Key Points
- Hay fever (seasonal allergic rhinitis) occurs when the immune system reacts to pollen, particularly from grasses, irritating the nose and eyes.
- Asthma can be triggered when fragments of pollen enter the lungs, leading to coughing, wheezing, and difficulty breathing.
- One in four Australians experience hay fever, while about 10 per cent live with asthma—making respiratory allergies the nation’s most common allergic condition.
- GPs and pharmacists can provide advice on treatments and medications to relieve and prevent symptoms.
တၢ်ကလုၢ်တဖၣ်: https://www.sbs.com.au/language/karen/kar/collection/podcast/0ms9u5vjn
- What are seasonal allergies?
- What are the common symptoms of hay fever and asthma?
- How can you manage seasonal allergies?
- What is immunotherapy?
- What medical treatments are available for hay fever and asthma?
- Can the weather affect allergies?
- How can you prepare a management plan for seasonal allergies?
Seasonal allergies န့ၣ်မ့ၢ်မနုၤသ့ၣ်တဖၣ်လဲၣ်?
တၢ်ကိၢ်ထီၣ်သီ ဟဲတုၤလီၤ အခီပညီန့ၣ်မ့ၢ်ဝဲ နီၣ်ဖိမံၤဖိ, သ့ၣ်ထူၣ်, ဒီး တၢ်မုၢ်တၢ်ဘိသ့ၣ်တဖၣ် ပျၢ်ထီၣ်ဝဲ အဝဲသ့ၣ် ဖီကမူၣ်သ့ၣ်တဖၣ်ဆူကနလံၤကျါန့ၣ်လီၤ. လၢပှၤဘၣ်ဒိဘၣ်ထံးလၢဖီကမူၣ်ညီသ့ၣ်တဖၣ်အဂီၢ်, တၢ်အံၤဒုးကဲထီၣ်ဝဲနီၣ်ခိဂံၢ်အတၢ်တြီဆၢ လၢအကဲထီၣ်ဝဲဒၣ် hay fever မ့တမ့ၢ် တၢ်သးဘံး (တၢ်သးအံး) န့ၣ်လီၤ.
National Allergy Centre of Excellence — ထံကီၢ်ဒီဘ့ၣ် တၢ်ဖိးလိာ်ဒီးသွံၣ်ထံဘၣ်ဂ့ၢ်ဝီအဝဲၤလီၢ်အဝဲၤကျိၤ, Respiratory Allergy Stream ပှၤပၢၤလီၢ်ဆ့ၣ်နီၤသဃဲၤဒီး ကလံၤသါကျိၤဒီး တၢ်တဖိးလိာ်ဒီးသွံၣ်ထံဘၣ်ဂ့ၢ်ဝီ သရၣ်ဒိၣ်စိ, Adjunct Associate Professor Joy Lee ရှဲပၠးဝဲတၢ်ဂ့ၢ်အံၤဒ်အံၤန့ၣ်လီၤ.
