ဘၣ်ဆၣ်သနာ်က့ ပှၤသ့ပှၤဘၣ်စဲၤနိၣ်သ့ၣ်တဖၣ်စံးဝဲ တၢ်ရဲၣ်တၢ်ကျဲၤ, လၢတၢ်စိာ်အီၤဆူမဲာ်ညါသၢလါ တုၤလၢလါအီးကထိဘၢၣ်အတီၢ်ပူၤအံၤ, ဘၣ်သ့ၣ်သ့ၣ် အတကဲထီၣ်တၢ်မၤစၢၤထဲသိးဒီးလၢ တၢ်ဆိကမိၣ်ဆိပာ်စၢၤအီၤအသိးဘၣ်န့ၣ်လီၤ.
အဝဲသ့ၣ်စံးဝဲဒၣ် တၢ်ရဲၣ်တၢ်ကျဲၤအံၤ ပာ်လီၤတဲာ်ဝဲဒၣ်ပှၤလၢအအိၣ်ဒီးကျိၣ်စ့တၢ်ဂံၢ်စၢ်ဘါစၢ်ဒီး ကးတံာ်ဝဲဒၣ် ပှၤလၢအတၢ်ဟဲနုာ်အိၣ်စှၤသ့ၣ်တဖၣ်အကျဲန့ၣ်လီၤ.
ဒီးဆူမဲာ်ညါစၢၤသွဲၣ် လၢအကပှ့ၤဟံၣ်အဆိကတၢၢ်တဖျၢၣ်သ့ၣ်တဖၣ်အဂီၢ်, တၢ်ရဲၣ်တၢ်ကျဲၤ ကမၤအကီထီၣ်ဝဲဒၣ် လၢအဝဲသ့ၣ်တၢ်လဲၤကျဲဆူကန့ၢ်ကဲထီၣ်ဘၣ်ဟံၣ်ကစၢ်အဂီၢ်န့ၣ်လီၤ.
ဖဲတၢ်ရဲၣ်တၢ်ကျဲၤအံၤအဖီလာ်န့ၣ်, ထံကီၢ်ဒီဘ့ၣ်တၢ်ပာ်ပနီၣ် ဟံၣ်ပှ့ၤဖဲအကြၢးန့ၣ်မ့ၢ်ဝဲဒၣ် ဒီလၣ် ၈၄၄,ဝဝဝ ဒီး ပှၤတဂၤလၢအဃုပှ့ၤဟံၣ်အဆိကတၢၢ်တဖျၢၣ်န့ၣ် လိၣ်ဘၣ်ပာ်ဝဲဒၣ် စ့ပာ်ဖှိၣ်ဖဲစ့တၢးပူၤထဲဒၣ် ဒီလၣ် ၄၂,၂ဝဝ န့ၣ်လီၤ.
ပဒိၣ်န့ၣ် ကမ့ၢ်ဝဲဒၣ် ပှၤအုၣ်ကီၤတၢ်, လၢအဟ့ၣ်လီၤမၤစၢၤဝဲဒၣ် စ့အိၣ်တ့ၢ် ၁၅မျးကယၤအံၤ ဒီး ပျဲဝဲပှၤပှ့ၤဟံၣ်သ့ၣ်တဖၣ် ဟးဆှဲး တၢ်ဟံးလိၢ်စ့လၢတၢ်ပှ့ၤဟံၣ်အဂီၢ် တၢ်အုၣ်ကီၤ — လၢအမ့ၢ်တၢ်အုၣ်ကီၤတခါ လၢအလီၤလၢဝဲဒၣ် ဒီလၣ် ၅ဝ,ဝဝဝ လၢတၢ်ပှ့ၤဟံၣ် လၢအပှ့ၤအိၣ်ဒီလၣ် တကကွဲၢ်တဖျၢၣ်အဂီၢ်န့ၣ်လီၤ.
ခဲကနံၣ်အံၤန့ၣ် တၢ်ရဲၣ်တၢ်ကျဲၤအံၤ အိၣ်ဝဲဒၣ်ဒီး တၢ်ပာ်ပနီၣ်ထိ လၢတနံၣ်အဂီၢ် ပှၤဟံးန့ၢ်အီၤန့ၢ်ပှဲၤဂၤ ဒီး အိၣ်စ့ၢ်ကီးဒီး တၢ်ပာ်ပနီၣ် ကျိၣ်စ့တၢ်ဟဲနုာ်ဒီး ပှၤလၢအကမၤန့ၢ်တၢ်ရဲၣ်တၢ်ကျဲၤအံၤ ဒီး တၢ်ပာ်ပနီၣ် နီၣ်ထိၣ်ဒီး ဟံၣ်အပှ့ၤလၢ တၢ်ပှ့ၤအီၤန့ၢ်ထဲလဲၣ် သ့ၣ်တဖၣ်န့ၣ်လီၤ.
ဘၣ်ဆၣ်သနာ်က့စးထီၣ်ဖဲလါအီးကထိဘၢၣ် ၁သီန့ၣ်, တၢ်ပာ်ပနီၣ် ကျိၣ်စ့တၢ်ဟဲနုာ် အနီၣ်ထိၣ်န့ၣ် အတအိၣ်လၢၤဘၣ်, တၢ်ဟံးန့ၢ်အီၤန့ၢ်ထဲလဲၣ်စ့ၢ်ကီး အနီၣ်ထိၣ်တအိၣ်လၢၤဘၣ် ဒီး တၢ်မၤအါထီၣ်စ့ၢ်ကီး ထံကီၢ်ဒီဘ့ၣ် တၢ်ပာ်ပနီၣ် တၢ်ထိၣ်ဃူနီၣ်ထိၣ် လၢတၢ်ပှ့ၤဟံၣ်ဃီအပှ့ၤအဂီၢ်န့ၣ်လီၤ.
