ဖီးခးစ်တၢ်ကလုၢ်အဂုၤအဂၤသ့ၣ်တဖၣ်: https://www.sbs.com.au/language/ karen/ kar/collection/podcast/0ms9u5vjn
ပှၤကွဲးလံာ်ဖိ, ပှၤဂဲၤဒိ ဒီး ပှၤနဲၣ်တၢ်ဒိတၢ်တဲာ်အခိၣ်အံၤ ဒိးန့ၢ်ဘၣ်ဝဲ Order of Australia ခိၣ်ဖးတၢ်လၤကပီၤဖဲ ၂ဝ၁၆နံၣ်, ခီဖျိအဝဲ အတၢ်ပာ်ဖျါထီၣ် ဒွဲပာ်ပီညါ တၢ်ဒိတၢ်တဲာ်သ့ၣ်တဖၣ် လၢအအိၣ်ဒီး တၢ်ဒိဘၣ် ဒိၣ်ဒိၣ်မုၢ်မုၢ် ဖဲပျဲၢ်စီၣ်ဒီးကွဲၤထံၣ်ဟူ အပူၤ ဒီး တၢ်အိၣ်မူနီၣ်ကီၢ်အပူၤန့ၣ်လီၤ.
Rhoda Robert အဟံၣ်ဖိဃီဖိဟ့ၣ်လီၤ SBS အခွဲးလၢ ကဘိးဘၣ်ရၤလီၤ အဝဲအတၢ်ဂီၤသ့ၣ်တဖၣ်, အကလုၢ်သ့ၣ်တဖၣ် ဒ်သိးလၢအမ့ၢ် တၢ်ယူၤယီၣ်ပာ်ကဲဒီး မၤလၤကပီၤက့ၤ အဝဲအတၢ်အိၣ်မူဒီး တၢ်န့ၣ်သါအတၢ်အိၣ်စံၣ်အိၣ်ကျၢၤသ့ၣ်တဖၣ်န့ၣ်လီၤ.
တချုးလၢအဝဲဒိးန့ၢ်ဘၣ် တၢ်ဟ့ၣ်လၤကပီၤ အခိၣ်တီ လၢအမ့ၢ် "Auntie" ဒ်ဘၣ်အခါန့ၣ် - Rhoda Roberts သ့ၣ်ညါတ့ၢ်ဝဲလၢ အဝဲအကစၢ်အကျဲန့ၣ် အနီၣ်ကစၢ်ဒၣ်ဝဲကဘၣ်ပိာ်န့ၢ်အီၤန့ၣ်လီၤ.
Rhoda Roberts စံးဝဲဒၣ်, “အပူၤကွံာ်အနံၣ် ၅ဝ ဖဲယသးနံၣ်အိၣ် ၁၆နံၣ်န့ၣ်. ဘၣ်တၢ်သံကွၢ်ယၤလၢအဘၣ်ဃးဒီးယတၢ်မံမီၢ်န့ၣ်လီၤ. ယတဲအီၤလၢ ယအဲၣ်ဒိးကဲထီၣ်ပှၤကွဲးလံာ်ဖိတဂၤ, ပှၤဃုထၢတၢ်ကစီၣ်ဖိတဂၤန့ၣ်လီၤ. ဒီးပှၤတဲယၤလၢ ယမ့ၢ်ပှၤလၢအမံမီၢ်တၢ်တဂၤန့ၣ်လီၤ.”
ဒီးအဝဲအဟံၣ်ဖိဃီန့ၣ် ဘၣ်ယိၣ်သးပျံၤတၢ်လၢ တၢ်အဲၣ်ကလုာ်ဒွဲသနူန့ၣ် ဒုးကဲထီၣ်အဝဲအတၢ်မံမီၢ်သ့ၣ်တဖၣ်တသ့ဘၣ်.
ဖဲန့ၣ်အခါအဝဲသ့ၣ်တသ့ၣ်ညါအီၤဘၣ်, နာ်သက့လၢ Rhoda Roberts အဂီၢ်န့ၣ် တၢ်လၢအကဲထီၣ်တသ့ဘၣ်န့ၣ်တအိၣ်ဘၣ်.
မုၢ်အိၣ်ဝဲတနံၤလၢ, အဝဲသ့ၣ်အဖိမုၣ်အံၤ ဘၣ်တၢ်စံးဘျုးစံးဖှိၣ်အီၤလၢ အီစထြ့လယါကိတိာ်ခိၣ်ကျၢၢ်န့ၣ်လီၤ.