“နီၣ်ဖိမံၤဖိအဖီကမူၣ်န့ၣ်မ့ၢ်ဝဲတၢ်တဖိးလိာ်သးဒီးသွံၣ်ထံဘၣ် ကဲထီၣ်နါဆ့ၤပူၤညီးထီၣ်ဂီၤထီၣ် အတၢ်ဂ့ၢ်မိၢ်ပှၢ်ဖးဒိၣ်တခါ, လၢအဘၣ်တၢ်သ့ၣ်ညါစ့ၢ်ကီးအီၤလၢ hay fever, ဒီး တၢ်သးဘံး လၢအကဲထီၣ်ဖဲတၢ်တဖိးလိာ်ဒီးသွံၣ်ထံဘၣ် ကဲထီၣ်အဆၢကတီၢ်န့ၣ်လီၤ. အဝဲသ့ၣ်ခံမံၤလၢၤပာ်ဖှိၣ်အသးတပူၤဃီန့ၣ်, ဘၣ်တၢ်သ့ၣ်ညါဝဲအီၤဒ်သိး တၢ်တဖိးလိာ်သးကဲထီၣ်ဖဲကလံၤကသါကျိၤအပူၤန့ၣ်လီၤ. အဃိတၢ်လၢ တၢ်ဖိးလိာ်သးကဲထီၣ်ဖဲကလံၤကသါကျိၤအပူၤန့ၣ် နီၣ်နီၣ်တခီမ့ၢ်ဝဲ တၢ်တဖိးလိာ်သးဒီးသွံၣ်ထံဘၣ် အတၢ်ဂ့ၢ်ကီတခါလၢအကဲထီၣ်ညီနုၢ် ဖဲအီစထြ့လယါကီၢ်ပူၤအံၤန့ၣ်လီၤ. အီစထြ့လယါထံဖိကီၢ်ဖိနီၣ်ဂံၢ်ဘူးထီၣ်လၢ လွံၢ်ပူတပူဃၣ်ဃၣ် ဘၣ်ဒိဘၣ်ထံးဒီးတၢ်တဖိးလိာ်ဒီးသွံၣ်ထံဘၣ် hay fever အကလုာ်အံၤဒီး ဘူးထီၣ်လၢအမျးကယၤတဆံဃၣ်ဃၣ်, လၢအဘူးကအိၣ်သၢကကွဲၢ်န့ၣ်, ကန့ၢ်ဘၣ်ဝဲတၢ်သးဘံးန့ၣ်လီၤ. ဒီးညီနုၢ်န့ၣ်တၢ်ခံမံၤအံၤန့ၣ် အိၣ်ဃုာ်ဝဲဒၣ်တပူၤဃီသ့အဃိ နမ့ၢ်န့ၢ်ဘၣ်အီၤတခါလံန့ၣ် တၢ်လီၤဘၣ်ယိၣ်အိၣ်ဒိၣ်မးလၢ နကန့ၢ်ဘၣ်ကဒီးဝဲအဂၤတခါန့ၣ်လီၤ.”
ဖဲအီစထြ့လယါကီၢ်ပူၤအံၤ ဖီကမူၣ်လၢအဟဲန့ၢ်လၢ ryegrass — ရွဲနီၣ်ကလုာ် လၢအဖီအသၣ်လီၤဂာ်ဒီးဘုကျုၣ်န့ၣ် မ့ၢ်ဝဲနီၣ်တကလုာ်လၢ အမ့ၢ်တၢ်ဂ့ၢ်ခိၣ်သ့ၣ်လၢ အဒုးကဲထီၣ် တၢ်တဖိးလိာ်သးသွံၣ်ထံဘၣ် နါဆ့ၤပူၤညီးထီၣ် ဂီၤထီၣ် မ့တမ့ၢ် hay fever, လီၤဆီဒၣ်တၢ်ဖဲ မုၢ်ထီၣ်ကလံၤထံး ကီၢ်စဲၣ်သ့ၣ်တဖၣ်အပူၤ လၢအမ့ၢ်ဒ်သိး, Victoria, New South Wales ဒီး Australian Capital Territory ဝ့ၢ်ခိၣ်တၢ်ပၢအပူၤ, လၢဖီကမူၣ်သ့ၣ်တဖၣ်စးထီၣ်ဒံဝ့ၤဝီၤဖဲလါစဲးပထ့ဘၢၣ်, တုၤလၢ လါယနူၤအါရံၤ နာ်သက့ အအါကတၢၢ် နးကတၢၢ်န့ၣ်မ့ၢ်ဝဲဒၣ်ဖဲ လါနိးဝ့ဘၢၣ်အပူၤန့ၣ်လီၤ.
Professor Lee စံးဝဲဒၣ်, “မ့မ့ၢ်အီစထြ့လယါကီၢ်တၢ်လီၢ်အဂုၤအဂၤ အဒိဒ်သိးခွံစလဲန့ၣ်, တၢ်စူၤစုၣ်စီၣ်အလီၢ် နီၣ်သ့ၣ်တဖၣ်အိၣ်အါအဃိ အဝဲသ့ၣ်န့ၣ် ကကဲထီၣ်အသးဖဲလါယနူၤအါရံၤ, လါဖ့ၤဘြူၤအါရံၤ ဒီး လါမးရှး အတီၢ်ပူၤန့ၣ်လီၤ.”
