတၢ်ဖံးတၢ်ညၣ် စဲးဖီကဟၣ်တၢ်မၤလီၢ်ဒီး လၢခံန့ၣ်အဝဲနုာ်လီၤမၤစ့ၢ်ကီး တၢ်ဖံးတၢ်မၤဖဲတၢ်ဆါဟံၣ်နွံနံၣ်န့ၣ်လီၤ.

Eh Lay interview with SBS Karen Program in L A Record studio. Photo: SBS KAREN/SHAH PAUNG

အဲလ့ာ် အတၢ်ဒ့တၢ်အူအတၢ်လဲၤကျဲ ဒီး အပနံာ်တၢ်ဖံးတၢ်မၤအံၤ အတၢ်အိၣ်သးသ့ၣ်တဖၣ်အိၣ်ဒ်လဲၣ်န့ၣ် SBS ကညီကျိာ်တၢ်ရဲၣ်တၢ်ကျဲၤ, ရှါဖီၤ လဲၤထံၣ်လိာ်တဲသကိးဝဲတၢ်ဒီးအီၤဖဲအတၢ်ဖီၣ်တၢ်ကလုၢ်ဒၢးဖိအပူၤန့ၣ်လီၤ.