ဖဲ ၂ဝ၂၅နံၣ် ဘူးကလၢၤ လါဒံၤစဲဘၢၣ်န့ၣ်, Anthony Albanese, စံးဘျုးစံးဖှိၣ်ဒီးပာ်ပနီၣ်အီၤဒ်အံၤ, “Rhoda, လၢနတၢ်တ့ဒုးအိၣ်ထီၣ်, ပှဲၤဒီးတၢ်ထိၣ်ဟူးထိၣ်ဂဲၤဒီး တၢ်ဟ့ၣ်နီၤလီၤသ့ၣ်တဖၣ်ခဲလၢာ်အဖီခိၣ်တၢ်ဘျုးဒိၣ်မး. ပပာ်ဒိၣ်ပာ်ထီ နတၢ်ဖံးတၢ်မၤလီၤစိၤ လၢအလီၤတိၢ်လီၤဆီ, ကျဲလၢနဒုးအိၣ်ထီၣ်အီၤသ့ၣ်တဖၣ်ဒီး ပှၤလၢအပိာ်ထွဲထီၣ်နခံခဲလၢာ်သ့ၣ်တဖၣ်န့ၣ်လီၤ.”
အီစထြ့လယါခိၣ်နၢ် လၢအစံးဘျုးစံးဖှိၣ်ပာ်ပနီၣ်အဝဲအတၢ်ဖံးတၢ်မၤသ့ၣ်တဖၣ်န့ၣ် အတမ့ၢ်ထဲ ကိတိာ်ခိၣ်ကျၢၢ်တဂၤဧိၤဘၣ်.
ဘၣ်ဆၣ်သာ်နက့ တချုးဖဲန့ၣ်ဒ်ဘၣ်န့ၣ်, ဖဲ ၁၉၇ဝ အခိၣ်အဃၢၤအခါ အဝဲထီၣ်ဝဲကသံၣ်တၢ်မၤလိဒ်သိးနၢးစ်တဂၤအသိး, ဒီး ဖဲ ၁၉၈ဝ နံၣ်စးထီၣ်သီန့ၣ်အဝဲမၤတၢ်ဖဲ ဝ့ၢ်လိဒိၣ်—London, ဖဲန့ၣ်အလီၢ်ခံန့ၣ် အဝဲဟဲက့ၤကဒါဆူ ဆ့ၣ်ဒနံၤ ဒီးမၤလိဘၣ်ဃး တၢ်ပာ်ဖျါထီၣ် ဒွဲလၤပီညါ တၢ်ဒိတၢ်တဲာ်သ့ၣ်တဖၣ်န့ၣ်လီၤ.
ဖဲန့ၣ်အလီၢ်ခံ တယံၤတမီၢ်န့ၣ် အဝဲနုာ်လီၢ်ပၣ်ဃုာ်ဖဲ ကွဲၤထံၣ်ဟူ တၢ်ဒိတၢ်တဲာ် တၢ်ဂဲၤဒိသ့ၣ်တဖၣ်အပူၤန့ၣ်လီၤ.
အဝဲအတၢ်ဖံးတၢ်မၤသ့ၣ်တဖၣ်န့ၣ် ဆှၢဝဲဒၣ်အီၤဆူ တၢ်လုၢ်အီၣ်သးသမူတၢ်ဖံးတၢ်မၤ ဒ်သိး ပှၤထုးထီၣ်ရၤလီၤတၢ်တဂၤမ့ၢ်ဂ့ၤ, ပှၤပၢဆှၢရဲၣ်ကျဲၤတၢ်တဂၤမ့ၢ်ဂ့ၤ ဒီး ဒ်သိး ကွဲၤထံၣ်ဟူဒီး ပျဲၢ်စီၣ် ပှၤဂဲၤဒိတဂၤအသိးမ့ၢ်ဂ့ၤ, လၢအတၢ်မံမီၢ် တၢ်ပညိၣ်ကွၢ်စိသ့ၣ်တဖၣ် ကဲထီၣ်ဝဲဒၣ် တခါဝံၤတခါန့ၣ်လီၤ.
