ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲကိးနံၤဒဲးတၢ်ပာ်ဖျါ: တၢ်လိာ်ကွဲပြၢ ၈ သီအနံၤ

တနံၤအံၤတၢ်လိာ်ကွဲပြၢအပူၤ မဲးစံၤကိၤ ဖျၢၣ်ထူကရူၢ်မၤနၢၤဝဲဒၣ် ခိးရံယါ ကလံးထံး ဖျၢၣ်ထူကရူၢ်အဃိ မဲးစံၤကိၤ လဲၤထီၣ်ဘၣ်ဝဲဆူမဲာ်ညါတဆီ, ဒီးမ့မ့ၢ်တၢ်လိာ်ကွဲပြၢဖဲကီၢ်ခဲနဒၣ်အပူၤန့ၣ်အိၣ်ဒီးတၢ်ဘၣ်ဒိဘၣ်ထံးနးနးကလဲာ်န့ၣ်လီၤ. တူၢ်လိာ်မုာ်ဘၣ်ပှၤဒိကနၣ်တၢ်ဖိသ့ၣ်တဖၣ်ဖဲဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲ ကိးနံၤဒဲးတၢ်ပာ်ဖျါအပူၤ. ယၤန့ၣ်မ့ၢ်ရှါဖီၤ, ဒီး အဝဲအံၤန့ၣ်မ့ၢ်ဝဲဒၣ် FIFA World Cup 2026 — ဟီၣ်ခိၣ်ဒီဘ့ၣ် ဖျၢၣ်ထူတၢ်လိာ်ကွဲပြၢ ၈သီတသီအနံၤ တၢ်ပာ်ဖျါအဘိၣ်န့ၣ်လီၤ.

---

ဖီးခးစ်တၢ်ကလုၢ်အဂုၤအဂၤသ့ၣ်တဖၣ်: https://www.sbs.com.au/language/ karen/ kar/collection/podcast/0ms9u5vjn

ဖဲကရူၢ် — A အပူၤန့ၣ် မဲးစံၤကိၤမၤန့ၢ်ဝဲအလီၢ် လၢတၢ်ဖီခိၣ်ဂၢၢ်ကျၢၤကျၢၤလံ မ့ၢ်လၢမၤနၢၤဝဲဒၣ် ခိးရံယါ ကလံၤထံး ဖျၢၣ်ထူကရူၢ် ၁ – ဝ ကိ, ဖဲလၢအဝဲသ့ၣ်လိာ်ကွဲပြၢလိာ်အသးဖဲ Estadio Akron တၢ်လိာ်ကွဲပျီ, လၢအမ့ၢ်တၢ်လိာ်ကွဲအဘျီၣ်တဖျၢၣ် လၢအအိၣ်ဘူးဖဲ Guadalajara ဖဲ မဲးစံၤကိၤအပူၤန့ၣ်လီၤ.

El Tri, မ့တမ့ၢ် မဲးစံၤကိၤကီၢ်ဖျၢၣ်ထူကရူၢ်အံၤ, မ့ၢ်ဝဲဒၣ် ၂ဝ၂၆နံၣ် ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲ, ဖျၢၣ်ထူကရူၢ်အဆိကတၢၢ်တဖု လၢအလဲၤထီၣ်ဘၣ်ဆူညါတဆီန့ၣ်လီၤ.

မဲးစံၤကိၤ ဖျၢၣ်ထူကရူၢ်ပှၤလိာ်ကွဲဖဲတၢ်ချၢၣ်သး Luis Romo ထူနုာ်လီၤဝဲဒၣ် ကိတဖျၢၣ် ဖဲလၢ ခိးရံယါကလံၤထံးဖျၢၣ်ထူကရူၢ် ပှၤဖီၣ်ကိ မၤကမၣ်တၢ်ဖးဒိၣ်ဝံၤအလီၢ်ခံန့ၣ်လီၤ.

ဖဲကရူၢ်တခါဃီအပူၤအံၤ, ဆီၣ်သ် အးဖြံးကး ပာ်မူပာ်ဂဲၤအဝဲသ့ၣ်ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲ အတၢ်မံမီၢ်န့ၢ်ဒ်ဝဲဒၣ် မ့ၢ်လၢ ဖဲတၢ်လိာ်ကွဲပြၢ ဘူးကဝံၤန့ၣ် အဝဲသ့ၣ် မၤန့ၢ်ဝဲ တၢ်မၤကမၣ်တၢ်—ဖဲၤနၢၤလ်တံၤ တဖျၢၣ်ဒီး ထူနုာ်လီၤဝဲဒၣ် အဃိန့ၣ်လီၤ. အဝဲသ့ၣ်ထူပြၢဒီး Czechia ဖျၢၣ်ထူကရူၢ်အံၤ ဒိးန့ၢ်ဘၣ်ဝဲ တကပၤ တကိစုာ်စုာ်အဃိ အနၢၤအရှူတအိၣ်ဘၣ်.