Hay fever ဒီးတၢ်သးဘံး အတၢ်ပနီၣ်လၢအကဲထီၣ်ညီနုၢ်သ့ၣ်တဖၣ်န့ၣ်မ့ၢ်မနုၤလဲၣ်?
Hay fever တၢ်ပနီၣ်လၢအညီနုၢ်မၤသးသ့ၣ်တဖၣ်န့ၣ်ပၣ်ဃုာ်:
- ကဆဲဒီးနါအ့ၣ်ထံယွၤ
- မဲာ်ခံသး, မဲာ်ထံထီၣ်
- နါစ့ၤပံးဒီးခိၣ်သၣ်ဃံဆါ
- လီၤဘှံးလီၤတီၤ
ဖီကမၣ်သ့ၣ်တဖၣ်မ့ၢ်လဲၤနုာ်ဆူပသိၣ်အပူၤန့ၣ်, တၢ်သးဘံးကကဲထီၣ်သ့ဒီးအတၢ်ပနီၣ်သ့ၣ်တဖၣ်ပၣ်ဃုာ်:
- ကူးတလီၢ်လီၢ်
- ကသါဃံး
- ကသါတဘျဲဘၣ်(ကသါဖုၣ်)
- သးနါပှၢ်စှိးဃံာ်, စှိးတံၢ်သး
ပှၤအိၣ်ဆိးဖဲဘြံၣ်စဘဲ Micaela Diaz ရှဲပၠးဝဲတၢ်ဘၣ်ဒိဘၣ်ထံးအဂ့ၢ်ဒ်အံၤ:
“အကဲဝဲတၢ်လၢအလီၤသူၣ်ကိၢ်သးဂီၤတခါ ခီဖျိလၢ အကကဲထီၣ်သးနးထဲလဲၣ်န့ၣ် နသ့ၣ်ပာ်အီၤတသ့ဘၣ်. မူခိၣ်ကလံၤသီၣ်ဂီၤတၢ်အိၣ်သးန့ၣ် အကဟဲစိာ်ဃုာ် တၢ်မနုၤလဲၣ်န့ၣ် နတသ့ၣ်ညါဘၣ်. မ့ၢ်တၢ်ပနီၣ်လၢအယံၤထၢတခါ. တၢ်ပနီၣ်သ့ၣ်တဖၣ်အံၤ အကဲထီၣ်ဝဲတုၤလၢ နဟးထီၣ်ဖဲဟံၣ်ပူၤတသ့ဘၣ်ဒီး ကဲထီၣ်ဝဲဒၣ်သ့စးထီၣ်လၢ ဘ့ၣ်သးကုသးဒီး မညးထီၣ်ဖးဒိၣ် တုၤလၢ တၢ်ကချဲ ဒီး ကူာ်, ဒီး နါဆ့ၤ တၢ်ပနီၣ်အကလုာ်ကလုာ်, ဃုာ်ဒီး နါဒ့ခံပံးအသး, မဲာ်ချံသးဒီး အထံယွၤ, လၢအမၤနၤဒ်သိး တဘျီတခီၣ် နဖျါလီၤဂာ်လၢ တၢ်မုၢ်ဃၢ်ဖးဒိၣ်န့ၣ်လီၤ.”
ဆၢကတီၢ်လၢတၢ်ဖိးလိာ်ဒီးသွံၣ်ထံဘၣ်အံၤနကရဲၢ်ကျဲၤကတီၤလီၤနသးဒ်လဲၣ်?