ဖဲ ၁၉၈၉နံၣ်န့ၣ် အဝဲကဲထီၣ်ဝဲ အီစထြ့လယါကီၢ် အဘီးရကၠံၤနၢၤ ပှၤကတိၤလီၤတၢ်ဖဲကွဲၤထံၣ်ဟူအပူၤအဆိကတၢၢ်တဂၤန့ၣ်လီၤ.
Auntie Rhoda တဲသကိးတၢ်ဒီး SBS လၢတၢ်ဘိးဘၣ်ရၤလီၤတၢ်ကလုၢ်ပှဲၤထီၣ် အနံၣ် ၅ဝ နံၣ်ဆဲးဆၢအခါ — လၢအပာ်ဖျါထီၣ်က့ၤဝဲ အဝဲစးထီၣ်မၤတၢ်ဖဲန့ၣ်အဆိကတၢၢ်တသီအခါန့ၣ်လီၤ.
“နၢ်ဟူဘၣ်က့ၤ ကွဲၤလ့လိၤ တၢ်ရၤလီၤ ဖဲ SBS စးထီၣ်သီအခါဒီး ဖဲပလဲၤဟးဒီးပခီၣ်ဆူ Milsons Point လၢညါအခါပရူအိၣ်တၢ်လီၢ်အံၤ, ပလဲၤနုာ်လီၤဖဲတၢ်ကလုၢ်ဒၢးပူၤ လၢအဘိးဘၣ်ရၤလီၤတ့ၢ် တၢ်ကစီၣ်လၢအရ့ဒိၣ်အါမးအလီၢ်အံၤ မ့ၢ်တၢ်လၢအလီၤကမၢကမၣ်ဒိၣ်မးန့ၣ်လီၤ.”
အဝဲအတၢ်အိၣ်မူအပူၤ တၢ်လၢအစးထီၣ်မၤဝဲအဆိကတၢၢ်အါမးသ့ၣ်တဖၣ်အကျါ အဆိကတၢၢ်တခါန့ၣ် ဘၣ်တၢ်ပာ်ပနီၣ်အီၤဒ်အမ့ၢ် တၢ်မုၢ်လၢ်ကွၢ်ဆိသ့ၣ်တဖၣ်န့ၣ်လီၤ.
ဘၣ်ဆၣ်သနာ်က့ အဝဲအတၢ်အိၣ်မူန့ၣ် ဘၣ်ကွၢ်ဆၢၣ်မဲာ်စ့ၢ်ကီးဒီး တၢ်မၤအသးလၢ တၢ်လီၤသူၣ်အုးသးအုးဖးဒိၣ်န့ၣ်လီၤ.
ဖဲ ၁၉၉၈နံၣ်န့ၣ်, အဝဲအဒီပုၢ်ဝဲၢ်မုၣ်တဃံၤ, Lois, န့ၣ် ဘၣ်တၢ်မၤသံအီၤဖဲ Lismore တၢ်လီၢ် လၢအအိၣ်ဖဲ New South Wales ကၢၢ်နံၤကလံၤစိၤခၢၣ်သး — လၢအလီၤမၢ်ကွံာ်ဝဲဒၣ် ဖဲအဟးထီၣ်ကစၢၢ်ကလိအခါဒီး မတၤတဂၤလၢအမၤသံအီၤလဲၣ်န့ၣ် တၢ်တသ့ၣ်ညါအီၤလီၤတံၢ်လီၤတံၢ်လီၤဆဲးနီတဘျီဘၣ်န့ၣ်လီၤ.
စးထီၣ်ဖဲန့ၣ် Lois အမိၢ်ဒီး Rhoda ဘၣ်ကွၢ်လုၢ်ဒိၣ်ထီၣ်က့ၤဝဲဒၣ် အဖိသ့ၣ်တဖၣ်န့ၣ်လီၤ.
Auntie Rhoda မ့ၢ်ပှၤတဂၤလၢအဒုးအိၣ်ထီၣ်သကိး အီစထြ့လယါကီၢ် ထံကီၢ်ဒီဘ့ၣ် အဘီးရကၠံၤနၢၤ ဘျီၣ်မုာ် ခီပနံၣ် အဆိကတၢၢ်တဖျၢၣ်, မ့ၢ်ပှၤလၢဒုးအိၣ်ထီၣ်ဒီး ပၢဆှၢရဲၣ်ကျဲၤဝဲဒၣ် Festival of Dreaming ဒီး မ့ၢ်တ့ၢ်ဝဲဒၣ် First Nations Programming — ပှၤထူလံၤဖိတၢ်ဒိတၢ်တဲာ်အတၢ်ရဲၣ်တၢ်ကျဲၤ လၢ Sydney Opera House အဂီၢ် အနံၣ်တဆံန့ၣ်လီၤ.