———

ဖဲတနံၤအံၤဂီၤခီ, ခဲနဒၢ် ဖျၢၣ်ထူကရူၢ်မၤနၢၤဝဲ ကးတါ ဖျၢၣ်ထူကရူၢ် ၆—ဝ ဒီးအဝဲသ့ၣ်လိာ်ကွဲဝဲဖဲ Vancouver ဝ့ၢ်န့ၣ်လီၤ. အဝဲသ့ၣ်အတၢ်မၤနၢၤတဘျီအံၤန့ၣ် မ့ၢ်ဝဲတၢ်အဒိကတၢၢ်တဘျီ လၢ North American ဒီး Caribbean ဟီၣ်ကဝီၤ ပိာ်ခွါဖျၢၣ်ထူကရူၢ် ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲပြၢ အတၢ်စံၣ်စိၤတဲစိၤအပူၤန့ၣ်လီၤ.

ဘၣ်ဆၣ်သနာ်က့ တၢ်မၤနၢၤအံၤ အိၣ်ဖျါလီၤခံးကွံာ်ဝဲဒၣ် မ့ၢ်လၢခဲနဒၢ်ဖျၢၣ်ထူကရူၢ် ပှၤလိာ်ကွဲဖဲတၢ်ခၢၣ်သး Ismaël Koné အခီၣ်ကၢ်ဒီး တၢ်ဘၣ်စိာ်ထုးထီၣ်ကွံာ်အီၤဖဲပျီပူၤဒီး စုာ်စိာ်ပှၤဆါန့ၣ်လီၤ.

မ့မ့ၢ်လၢတၢ်လိာ်ကွဲပြၢဖဲ Los Angeles န့ၣ် Switzerland ဖျၢၣ်ထူကရူၢ်န့ၣ် မၤနၢၤဝဲ ဘီးစနံယါ ဒီး ဟၢၤစံၤကိဘံနါ ဖျၢၣ်ထူကရူၢ် ၄—၁ ကိ ဒီး ဖျၢၣ်ထူလၢ အဝဲသ့ၣ် ခံခီခံကပၤ ထူနုာ်လီၤအီၤ ယဲၢ်ကိအံၤ မ့ၢ်ဝဲဒၣ်ဖဲ တၢ်လိာ်ကွဲဘူးကဝံၤ အလီၢ်ခံကတၢၢ် အမံးနံး ၂ဝ အတီၢ်ပူၤန့ၣ်လီၤ.

လၢကရူၢ် — B အပူၤန့ၣ် ကရူၢ်လၢအအိၣ်လၢတၢ်မဲာ်ညါန့ၣ် မ့ၢ်ဝဲဒၣ် ခဲနဒၢ်ဒီး စွံၣ်စလဲး, အဝဲသ့ၣ်န့ၢ်ဝဲဒၣ် အမး လွံၢ်မး စုာ်စုာ် ဒီး ကဘၣ်တိနိၣ်လိာ်အသးဖဲလါယူၤ ၂၅သီအနံၤန့ၣ်လီၤ.

———

အခဲအံၤန့ၣ် ပကကွၢ်ကဒါက့ၤလၢ Socceroos ဖျၢၣ်ထူကရူၢ်အတၢ်အိၣ်သးလၢခံကတၢၢ်.

တၢ်ဂံၢ်ခိၣ်ခံကဒါတၢ်ဆၢကတီၢ်န့ၣ်စးထီၣ်အသးလံ, ဒီး တၢ်ပှဲၤသိးလိာ်သးန့ၣ်အိၣ်ဖျါဝဲရှဲရှဲဖိ: Socceroos အံၤမ့ၢ်မၤနၢၤဝဲဒၣ် ဟံၣ်ကစၢ် USA န့ၣ် အဝဲသ့ၣ် ကန့ၢ်ထီၣ်ဘၣ်ဝဲဒၣ်ဆူမဲာ်ညါတဆီန့ၣ်လီၤ.

ကီၢ်အမဲရကၤ ပှၤလိာ်ကွဲဖျၢၣ်ထူလီၢ်လံၤသ့ၣ်တဖၣ်ဒီး ပှၤဃုထၢတၢ်ကစီၣ်သ့ၣ်တဖၣ်စံးလၢ အဝဲသ့ၣ် အထံကီၢ်ဖျၢၣ်ထူကရူၢ်န့ၣ် မ့ၢ်ကရူၢ်လၢတၢ်ဘၣ်သးအီၤအါဝံၤအလီၢ်ခံ တၢ်ဖ့ၣ်ဆၢသ့ၣ်တဖၣ်အိၣ်ထီၣ်ဝဲဒၣ်န့ၣ်လီၤ

ဘၣ်ဆၣ်သနာ်က့ အီစထြ့လယါကီၢ် ဖျၢၣ်ထူကရူၢ် အတၢ်ဂံၢ်ဆူၣ်တခါန့ၣ်မ့ၢ်ဝဲဒၣ် အပာ်တၢ်ပညိၣ်လီၤဖဲ တၢ်လီၤဆီလိာ်အသးအါကလုာ် အတၢ်အိၣ်ဖှိၣ်သကိးန့ၣ်လီၤ.

