ကညီဘၣ်ကီဘၣ်ခဲအသီဟဲတုၤအါထီၣ်ဖဲအီစထြ့လယါကီၢ်ပူၤ

အိၣ်ဖျဲၣ်ထီၣ်ဖဲဘၣ်ကီဘၣ်ခဲဒဲကဝီၤအပူၤဒီး အိၣ်ဆိးဒိၣ်ထီၣ်ဖဲဒဲကဝီၤအပူၤအနံၣ် ၂ဝဘျဲၣ်ဝံၤအလီၢ်ခံ, ဖဲတယံၤဒ်ဘၣ်န့ၣ် နီၣ်ဖီဖိဝါဒီး အပုၢ်ဒ့ခွါဟဲသုးလီၢ်အိၣ်ဆိးဘၣ်ဝဲဖဲ မဲလ်ဘၢဝ့ၢ်, ဝံးထိရံယါကီၢ်စဲၣ်, အီစထြ့လယါကီၢ်ပူၤန့ၣ်လီၤ.

Former Karen refugees Naw Paw Poe Wah and her brother Saw Thablay Gay. Sources: SBS KAREN/SHAH PAUNG

တၢ်ကလုၢ်တဖၣ်: https://www.sbs.com.au/language/karen/kar/collection/podcast/0ms9u5vjn

နီၣ်ဖီဖိဝါလၢအသးနံၣ်အိၣ် ၂၂နံၣ်ဒီး အပုၢ်ခွါလၢအသးနံၣ်အိၣ် ၁၉နံၣ်ဘျဲၣ်, အဝဲသ့ၣ်ဒီပုၢ်ဝဲၢ်ခံဂၤအံၤဟဲန့ၢ်ဝဲဒၣ်လၢ နိၣ်ဖိဘၣ်ကီဘၣ်ခဲဒဲကဝီၤ လၢအအိၣ်ဖဲကီၢ်ကၠီၣ်တဲၣ်ဒီးကီၢ်ပယီၤကီၢ်ဆၢန့ၣ်လီၤ.

အဝဲသ့ၣ်တၢ်ဟဲဆူအီစထြ့လယါကီၢ်တဘျီအံၤန့ၣ် ပှၤဘၣ်ကီဘၣ်ခဲလၢအဟဲဃုာ်ဒီးအဝဲသ့ၣ်န့ၣ်အိၣ်ဝဲဒၣ် ၂ဝဂၤဃၣ်ဃၣ်, ဒီးတနီၤန့ၣ်လဲၤအိၣ်ဆိးဝဲဒၣ်ဆူဘဲၢ်ဒံၢ်ကိၢ်ဝ့ၢ်ဖိလၢအအိၣ်စီၤစုာ်ယံၤဒီးမဲလ်ဘၢဝ့ၢ် ၂နၣ်ရံၣ်ဃၣ်ဃၣ်န့ၣ်လီၤ.

Ashin Moonienda stands on the construction site of the monastery soon to be built in Bendigo Source: SBS / Francesca Rizzoli (SBS)

ကညီသီခါ Ashin Moonieinda လၢအမ့ၢ်ပှၤတီခိၣ်ရိမဲကညီပှၤဂ့ၢ်ဝီတၢ်ကရၢကရိ, Karen Culture and Social support foundation Inc ဖဲဘဲၢ်ဒံၢ်ကိၢ်ဝ့ၢ်စံးဝဲဒၣ်ဖဲ ၂ဝ၂၅နံၣ်အတီၢ်ပူၤန့ၣ် ကၠီၣ်တဲၣ်ကီၢ်ဒီးကီၢ်ပယီၤကီၢ်ဆၢကညီပှၤဘၣ်ကီဘၣ်ခဲ လၢအကဟဲတုၤအါထီၣ်ဖဲဘဲၢ်ဒံၢ်ကိၢ်ဝ့ၢ်န့ၣ်အိၣ်ဝဲဒၣ်အဂၤ ၅ဝဃၣ်ဃၣ်ဒီး အဝဲသ့ၣ်ခဲလၢာ်န့ၣ်မ့ၢ်ပှၤလၢအဘူးအတံၢ်သ့ၣ်တဖၣ်ဆီၣ်ထွဲမၤစၢၤဒီးကိးအဝဲသ့ၣ်အဃိဟဲဘၣ်န့ၣ်လီၤ.