ကညီပိာ်မုၣ်ဖိသၣ်ပှၤဖျိးစိလၢ ခရးတ့ ဒိးန့ၢ်ဘၣ်ခိၣ်ဖးသၢဖဲထံကီၢ်ဒီဘ့ၣ်ပှၤဖျိးစိတၢ်ပြၢအပတီၢ်

Michelle Shalom, Individual Female Kata U10. Photo: Mae Mae Shalom

ကညီပိာ်မုၣ်ဖိသၣ် လၢအသးနံၣ်အိၣ်ခွံနံၣ် Michelle Shalom လၢအနုာ်လီၤပြၢတၢ်ဖဲ အီစထြ့လယါ ထံကီၢ်ဒီဘ့ၣ် အပတီၢ် ခရးတ့ တၢ်ပြၢအပူၤန့ၣ် ဒိးန့ၢ်ဘၣ်ဝဲခိၣ်ဖးသၢန့ၣ်လီၤ.

---

ဖီးခးစ်တၢ်ကလုၢ်အဂုၤအဂၤသ့ၣ်တဖၣ်: https://www.sbs.com.au/language/ karen/ kar/collection/podcast/0ms9u5vjn

ဖဲလါယူၤလံထီၣ် ၉—၁၂ သီအနံၤ တနံၣ်တဘျီ ထံကီၢ်ဒီဘ့ၣ်ပှၤဖျိးစိ— National Championships တၢ်ပြၢအပူၤန့ၣ် Michelle Shalom နုာ်လီၤပြၢဝဲတၢ်ဖဲ ပိာ်မုၣ်ဖိလၢအသးစၢ်ကတၢၢ်အကရူၢ်— Individual Female Kata U10 တၢ်ပြၢအပူၤဒီး ဒိးန့ၢ်ဘၣ်ဝဲ ခိၣ်ဖးသၢ—တိၢ်ဂီၤ တၢ်ဟ့ၣ်ကနၢၤန့ၣ်လီၤ.

ဖဲတၢ်ပြၢတဘျီအံၤန့ၣ် Michelle နုာ်လီၤပြၢအီၤဒ်သိး အမ့ၢ်ဝဲဒၣ် ဝံးထိရံယါကီၢ်စဲၣ် အခၢၣ်စး ပှၤပြၢတၢ်ဖိတဂၤအသိး ဒီးအဝဲသးမံဒီး တၢ်မၤန့ၢ်ခိၣ်ဖးသၢတဘျီအံၤန့ၣ်လီၤ.

Michelle Shalom in group photo after the competition. Photo: Mae Mae Shalom

Michelle မ့မ့ၢ် ပိာ်မုၣ်ဖိသၣ်တဂၤလၢ အသးအိၣ်မၤလိသ့အသးဒီး ခရးတ့ အတၢ်ဂဲၤလိနာ်သက့ ဖဲအစးထီၣ်အခီၣ်ထံးအခါန့ၣ် အတၢ်လဲၤကျဲအံၤ တလဲၤတ့ၢ်အသးလိၤလိၤဘၣ် နာ်သက့ အဝဲတမ့ၢ်ဖိသၣ်ဖိတဂၤလၢ အဟ့ၣ်ဃၣ်ကွံာ်အသးညီညီဘၣ်.

Michelle အတၢ်နုာ်လီၤမၤလိ ခရးတ့ အလီၢ်န့ၣ်မ့ၢ်ဝဲဒၣ်ဖဲ Samurai Karate Sunshine အခၢးဖ် လၢအအိၣ်ဖဲမဲလ်ဘၢဝ့ၢ်မုၢ်နုာ်တကပၤန့ၣ်လီၤ. မ့ၢ်လၢအဝဲအတၢ်သးစဲဒီး အတၢ်သ့တၢ်ဘၣ်လီၤဆီအဃိ Michelle အသရၣ်ဃုထၢထီၣ်အီၤလၢ အကဘၣ်မၤလိသ့အသးလီၤဒီး နုာ်လီၤဒိးပြၢအသးန့ၣ်လီၤ.

Michelle received gold medal at a state competition Photo: Mae Mae Shalom

Michelle အတၢ်ပြၢတဘျီအံၤဒီး အတၢ်မၤနၢၤတဘျီအံၤအဖီခိၣ်ဒ်မိၢ်တဂၤအသိးန့ၣ် မ့မ့ၤ စံးလၢအဝဲသးမံဃုာ်ဒီး အဖိမုၣ်န့ၣ်လီၤ.

Michelle and her mother. Photo: Mae Mae Shalom

ခီဖျိလၢအဝဲအတၢ်ဂုၤကျဲးစၢးအဃိ Michelle မၤန့ၢ်ဘၣ်ဝဲဒၣ် တၢ်မၤနၢၤတကးဒ်ဘၣ် ခဲကနံၣ်အံၤန့ၣ် အဝဲက့ၤမၤလိကဒါက့ၤစ့ၢ်ကီးဖိ ဖိသၣ်ဆံးလၢ အနုာ်လီၤမၤလိသ့အသးသီသီဖိသ့ၣ်တဖၣ်န့ၣ်လီၤ.

Michelle and her father. Photo: Mae Mae Shalom

Michelle အနီၣ်ကစၢ် မ့မ့ၢ်ဖိသၣ်မုၣ်ဖိတဂၤလၢ အအိၣ်ဖျဲၣ်ထီၣ်န့ၢ်ဖဲအီစထြ့လယါကီၢ်ပူၤနာ်သက့န့ၣ် အဝဲအမိၢ်အပၢ်န့ၣ် မ့ၢ်ဒၣ်ကညီဖိလၢအဟဲန့ၢ်လၢ ပှၤဘၣ်ကီဘၣ်ခဲအထူအထံးန့ၣ်လီၤ.