တၢ်ကိၢ်ထီၣ်သီဆၢတကီၢ် တၢ်တဖိးလိာ်ဒီးသွံၣ်ထံဘၣ်သ့ၣ်တဖၣ်န့ၣ် လၢပှၤအါဒံအါဂၤအဂီၢ် တူၢ်ဘၣ်ဝဲတၢ်နးတၢ်ဖှီၣ်သ့ဝဲန့ၣ်လီၤ. ဘၣ်ဆၣ်သနာ်က့ မ့ၢ်အိၣ်ဒီးတၢ်ကတဲာ်ကတီၤပာ်စၢၤသးန့ၣ်, တၢ်ပနီၣ်သ့ၣ်တဖၣ်အံၤ တၢ်ရဲၣ်ကျဲၤကတီၤလီၤအီၤသ့ဝဲန့ၣ်လီၤ.
Micaela ဟ့ၣ်နီၤလီၤဝဲအတၢ်ရဲၣ်ကျဲၤကတီၤလီၤအသးအကျိၤအကျဲသ့ၣ်တဖၣ်ဒ်အံၤ:
“ဖဲလၢတၢ်ကိၢ်ထီၣ်သီဘူးကတုၤလီၤအခါန့ၣ်, ယမၤလီၤတံၢ်ယအိၣ်ဒီးကသံၣ်ကသီလၢအဘၣ်, အိအီၤလၢအဘၣ်ဆၢဘၣ်ကတီၢ်, ဒီး ယမၤဆိပာ်အီၤဒ်န့ၣ် ဒ်သိးတၢ်ကတဲာ်ကတီၤပာ်စၢၤ ယနီၣ်ခိလၢကဒုးထီဒါဝဲခိၣ်ဃၢၤန့ဆၢၣ် တၢ်ကဲထီၣ်သးအဂ့ၢ်သ့ၣ်တဖၣ်အံၤန့ၣ်လီၤ. ယကအိးထီၣ်ယဟံၣ်ပဲတြီဖိအခါဖဲလဲၣ်, မ့တမ့ၢ် ယကအိးထီၣ်ယဟံၣ်ပဲထြီဖဲလဲၣ် တဘ့ၣ်လဲာ်န့ၣ် ဒိးသန့ၤထီၣ်ဝဲအသးလၢ ကလံၤအူအဖီခိၣ်န့ၣ်လီၤ. မ့မ့ၢ်တမ့ၢ်ဘၣ်တခီ လၢကလိလီၤသူထီၣ်တၢ်ကူတၢ်သိးလၢတၢ်ချၢအလီၢ်န့ၣ် လဲၤမၤဃ့ထီၣ်အီၤဖဲတၢ်မၤသူထီၣ်ကူကၤအလီၢ်န့ၣ်လီၤ. တၢ်အံၤဘၣ်ဃးဝဲဒီး တၢ်မၤဆံးလီၤစှၤလီၤ တၢ်လီၤဘၣ်ယိၣ်လၢအကဲထီၣ်သ့ သ့ၣ်တဖၣ်န့ၣ်လီၤ.”
လၢ hay fever ဒီးတၢ်သးဘံးအဂီၢ်န့ၣ် တၢ်ကူစါယါဘျါအကျိၤအကျဲသ့ၣ်တဖၣ်မ့ၢ်မနုၤလဲၣ်?
ကသံၣ်သရၣ်ထီရီၤ Dr Duncan Mackinnon လၢနယူဆီၣ်သ်ဝံခိခိၣ်ဟီၣ်ကဝီၤတဂၤစံးဝဲဒၣ် ဖဲတၢ်ကိၢ်ထီၣ်သီအခါဒီး တၢ်ကိၢ်ခါ အဆၢကတီၢ်န့ၣ် ကသံၣ်ဒၢးဖဲအဝဲမၤတၢ်မၤအပူၤ ပှၤဆါလၢအဟဲဒီး ပာ်ဖျါထီၣ်ဘၣ်ဃး တၢ်ဂ့ၢ်ကီဒီး ကလံၤကသါကျိၤအဂ့ၢ်, ဒ်သိး hay fever ဒီး တၢ်တဖိးလိာ်သဒီးသွံၣ်ထံ တုၤအကဲထီၣ် တၢ်သးဘံး သ့ၣ်တဖၣ်န့ၣ်အိၣ်ဘူးထီၣ်လၢလွံၢ်ပူတပူန့ၣ်လီၤ.