အဝဲအတၢ်သ့တၢ်ဘၣ်သ့ၣ်တဖၣ် ဒိးန့ၢ်ဘၣ်ဝဲ ဟီၣ်ခိၣ်ဒီဖျၢၣ်အတၢ်သးစၢၢ်ဆၢ ခီဖျိ အဝဲတ့ထုးထီၣ်ဝဲဒၣ် — Awakening အဝိတ်ခ်နီး — တၢ်ထိၣ်ဟူးထိၣ်ဂဲၤထီၣ်, တၢ်ဒိတၢ်တဲာ် တၢ်ဂဲၤကလံၣ်တခါလၢ တၢ်ရဲၣ်ကျဲၤပာ်လီၤအီၤလၢ တၢ်အိးထီၣ်ဆ့ၣ်ဒနံၤအိလါဘ့းတၢ်လိာ်ကွဲအမူး— Sydney Olympics Opening Ceremony န့ၣ်လီၤ.
Rhoda မ့ၢ်ဒ်ဝဲဒၣ် ပှၤမံမီၢ်တၢ်ဖိတဂၤ — လၢအဟ့ၣ်နီၤလီၤဝဲဒၣ်အဂ့ၢ်ဒီး အပှၤကလုာ်အဂ့ၢ်သ့ၣ်တဖၣ်ဆူ ဟီၣ်ခိၣ်ဒီဘ့ၣ်အပူၤန့ၣ်လီၤ.
Widjabul Wieybal Bundjalung ကလုာ်ပိာ်မုၣ်, အဝဲအတၢ်န့ၢ်သါသ့ၣ်တဖၣ်န့ၣ် မ့ၢ်ဝဲ Rhoda Roberts မၤတ့ၢ်အီၤကိးမံၤဒဲးအသူၣ်ကံၢ်သးလဲ — လၢအပၣ်ဃုာ် ဒ်သိးဒီးပှၤပၢဆှၢရဲၣ်ကျဲၤတၢ်အခိၣ်တဂၤန့ၣ်လီၤ.
“ယမၤန့ၢ်ဝဲဒၣ် ပှၤကတိၤကျိးထံတၢ်သ့ၣ်တဖၣ်, ဒီး ပကျိးထံဘၣ်ဝဲဒၣ် Waiting for Godot, မ့တမ့ၢ် Nundalaya Godot Gay တၢ်ဒိတၢ်တဲာ်အံၤဆူ Bundjalong ကျိာ်လၢအမ့ၢ် တၢ်ဒိတၢ်တဲာ်တခါလၢ တၢ်ဃုသ့ၣ်ညါမၤလိအီၤအအါကတၢၢ်တခါဖဲကီၢ်မုၢ်နုာ်အပူၤန့ၣ်လီၤ. လၢယဂီၢ်န့ၣ်, မ့ၢ်ဝဲတၢ်တခါလၢ ယတမၤတ့ၢ်ဘၣ်အီၤနီတဘျီဘၣ်န့ၣ်လီၤ.”
တချုးဖဲ ၂ဝ၁၆ နံၣ်ဒီး ၂ဝ၁၆နံၣ်အလီၢ် ဘၣ်ဃးဒီး လုၢ်လၢ်ဆဲးလၤအဂ့ၢ် ခီၣ်တဃာ်အသီလၢ အဝဲဒုးအိၣ်ထီၣ်အီၤသ့ၣ်တဖၣ် ပယၢၤထီၣ်အီၤလၢအဂ့ၢ်တလၢာ်ဘၣ် - ဒီးဖဲ ၂ဝ၁၆နံၣ်န့ၣ် အဝဲဒိးန့ၢ်ဘၣ်ဝဲ Order of Australia ခိၣ်ဖးတၢ်လၤကပီၤန့ၣ်လီၤ.
