ဝံးထိရံယါပာ်ဂၢၢ်ပာ်ကျၢၤဝဲဒၣ် တၢ်ရဲၣ်တၢ်ကျဲၤလၢကအိးထီၣ် တၢ်သမံသမိးမၤကွၢ်တၢ်အိကသံၣ်မူးဘှီးအလီၢ် အဆိကတၢၢ်တခါဖဲ Fitzroy ကဝီၤဒ့အပူၤ, လၢအမ့ၢ်ဝဲဒၣ်မဲလ်ဘၢမုၢ်နၤခီပှၤဟးလိာ်ကွဲအိၣ်အါကတၢၢ် အဟီၣ်ကဝီၤသ့ၣ်တဖၣ်အကျါတခါန့ၣ်လီၤ.
တၢ်ကလုၢ်တဖၣ်: https://www.sbs.com.au/language/karen/kar/collection/podcast/0ms9u5vjn
တၢ်လီၢ်အံၤကမၤဝဲဒၣ် တၢ်သမံသမိးကွၢ်တၢ်သူကသံၣ်မူးဘှီးသ့ၣ်တဖၣ် ဒီးတၢ်မၤကွၢ်အလီၢ်အံၤ အကမ့ၢ်ဝဲဒၣ် တၢ်ဃုသ့ၣ်ညါဖီၣ်န့ၢ် ပှၤသူကသံၣ်မူးဘှီ အခီၣ်ထံးခီၣ်ဘိအလီၢ်တတီၤ လၢကဒုးသ့ၣ်ညါပှၤဘၣ်မူဘၣ်ဒါသ့ၣ်တဖၣ်အဂီၢ်န့ၣ်လီၤ.
ပှၤဘၣ်မူဘၣ်ဒါသ့ၣ်တဖၣ်ကဃုသ့ၣ်ညါဝဲဒၣ် ကသံၣ်တကလုာ်လၢအအိၣ်ဒီးပံးသဟီၣ်ဆူၣ်မးလၢပှၤကညီတ့ထီၣ်န့ၢ်အီၤ, ဒ်သိး fentanyl ဒီး Nitazenes ကသံၣ်မူးဘှီးသ့ၣ်တဖၣ်န့ၣ်လီၤ. ကသံၣ်မူးဘှီးသ့ၣ်တဖၣ်အံၤတၢ်ကျဲၣ်ကျီဃုာ်အီၤဒီး ကသံၣ်မူးဘှီးအဂုၤအဂၤသ့ၣ်တဖၣ်သ့ဝဲဒၣ်န့ၣ်လီၤ.
တၢ်ဆၢတဲာ်လၢကအိးထီၣ်တၢ်သမံသမိးမၤကွၢ်တၢ်သူကသံၣ်မူးဘှီတၢ်လီၢ်အံၤ မ့ၢ်တၢ်ဟ့ၣ်လီၤ ဝံးထိရံယါအမူဒါလီၢ်လးလီၤဆီလၢအဘၣ်ဃးတၢ်သူကသံၣ်မူးဘှီးသနူ, မ့ၢ်လၢအီစထြ့လယါကီၢ် ကီၢ်စဲၣ်ဒီး ကဝီၤဒိၣ်တၢ်ပၢသ့ၣ်တဖၣ် ဘၣ်ဂဲၤလိာ်ဒီးတၢ်ကီတၢ်ခဲဘၣ်ဃး တၢ်ကမၤဃံးထီၣ် တၢ်ပာ်လီၤတၢ်ဘျၢဒီး တၢ်ဟ့ၣ်လီၤတၢ်ကလုၢ် လၢအအိၣ်ဒီးတၢ်ဘၣ်ဒိဘၣ်ထံးစှၤသ့ၣ်တဖၣ်န့ၣ်လီၤ.