“တၢ်ယါဘျါသးကသံၣ်ကသီသ့ၣ်တဖၣ်န့ၣ်အါတက့ၢ်တၢ်ပှ့ၤအီၤဖဲကသံၣ်လၢတၢ်ပာ်လီၤဆါအီၤဖဲကသံၣ်ကျးပူၤန့ၢ်ဝဲဒၣ်. တၢ်အရ့ဒိၣ်န့ၣ်မ့ၢ်ဝဲ တၢ်မၤလိန့ၢ်ပှၤကညီသ့ၣ်တဖၣ် လၢအကဘၣ်ရဲၣ်ကျဲၤကတီၤလီၤအဝဲသ့ၣ်နီၣ်ကစၢ်ဒၣ်ဝဲတၢ်အိၣ်သးအဂ့ၢ်န့ၣ်လီၤ.”
Dr Mackinnon တဲဒုးသ့ၣ်ညါဝဲ တၢ်ကူစါယါဘျါအကျိၤကျဲလၢအအိၣ်သ့ၣ်တဖၣ်နီၤ, လၢအကပၣ်ဃုာ်:
- Antihistamines (ကသံၣ်ဒီဖျၢၣ် မ့တမ့ၢ် ကသံၣ်ထံလၢတဆဲးပြိနုာ်အထံဆူနါစ့ၤပူၤ) လၢတၢ်မၤလီၤမၢ် hay fever ချ့ချ့အဂီၢ်
- Decongestants (တၢ်သူအီၤထဲဒၣ်တၢ်ဆၢကတီၢ်ဖုၣ်ကိးအဂီၢ်) လၢတၢ်မၤဟိထီၣ်က့ၤနါဒ့ပံးအဂီၢ်
- Ventolin တၢ်သဝံးမီၤကျိလၢတၢ်မၤလီၤမၢ်တၢ်သးဘံးအဂီၢ်
- Preventative corticosteroids (ကသံၣ်ထံလၢတဆဲးပြိနုာ်အထံဆူနါစ့ၤပူၤ မ့တမ့ၢ် တၢ်သဝံးမီၤကျိ) လၢမၤစှၤလီၤတၢ်ညိးထီၣ်ဂီၤထီၣ်အဂီၢ် — အဂ့ၤကတၢၢ်န့ၣ်ဘၣ်စးထီၣ်သူအီၤဖဲတချုးလၢဖီကမူၣ်အါအါအဆၢကတီၢ်.
တၢ်တဖိးလိာ်ဒီးသွံၣ်ထံဘၣ်အဂီၢ် တၢ်ကူစါယါဘျါဒီး တၢ်မၤကွၢ်သး ကျိၤကျဲသ့ၣ်တဖၣ်အိၣ်ဝဲအကလုာ်ကလုာ် ဒိးသန့ၤထီၣ်အသးလၢ တၢ်ပနီၣ်ကဲထီၣ်သးလၢအနးမးသ့ၣ်တဖၣ်အဖီခိၣ်န့ၣ်လီၤ.
Professor Lee, စံးဝဲဒၣ် “နမၤန့ၢ်တၢ်ဆှၢဃီၤနၤဆူကလဲၤထံၣ်လိာ်သးဒီးကသံၣ်သရၣ်လီၤဆီအအိၣ်သ့, လၢအမ့ၢ်ဒ်သိးကသံၣ်သရၣ်လီၤဆီလၢတၢ်တဖိးလိာ်ဒီးသွံၣ်ဘၣ်အဂ့ၢ်, မ့တမ့ၢ် နီၣ်ခိဂံၢ်ကသံၣ်သရၣ်လီၤဆီ, လၢတၢ်သမံသမိးမၤကွၢ်လီၤတံၢ် တၢ်တဖိးလိာ်ဒီးသွံၣ်ထံဘၣ် လီၤဆီလိာ်အသး တခါဘၣ်တခါန့ၣ်လီၤ.”
