ဝံးထိရံယါကီၢ်စဲၣ်ခိၣ် Jacinta Allan ဟးထီၣ်ကွံာ်လၢအလီၢ်အလး

ဖီးခးစ်တၢ်ကလုၢ်အဂုၤအဂၤသ့ၣ်တဖၣ်: https://www.sbs.com.au/language/ karen/ kar/collection/podcast/0ms9u5vjn

ဝံးထိရံယါကီၢ်စဲၣ်ခိၣ် Jacinta Allan ဟးထီၣ်ကွံာ်လၢအလီၢ်အလးဒီး စံးဝဲဒၣ်တၢ်အဝဲအံၤန့ၣ် လၢပှၤဝံးထိရံယါဖိသ့ၣ်တဖၣ်အဂီၢ် မ့ၢ်ဝဲတၢ်ဆၢတဲာ်လၢအဘၣ်တခါန့ၣ်လီၤ.

ဖဲတၢ်က့ၤစးထီၣ်ကဒါ ကီၢ်စဲၣ် ဘျီၣ်ဒိၣ်တၢ်အိၣ်ဖှိၣ်အဆၢကတီၢ် ဒ်သိးတၢ်မုၢ်လၢ်ပာ်အီၤအသိး ဖဲတၢ်ရဲၣ်ကျဲၤပာ် ဘျီၣ်ဒိၣ်ထးခီတၢ်အိၣ်ဖှိၣ်အပူၤန့ၣ် တၢ်မၤဝဲဒၣ် တၢ်တာ်တၢ်ဒီးတၢ်တီခိၣ်ရိၤမဲကဲထီၣ်သးဝံၤ တနၣ်ရံၣ်ဘျဲၣ်အလီၢ်ခံန့ၣ်, ဘၣ်တၢ်မၤဝဲတၢ်ဘိးဘၣ်သ့ၣ်ညါလီၤအံၤန့ၣ်လီၤ.

ပၣ်တံၣ်ကိပူၤပှၤဘၣ်မူဘၣ်ဒါ ဒီး ပှၤကရၢကရိ ဘျီၣ်ဒိၣ် တၢ်ဖံးတၢ်မၤသ့ၣ်တဖၣ်အဘၢၣ်စၢၤ, အိၣ်ဖှိၣ်တဲသကိးတၢ်အပူၤန့ၣ် ဆၢတဲာ်ဝဲလၢ ကီၢ်စဲၣ်ခိၣ်အံၤ တဒိးန့ၢ်ဘၣ် ဘျီၣ်ဒိၣ်ထးခီခၢၣ်စးခဲလၢာ် အတၢ်ဆီၣ်ထွဲလၢၤဘၣ်ဝံၤအလီၢ်ခံ, ဖဲနွံကတၢၢ်အဆၢကတီၢ်န့ၣ် တၢ်တာ်တၢ်ဒီး တၢ်တီခိၣ်ရိၤမဲအံၤ အသဟီၣ်ဟဲဆူၣ်ထီၣ်ဝဲန့ၣ်လီၤ.

Ms Allan စံးဝဲဒၣ် ဘၣ်ဃးဒီးအဝဲအတၢ်ဃုထၢသ့ၣ်တဖၣ်အံၤန့ၣ် အဝဲဆိကမိၣ်အီၤလီၤတံၢ်လီၤဆဲးန့ၣ်လီၤ.

“တၢ်အဝဲအံၤန့ၣ် လၢလ့ၣ်ဘၢၣ်ပၣ်တံၣ်ဒီး ပှၤဝံးထိရံယါဖိသ့ၣ်တဖၣ်အဂီၢ်န့ၣ် မ့ၢ်ဝဲတၢ်လၢအဘၣ်န့ၣ်လီၤ. ဒ်သိးပတၢ်သိၣ်တၢ်သီတၢ်ဘျၢအိၣ်အသိးန့ၣ်, ယတၢ်မၤနီၣ်မၤဃါဒီး ယတၢ်ရဲၣ်တၢ်ကျဲၤသ့ၣ်တဖၣ်, ယကဟ့ၣ်လီၤအီၤဖဲကရၢဖိတၢ်ဟ့ၣ်လီၤတၢ်ဖးအပူၤအဂီၢ်, ယအိၣ်ကတီၤပာ်ဝဲယသးန့ၣ်လီၤ. ယနာ်လၢယကမၤနၢၤတၢ်. ဘၣ်ဆၣ်သနာ်က့ ဖဲတၢ်ဃုထၢဘူးထီၣ်အဆၢကတီၢ် တၢ်မၤသးဒ်အံၤန့ၣ် မ့ၢ်တၢ်ဟံးထီၣ်ကွံာ် ဂံၢ်ထံးကံၢ်စီလၢအလုၢ်ဒိၣ်ပှ့ၤဒိၣ်သ့ၣ်တဖၣ်, လၢအပၣ်ဃုာ် တၢ်လၢအလုၢ်ဒိၣ်ပှ့ၤဒိၣ်ကတၢၢ်တခါ, လၢအမ့ၢ် တၢ်ဆၢကတီၢ် န့ၣ်လီၤ. တၢ်အရ့ဒိၣ်န့ၢ်တၢ်အံၤန့ၣ်မ့ၢ်ဝဲ တၢ်မၤသးဒ်အံၤန့ၣ် ကဲထီၣ်တၢ်ပာ်လီၤ ကီၢ်စဲၣ်အံၤဖဲတၢ်အိၣ်သးတဂၢၢ်တကျၢၤဘၣ်အပူၤန့ၣ်လီၤ.”