ယူၤကရ့သုးပ့ၢ်ဆှါဝဲၤဒ့စံးလၢ ရှၢၢ်ရှါ တီဆှၢဝဲဒၣ် North Korean - ခိရံယါကလံၤစိၤသုးသ့ၣ်တဖၣ်ဆူ Kursk (ခူၣ်စ်—ခ်) ဟီၣ်ကဝီၤအပူၤ လၢအကွၢ်ဆၢၣ်မဲာ်ဒုးလိာ်သးဒီး ယူၤကရ့ သုးလၢအဒီသဒၢဒုးတၢ်ဖဲန့ၣ်သ့ၣ်တဖၣ်န့ၣ်လီၤ.
ပ့ၢ်ဆှါဝဲၤဒ့အံၤ ထုးထီၣ်ရၤလီၤဝဲဒၣ် တၢ်ကလုၢ် လၢအမ့ၢ်တၢ်ဖီၣ်န့ၢ်ဝဲဒၣ်အီၤလၢ ရှၢၢ်ရှါသုးကွဲၤလ့လိၤတၢ်ဆဲးကျိၤသ့ၣ်တဖၣ်အအိၣ်, လၢအပၣ်ဃုာ်ဒီး ပှၤဘၣ်မူဘၣ်ဒါသ့ၣ်တဖၣ် ပတုာ်ဝဲဒၣ် ပှၤကမျၢၢ်သ့ၣ်တဖၣ် အသိလ့ၣ်ဖးဒိၣ်လၢအလဲၤနုာ်လီၤဆူ Kursk (ခူၣ်စ်—ခ်) ဟီၣ်ကဝီၤအပူၤ, လၢအစိာ်နုာ်ဝဲဒၣ် North Korean သုးဖိသ့ၣ်တဖၣ်န့ၣ်လီၤ.
ဖဲအပူၤကွံာ်တနွံန့ၣ်, တၢ်ဂီၤမူလၢအဒုးနဲၣ်ဖျါဝဲဒၣ် North Korean သုးမုၢ်လၢအကထိအါမးသ့ၣ်တဖၣ် ထီၣ်ဝဲဒၣ်တၢ်သိၣ်လိဖဲ ရှၢၢ်ရှါကီၢ်မုၢ်ထီၣ် အဃိမ့ၢ်ဝဲတၢ်မၤသီၣ်ထီၣ်ဒၢလွဲတၢ်ဟ့ၣ်ပလီၢ်န့ၣ်လီၤ.
တၢ်အံၤမ့ၢ်ဝဲဒၣ် North Korean လၢအမ့ၢ်ထံကီၢ်ခူသူၣ်အံၤ ဆှၢအသုးမုၢ်သံၣ်ဘိသ့ၣ်တဖၣ်ဆူ ထံချၢကီၢ်ချၢဒီး တၢ်ဒုးအိၣ်ထီၣ်တၢ်ပျံၤတၢ်ဖုး လၢသုးအတၢ်ဟူးတၢ်ဂဲၤအံၤ ကကဲထီၣ်ဝဲဒၣ်မ့ၣ်ဆၣ်လၢအဒုးဆူၣ်ထီၣ် ယူၤကရ့ တၢ်သဘံၣ်သဘုၣ် ဒီး ကတုၤလီၤဝဲဒၣ်ဆူ အ့ရှၢၢ်—ပစံဖ့း ဟီၣ်ကဝီၤအပူၤန့ၣ်လီၤ.
Share