အဝဲန့ၣ်ဘၣ်တၢ်ပာ်ပနီၣ်အီၤဒ်အမ့ၢ်ပှၤတဂၤလၢအစးထီၣ်ဒုးအိၣ်ထီၣ်ဝဲဒၣ် တၢ်ဘိးဘၣ်သ့ၣ်ညါတၢ်ပာ်ပနီၣ် အလုၢ်အလၢ်တခါ ဖဲတၢ်မၤကမျၢၢ်မူးပွဲသ့ၣ်တဖၣ်အပူၤ လၢအဘၣ်တၢ်ကိးအီၤလၢ, "Welcome to Country" န့ၣ်လီၤ. တၢ်ဘိးဘၣ်သ့ၣ်ညါအဘူၣ်အံၤ ဘၣ်တၢ်မၤအီၤဖဲ တၢ်စးထီၣ်မူးပွဲတခါခါ လၢဟီၣ်ခိၣ်လီၢ်အဝဲန့ၣ် အပှၤထူလံၤဖိ ပာ်ဖျါထီၣ် အဝဲသ့ၣ် ပှၤကလုာ် တၢ်တူၢ်လိာ်မုာ် ပှၤကညီသ့ၣ်တဖၣ် ဖဲအထံအကီၢ်အပူၤန့ၣ်လီၤ.
တၢ်ဘိးဘၣ်သ့ၣ်ညါလီၤအံၤ စးထီၣ်အိၣ်ထီၣ်ဝဲဒၣ် ဖဲ ၁၉၈ဝ နံၣ်အခိၣ်အဃၢၤ ဖဲလၢအဝဲတီခိၣ်ရိၤမဲမၤတၢ်လၢ Aboriginal National Theatre Trust အဂီၢ်အခါ ဒီး အဝဲသ့ၣ် အဲၣ်ဒိး ဒုးအိၣ်ထီၣ် ပှၤတဝၢ အတၢ်သိၣ်တၢ်သီ တခါလၢ ဒွဲလၤပီညါပှၤတဝၢအဂီၢ်န့ၣ်လီၤ.
Rhoda Roberts AO မ့ၢ်စ့ၢ်ကီးဝဲဒၣ် SBS တၢ်အိၣ်တၢ်ဆိးအလီၢ် ပှၤသူၣ်က့သးပှၢ်တဂၤန့ၣ်လီၤ.
ဖဲ ၂ဝ၂၂နံၣ်, အဝဲကတိၤဘၣ်ဃး NITV တၢ်ရဲၣ်တၢ်ကျဲၤအခါ အဝဲပာ်ဖျါအီၤဒ်အမ့ၢ် စိၤခ့ခါသီစးထီၣ်အိၣ်ထီၣ်ဝဲဒၣ်လၢ အီစထြ့လယါပှၤထူလံၤဖိသ့ၣ်တဖၣ်အဂီၢ်န့ၣ်လီၤ.
“နီၣ်နီၣ်န့ၣ်ပှၤနၣ်ဟူဝဲပှၤ, အခဲအံၤန့ၣ် ပအိၣ်ဒီးပျဲၢ်စီၣ်လၢ ပပာ်ဖျါထီၣ်ပတၢ်ထံၣ်တၢ်ဆိကမိၣ်သ့ၣ်တဖၣ်သ့ဝဲ. ဒီးယဆိကမိၣ်န့ၣ်, ပအဲၣ်ဒိး ပာ်ဖျါထီၣ် တၢ်ကစီၣ် ဒ်သိးဒီး တၢ်ကစီၣ်ဝဲၤကျိၤအဂုၤအဂၤသ့ၣ်တဖၣ်စ့ၢ်ကီးန့ၣ်လီၤ. ဒ်နသ့ၣ်ညါအသိး, ဖဲအံၤန့ၣ်အိၣ်ဝဲဒီးအနီၣ်ထိၣ်နီၣ်တဲၤတခါ, တၢ်တဲပာ်ဖျါထီၣ်တၢ်ဃဲၤပူ တၢ်ဂ့ၢ်တၢ်ကျိၤန့ၣ် အကဘၣ်အိၣ်ဒီး တၢ်လၢအဘၣ်ဘျီးဘၣ်ဒါတီတီလိၤလိၤန့ၣ်လီၤ. ဘၣ်ဆၣ်သာ်နက့ အခဲအံၤန့ၣ် ယဆိကမိၣ်, ပှၤအီစထြ့လယါဖိသ့ၣ်တဖၣ် သ့ၣ်ညါပာ်သးအါထီၣ် မ့တမ့ၢ် သ့ၣ်ညါအါထီၣ်ဝဲဒၣ် ပှၤထူလံၤဖိ အလုၢ်လၢ်ဆဲးလၤန့ၣ် မ့ၢ်လုၢ်လၢ်ဆဲးလၤတခါလၢအဂုၤထီၣ်ပသီထီၣ်. မ့ၢ်တၢ်လၢအအိၣ်ပာ်စၢၤလၢညါလံၤလံၤ တၢ်လၢပျၢၤတခါ နာ်သက့ နုာ်လီၤဝဲဒၣ်ဖဲ ဟီၣ်ခိၣ်ဖျၢၣ် စိၤခ့ခါခဲအံၤအပူၤ န့ၢ်ဝဲန့ၣ်လီၤ.”