အီစထြ့လယါကရူၢ် ပှၤလိာ်ကွဲဖျၢၣ်ထူဖိ Awer Mabil စံးဝဲဒ်အံၤ,

“ဒ်နသ့ၣ်ညါအသိး, ယအိၣ်ဒီးတၢ်ဃဲၤလၢအမ့ၢ်…ယထံယကီၢ်အပူၤန့ၣ်တၢ်ဒုးတၢ်ယာ်ကဲထီၣ်, အဃိယမိၢ်ယပၢ်ဘၣ်ဃ့ၢ်ထီၣ်ကွဲဖဲယထံယကီၢ်ဒီး အီစထြ့လယါကီၢ်န့ၣ် တူၢ်လိာ်ပှၤ ခီဖျိအဟ့ၣ်လီၤပှၤ ပှၤဂ့ၢ်ဝီတၢ်ဒိသူၣ်ဒိသးအလံာ်ခီကီၢ်, မ့ၢ်လၢတၢ်အံၤအဃိ ယဟဲဘၣ်ဖဲအီစထြ့လယါကီၢ်ပူၤ. ဒီးပှၤအဂုၤအဂၤ လၢအအိၣ်ဒီးတၢ်ဂ့ၢ်တၢ်ကျိၤ လၢအဘၣ်ဟဲဆူအီစထြ့လယါကီၢ်န့ၣ်အိၣ်ဝဲအါမး. အဃိ, လၢယဂီၢ် ဖဲပှၤဘၣ်ကီဘၣ်ခဲအနွံအံၤန့ၣ်, မ့ၢ်ဝဲဒၣ်နွံတနွံ လၢယအဲၣ်ဒိးတဲဘၣ် ပှၤတဂၤလၢ်လၢ် လၢအဘၣ်သုးလီၢ်သုးကျဲဆူတၢ်လီၢ်အါတီၤ ဖဲသကုၤဟီၣ်ခိၣ်ဒီဘ့ၣ်အပူၤ, လၢပအိၣ်ဒီးသု, ဒီး အခဲအံၤန့ၣ် ပအိၣ်ဝဲဒၣ်ဖဲဟီၣ်ခိၣ်ဒီဘ့ၣ် ပျဲၢ်စီၣ်အဖီခိၣ်, ဖဲတၢ်လိာ်ကွဲပြၢဖးဒိၣ်အပူၤ ဒီးယအဲၣ်ဒိးတဲဘၣ်သုလၢ တၢ်ခဲလၢာ်န့ၣ် အကဲထီၣ်သ့, အဃိ ဆဲးလဲၤအီၤဆူညါကွ့ၢ်ကွ့ၢ်”.

ပှၤနဲၣ်တၢ် Tony Popovic အပှၤလိာ်ကွဲဖိသ့ၣ်တဖၣ် အိၣ်ဝဲလၢလၢပှဲၤပှဲၤ လၢကလိာ်ကွဲပြၢလိာ်အသးဒီး USA ဖဲလါယူၤ အသီ ၂ဝ အနံၤန့ၣ်လီၤ. စးထီၣ်လၢ ဂီၤခီ ၄နၣ်ရံၣ်န့ၣ် နကွၢ်ကီ တၢ်ထုးထီၣ်ရၤလီၤတကတီၢ်ဃီ တဘျီဃီ သ့ဝဲဒၣ်ဖဲ SBS အပူၤန့ၣ်လီၤ.

ဖဲမုၢ်ဘူၣ်—မုၢ်ဃုနံၤန့ၣ်, Scotland ကဘၣ်ထူပြၢဒီး Morocco, Brazil ကဘၣ်တိနိၣ်လိာ်သးဒီး Haiti, ဒီးအီစထြ့လယါကရူၢ် — D အပှၤပြၢလိာ်သး Türkiye န့ၣ် ပဘၣ်ပြၢလိာ်အသးဒီး Paraguay န့ၣ်လီၤ.

———

အခဲအံၤန့ၣ်နဒိကနၣ်ဝဲဒၣ် World Cup Daily Update တၢ်ရဲၣ်အတၢ်ကျဲၤ ၈သီတသီ တၢ်လိာ်ကွဲပြၢတၢ်ကစီၣ်. ယၤန့ၣ်မ့ၢ် ရှါဖီၤ.

FIFA World Cup 2026™—၂ဝ၂၆နံၣ် ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲပြၢန့ၣ် နကွၢ်ကီ ကလီအီၤ ဖဲ SBS ဒီး SBS On Demand အပူၤ သ့ဝဲကိးဆၢကတီၢ်ဒဲးန့ၣ်လီၤ.