တၢ်လၢ immunotherapy န့ၣ်မ့ၢ်မနုၤလဲၣ်?
တၢ်လၢ immunotherapy န့ၣ် မ့ၢ်ဝဲတၢ်ကူစါယါဘျါအကျဲတခါ လၢအဟ့ၣ်လီၤဆဲးန့ၢ်ဝဲဖီကမူၣ်လၢအဒုးကဲထီၣ်တၢ်ကီတၢ်ခဲအံၤတစဲးဖိ ဒ်သိးနနီၣ်ခိဂံၢ်သနူန့ၣ် အကမၤညီနုၢ်အသးဒီးတၢ်အံၤအဂီၢ်န့ၣ်လီၤ.
Professor Lee ရှဲပၠးဝဲဒ်အံၤ: “ပဆဲးန့ၢ်ဝဲဒၣ်ပှၤကညီသ့ၣ်တဖၣ်အံၤလၢဖီကမူၣ်အံၤတဆဲးဖိ ဒ်သိးတၢ်ကျဲးစၢးမၤကွၢ် နီၣ်ခိဂံၢ်အံၤ ကမၤညီနုၢ်အသးဒီးဖီကမူၣ်အံၤ ဒီး ဖဲအမ့ၢ်ဘၣ်တိနိၣ်ဒီးဖီကမူၣ်အံၤန့ၣ် အသုတခီဆၢအီၤတလၢကွံာ်အခၢးတဂ့ၤအဂီၢ်န့ၣ်လီၤ.”
မူခိၣ်ကလံၤသီၣ်ဂီၤန့ၣ်အတၢ်ဒိဘၣ်အိၣ်ဒီးတၢ်တဖိးလိာ်သးဒီးသွံၣ်ဘၣ်သ့စ့ၢ်ဧါ?
မ့ၢ်, အတၢ်ဒိဘၣ်အိၣ်ဝဲဒၣ်—တနံၤဒီးတနံၤန့ၣ် တၢ်ထိၣ်ဒွးဖီကမူၣ်သ့ၣ်တဖၣ်အိၣ်ဝဲအကလုာ်ကလုာ်ဒီး ဒိးသန့ၤထီၣ်အသးလၢမူခိၣ်ကလံၤတၢ်အိၣ်သးအဖီခိၣ်န့ၣ်လီၤ. တၢ်ဘိးဘၣ်သ့ၣ်ညါတယာ်ဆိ ဖီကမူၣ်အတၢ်အိၣ်သးသ့ၣ်တဖၣ်န့ၣ်အိၣ်ဝဲဒၣ်ဖဲအီးလဲအပူၤဒီးဖဲလီတဲစိစိာ်စု apps သ့ၣ်တဖၣ်အပူၤ, လၢအအိၣ်စးထီၣ်ဝဲဒၣ်ဖဲ, အိၣ်စှၤ, အိၣ်ဖဲအကြၢး, အိၣ်အါမး, အိၣ်အါတလၢကွံာ်အခၢး သ့ၣ်တဖၣ်န့ၣ်လီၤ.
လီကလံၤမုၢ်—Thunderstorms န့ၣ် မၤနးထီၣ်ဝဲဒၣ် တၢ်တဖိးလိာ်ဒီးသွံၣ်ဘၣ်အံၤသ့စ့ၢ်ကီးဝဲဒၣ်, လၢအကဲထီၣ် လီကလံၤမုၢ် တၢ်သးဘံး — thunderstorm asthma သ့န့ၣ်လီၤ.