Auntie Rhoda အံၤ ဖဲလၢအကဲထီၣ်ပှၤကွဲးလံာ်ဖိဒီး ပှၤဃုထၢတၢ်ကစီၣ်ဖိ ဒီးဟ့ၣ်နီၤလီၤအဝဲတၢ်သူၣ်ဆူၣ်သးဂဲၤသ့ၣ်တဖၣ် အနံၣ် ၅ဝ ဝံၤအလီၢ်ခံ — ဖဲ ၂ဝ၂၅နံၣ်အန့ၣ် အဝဲမၤဝဲတၢ်ဖံးတၢ်မၤလၢအအဲၣ်ဒိးမၤဝဲဒၣ်အီၤတဘျုးခါ — လၢအပၣ်ဃုာ် ပိာ်မုၣ်ထဲတဂၤဧိၤအတၢ်ဒုးနဲၣ်, လၢအကိးဝဲအမံၤ, My Cousin Frank န့ၣ်လီၤ.
တၢ်ဒုးနဲၣ်ဖျါ တၢ်ဒိတၢ်တဲာ်အံၤ မ့ၢ်ဝဲတၢ်မၤလၤအကပီၤ အဝဲအဟံၣ်ဖိဃီဖိ အဂၤတဂၤ လၢအပှဲၤဒီး တၢ်လီၤဆီသ့ၣ်တဖၣ် - လၢအမ့ၢ် ပှၤအဘီးရကၠံၤနၢၤ အဆိကတၢၢ်တဂၤလၢအကဲအီစထြ့လယါကီၢ်ခၢၣ်စး ဖဲ Olympics တၢ်လိာ်ကွဲပြၢအပူၤန့ၣ်လီၤ.
Rhoda အဝၤဒီး အဖိသ့ၣ်တဖၣ် က့ၤကွၢ်ကဒါက့ၤ တၢ်အကါဒိၣ် လၢအဝဲမၤတ့ၢ်အီၤဖဲအတၢ်အိၣ်မူအပူၤ, လၢအိၣ်ဆၢထၢၣ်တ့ၢ်ဖဲတၢ်ဆီတလဲထီၣ်ကူကၤအဒၢးပူၤ ဖဲ ၂ဝ၂၅နံၣ် Sydney Opera House ပျဲၢ်စီၣ်အလီၢ်ခံန့ၣ်လီၤ.
“လၢပပှၤကလုာ်ဒီး ပဟံၣ်ဖိဃီဖိအဂီၢ်န့ၣ် မ့ၢ်တၢ်လၢအအိၣ်ပှဲၤဒီးအခီပညီဒိၣ်မး.”
“မိမိန့ၣ် မ့ၢ်ပှၤလၢသူၣ်ဂ့ၤသးဝါ, သးကညီၤတၢ်သ့ ထီဘိတဂၤ. တဘျီတခီၣ်န့ၣ် တုၤလၢယဘၣ်တဲအီၤ, 'အတမ့ၢ်ဘၣ် နကဘၣ်ဂဲၤဆၢထၢၣ်ကွၢ်ဆၢၣ်မဲာ်ပှၤကညီသ့ၣ်တဖၣ်အံၤ. တဘၣ်ပျဲပှၤယီၢ်လီၤနၤတဂ့ၤ.' ဘၣ်ဆၣ်သနာ်က့ တုၤလၢအပတီၢ်ခဲအံၤတဘျီ, ယထံၣ်သ့ၣ်ညါဘၣ်ကဲလၢ အတၢ်သူၣ်ဂ့ၤသးဝါ တၢ်သးကညီတၢ်သ့န့ၣ် ဟဲစိာ်န့ၢ်အီၤတၢ်မနုၤသ့ၣ်တဖၣ်လဲၣ်န့ၣ်လီၤ.”
