လါခူးအလါအံၤ လၢကညီဖိသ့ၣ်တဖၣ်အဂီၢ် မ့ၢ်ဝဲလါတလါလၢတၢ်ဟဲက့ၤအိၣ်ဖှိၣ် ပာ်ဖှိၣ် ကံၢ်ဖှိၣ်သကိးစု အဆၢကတီၢ် တကးဘၣ် မ့ၢ်စ့ၢ်ကီးလါလၢတၢ်ပာ်ဖျါထီၣ် တၢ်ဃူတၢ်ဖိး အကတီၢ်န့ၣ်လီၤ.
ကညီဖိလုၢ်လၢ်ထူသနူ လါခူးကံၢ်စုန့ၣ် ဘၣ်တၢ်မၤဝဲဒၣ်အီၤဖဲ လါခူးအဆၢကတီၢ်ဒီတလါညါ လၢဟံၣ်ဖိဃီဖိတဒူၣ်ဘၣ်တဒူၣ်အပူၤမ့ၢ်ဂ့ၤ, ပှၤတဝၢ တခါခါဘၣ်တခါအပူၤမ့ၢ်ဂ့ၤ, ဒူသဝီတဖျၢၣ်ဘၣ်တဖျၢၣ်အပူၤအမ့ၢ်ဂ့ၤ လီၢ်ကဝီၤ တတီၤဘၣ်တတီၤအပူၤမ့ၢ်ဂ့ၤ ဟဲက့ၤပာ်ဖှိၣ်ထီၣ်သး မၤလၤကပီၤသကိး လါခူးကံၢ်စုအမူး ဒ်အမ့ၢ်ကညီကလုာ် အတၢ်ထူးတၢ်တီၤအဒိၣ်အယိာ်တခါန့ၣ်လီၤ.
ဖဲကညီဖိလါခူးကံၢ်စုအဆၢကတီၢ်အံၤ အဲးစ်ဘံအဲးစ် ကညီကျိာ် တဲသကိးတၢ်ဒီး အီစထြ့လယါကညီဖီၣ်ကျၢၤမၤဂ့ၤထီၣ်စံၣ်စိၤဆဲးလၤကရၢ Australian Karen Preserving and Promoting History, Cultural Association - AKP အပှၤပၢၤလီၢ်ဆ့ၣ်နီၤ သးပှၢ်မုၣ် မုဂါ လဲၣ်လဲၣ်ဝ့ ဒီးအဝဲတဲဘၣ်ဝဲဒၣ်အတၢ်ထံၣ်ဘၣ်ဃး ကညီဖိလုၢ်လၢ်ထူသနူလါခူးကံၢ်စုအဂ့ၢ် လၢမိၢ်ထံးအကျိာ်န့ၣ်လီၤ.
Share