Dr Mackinnon ဟ့ၣ်ပလီၢ်ဝဲဒ်အံၤ: “မ့ၢ်ဝဲကလံၤမုၢ်လီၤတံၢ်တခါ—တၢ်စုၣ်စီၣ်, ကိၢ်သအူး, အတၢ်ဆၢကတီၢ်ဒီးကလံၤအူန့ၣ်လီၤ. မ့ၢ်တၢ်လၢအဒုးကဲထီၣ် ဖီကမူၣ်သ့ၣ်တဖၣ်အတၢ်ဒံဝ့ၤဒံဝီၤအါအါဂီၢ်ဂီၢ်ဖြကလံၤကျါ. ပှၤလၢအဘၣ်ထံးလၢတၢ်အံၤသ့သ့ၣ်တဖၣ်အဂီၢ်န့ၣ်, တၢ်အံၤကဲထီၣ်တၢ်လီၤဘၣ်ယိၣ်သ့ဝဲန့ၣ်လီၤ.”
ဖဲဖီကမူၣ်ဒံအါအါအမုၢ်နံၤသ့ၣ်တဖၣ် မ့တမ့ၢ် ဖဲကလံၤမုၢ်အူတၢ်အခါန့ၣ်, Dr Mackinnon ဟ့ၣ်ကူၣ်ဝဲဒ်အံၤ:
- ပဲတြီဖိဒီးပဲတြီဖးဒိၣ်သ့ၣ်တဖၣ်န့ၣ်ကးတံာ်ဃာ်အီၤ
- ဟးဆှဲးတၢ်ဟးထီၣ်ဆူတၢ်ချၢ
- မ့ၢ်ဟးတၢ်ချၢန့ၣ် သိးမဲာ်ဒိးခုၣ် မ့တမ့ၢ် ထီထီၣ်နီၣ်ကျၢၢ်ဘၢမဲာ် (mask)
တၢ်ဆၢကတီၢ်တဖိးဒီးသွံၣ်ထံဘၣ်အဂီၢ်နကပာ်လီၤတၢ်ရဲၣ်တၢ်ကျဲၤဒ်လဲၣ်?
နီၣ်ဝံာ်ခံခိၣ်သ့ၣ်န့ၣ်မ့ၢ်ဝဲတၢ်ကတဲာ်ကတီၤပာ်စၢၤန့ၣ်လီၤ. Professor Lee ဟ့ၣ်ကူၣ်ဝဲဒ်အံၤ: “ဆၢကတီၢ်အခါဒ်အံၤ တၢ်တဖိးဒီးသွံၣ်ထံဘၣ် မ့ၢ်ကဲထီၣ်တ့ၢ်သးဒီးနၤန့ၣ်, ဒ်သိးကအိၣ်ပာ်ဒီး တၢ်ရဲၣ်တၢ်ကျဲၤအဂီၢ် ကြၢးလၢကတဲသကိးတၢ်ဒီးကသံၣ်သရၣ်ထီရီၤန့ၣ်လီၤ.”
တၢ်ပာ်လီၤတၢ်ရဲၣ်တၢ်ကျဲၤအပူၤန့ၣ်ဘၣ်သ့ၣ်သ့ၣ်ကပၣ်ဃုာ်:
- စးထီၣ်သူပာ်ကသံၣ်တြီဆၢတၢ်ဆိဆိ
- အိၣ်ကတီၤပာ်သးဒီးတၢ်ကူစါယါဘျါလၢ တၢ်မၤလီၤမၢ်ကွံာ်အီၤဂီၢ်
- ခိးကွၢ်တၢ်ဘိးဘၣ်သ့ၣ်ညါလီၤဖီကမူၣ်အဂ့ၢ်ကိးနံၤဒဲး
တၢ်ကီတၢ်ခဲသ့ၣ်တဖၣ်မ့ၢ်အိၣ်နာ်သက့ Micaela အိၣ်ဝဲဒီးတၢ်ထံၣ်လၢအဂ့ၤတကပၤန့ၣ်လီၤ:
“မ့ၢ်တၢ်လၢအလီၤသးအ့န့… နာ်သက့ တဘၣ်နီမံၤဘၣ်—အတမ့ၢ်ထဲနၤတဂၤဘၣ်မီၤ. နကတဲၤကတီၤလီၤအီၤန့ၢ်, နလဲၤခီဖျိအီၤန့ၢ်လီၤ. အိၣ်ဒၣ်လၢဘၣ်ဟံးတၢ်ဆၢကတီၢ် လၢမၤသ့ၣ်ညါနသး မ့ၢ်ကျဲဖဲလဲၣ်တခါလၢအဂ့ၤလၢနဂီၢ်န့ၣ်လီၤ.”