“မ့ၢ်တၢ်ဒိတၢ်တဲာ်လၢအဃံလၤမးတခါ, ပှၤအဘီးရကၠံၤတၢ်ဃဲၤပူသ့ၣ်တဖၣ် မ့ၢ်တၢ်လၢအလီၤကမၢကမၣ်ဒိၣ်မး. ယပာ်ကဖၢလၢသးလၢအဝဲအဂီၢ်သပှၢ်ပှၢ်န့ၣ်လီၤ.”
SBS ပှၤပၢၤလီၢ်ဆ့ၣ်နီၤ, Dr Nicholas Pappas AM စံးဝဲဒၣ် Rhoda Roberts တီခိၣ်ရိၤမဲတ့ၢ်တၢ်လၢအပှဲၤဒီး တၢ်သးခူတလ့ၢ်, မ့ၢ်တၢ်ကဲခိၣ်ကဲနၢ်လၢ အအိၣ်ဒီးတၢ်ပညိၣ်ကွၢ်စိ, အိၣ်ဒီးတၢ်နာ်ဂၢၢ်ကျၢၤ လၢအပှဲၤဒီး တၢ်အံးထွဲကွၢ်ထွဲ ပၢဆှၢရဲၣ်ကျဲၤ လုၢ်လၢ်ဆဲးလၤအတၢ်သ့ၣ်ညါဒိၣ်ဒိၣ်ယိာ်ယိာ် လၢအပာ်တ့ၢ်ဝဲ တၢ်အိၣ်စံၣ်အိၣ်ကျၢၤ အတၢ်ပညိၣ် ဖဲအီစထြ့လယါကီၢ် တၢ်သ့တ့ဒုးအိၣ်ထီၣ်တၢ် လုၢ်လၢ်ဆဲးလၤ အတၢ်အိၣ်မူအပူၤန့ၣ်လီၤ.
အဝဲစံးဝဲဒၣ် လၢလုၢ်လၢ်ဆဲးလၤ, တၢ်တီတၢ်လိၤဒီး တၢ်ပညိၣ်ကွၢ်ဆိအဂီၢ် အဝဲတၢ်ဆီၣ်ထွဲမၤစၢၤတၢ်ဖဲ တၢ်လီၢ်ခံန့ၣ် တၢ်ပာ်ပနီၣ် ပာ်ဒိၣ်ပကဲဝဲအီၤထီဘိန့ၣ်လီၤ.
အဝဲစံးဝဲဒၣ် လၢပှၤထူလံၤဖိလုၢ်လၢ်ဆဲးလၤဒီး အီစထြ့လယါကီၢ်ကလုာ်ဒူၣ်ဆဲးလၤအါကလုာ်အဘၢၣ်စၢၤန့ၣ် အဝဲမၤဆူၣ်ထီၣ် မၤဂၢၢ်မၤကျၢၤထီၣ်ဝဲ တၢ်ဘျးစဲလိာ်သးသ့ၣ်တဖၣ်ဒီး ဖဲ SBS အပူၤအံၤ တၢ်လီၢ်လီၤဆီ လၢအဝဲအဂီၢ်န့ၣ် ကအိၣ်ဝဲတခါထီဘိန့ၣ်လီၤ.
Dr Pappas စံးဝဲဒၣ် နံၣ်လၢကဟဲဆူမဲာ်ညါအါမးအပူၤန့ၣ်, အဝဲမၤလဲၢ်ထီၣ်အါထီၣ် တၢ်လၢတၢ်မၤအီၤသ့ဖဲပှၤအီစထြ့လယါဖိတၢ်ကစီၣ်တဝၢအပူၤ, ဒီး အဝဲအတၢ်စိကမီၤလုၢ်ဘၢန့ၣ် ကဆဲးနဲၣ်ကျဲဝဲ SBS တၢ်ကစီၣ်ပှာ်ယဲၤ, ဃုာ်ဒီး ဒွဲလၤပီညါအတကွီၣ်ဖးလဲၢ်အပူၤ ဒီး တၢ်ကစီၣ်တဝၢ အဟီၣ်ကဝီၤအပူၤသ့ၣ်တဖၣ်န့ၣ်လီၤ.