ပှၤလၢအဘၣ်နးဘၣ်ဖှီၣ်လၢတၢ်တဖိးဒီးသွံၣ်ထံဘၣ်အဂီၢ် တၢ်ဂ့ၢ်တၢ်ကျိၤလၢ အကဲတၢ်မၤစၢၤသ့ၣ်တဖၣ်
- AusPollen – The Australian Pollen Allergen Partnership
- Pollen Forecast – Australian Aeroallergen Network
- Melbourne Pollen Count
- Sydney Pollen Count
- Darwin Pollen Count
- Perth Pollen Count
- National Allergy Centre of Excellence
- Asthma Australia
- Allergy & Anaphylaxis Australia
- Australasian Society of Clinical Immunology and Allergy
တၢ်ဂ့ၢ်တၢ်ကျိၤလၢအပၣ်ဃုာ်ဖဲတၢ်ပာ်ဖျါအံၤအပူၤသ့ၣ်တဖၣ် မ့ၢ်ဝဲဒၣ်တၢ်ဂ့ၢ်တၢ်ကျိၤအကလုာ်ကလုာ်ဒီး အတမ့ၢ်တၢ်ဟ့ၣ်ကူၣ်ဟ့ၣ်ဖးလီၤတံၢ်လီၤဆဲးဘၣ်. နတၢ်ဘၣ်ယိၣ်မ့ၢ်အိၣ်ဒီး hay fever, တၢ်သးဘံး မ့တမ့ၢ် တၢ်တဖိးဒီးသွံၣ်ဘၣ်အတၢ်ပနီၣ်သ့တဖၣ်န့ၣ်, နကြၢးဟံးန့ၢ်ကသ့ၢ်ကသီအတၢ်ဟ့ၣ်ကူၣ်ဟ့ၣ်ဖးလၢနကသံၣ်သရၣ်ဖးဒိၣ်အအိၣ် မ့တမ့ၢ် ပှၤဖီၣ်ကသံၣ်အအိၣ် ဒ်သိးကန့ၢ်ဘၣ်တၢ်ဂ့ၢ်တၢ်ကျိၤအမ့ၢ်အတီ လၢအဘၣ်ထွဲဒီးနတၢ်အိၣ်သးန့ၣ်လီၤ. တၢ်အိၣ်သးမ့ၢ်အိၣ်လၢဂ့ၢ်ဂီၢ်အူအပူၤတခီ, ကိးဘၣ် ဝးသၢဖျၢၣ် (000) တဘျီဃီတက့ၢ်.
ဒ်သိးကသ့ၣ်ညါအါထီၣ်တၢ်ဂ့ၢ်တၢ်ကျိၤလၢအကါဒိၣ်သ့ၣ်တဖၣ်အဂီၢ် ဒီး တၢ်ဟ့ၣ်ကူၣ်ဟ့ၣ်ဖးလၢ နတၢ်အိၣ်မူအသီဖဲအီစထြ့လယါကီၢ်ပူၤအဂီၢ် Subscribe မ့တမ့ၢ် follow အီစထြ့လယါကီၢ်အဂ့ၢ်အကျိၤ Australia Explained တၢ်ကလုၢ်တက့ၢ်.
နတၢ်သံကွၢ်အိၣ်တမံၤမံၤဧါ? မ့တမ့ၢ် နတၢ်ဆိကမိၣ်အိၣ်လၢ တၢ်ဂ့ၢ်ခိၣ်တီ တခါခါဂီၢ်ဧါ? နဆှၢန့ၢ်ပှၤလီပရီ အံမ့လ် ဖဲ australiaexplained@sbs.com.au အပူၤသ့ဝဲန့ၣ်လီၤ.
