ဟီၣ်ခိၣ်ဒီဘ့ၣ် ဖျၢၣ်ထူတၢ်လိာ်ကွဲပြၢ — FIFA World Cup တၢ်လိာ်ကွဲပြၢ ၆သီတသီအနံၤအံၤ ပှၤလိာ်ကွဲဖျိးစိသ့ၣ်တဖၣ် ပာ်ဖျါထီၣ်အဝဲသ့ၣ်အကံၢ်အစီဒီး အတၢ်လိာ်ကွဲအပတီၢ်သ့ၣ်တဖၣ်တလၢကွံာ်ဝဲဒၣ် တၢ်ပာ်ပနီၣ် အနီၣ်ထိၣ်သ့ၣ်တဖၣ်န့ၣ်လီၤ. Lionel Messi ကဲထီၣ်ဝဲ ပှၤလိာ်ကွဲဖိအဆိကတၢၢ်တဂၤ လၢတၢ်ပာ်ဖျါလီၤဆီအီၤဖဲ ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲပြၢ ဃုဘျီအပူၤ ဒီး ဘၣ်တၢ်မၤလၤကပီၤအီၤခီဖျိအဝဲသွီနုာ်ဂိလ် န့ၢ်ဝဲဒၣ် ဟဲၣ်ထြ့ၣ်, hat-trick အဃိန့ၣ်လီၤ.
မ့မ့ၢ်လၢ ကီလီယန် အမ်ဘာပေ—Kylian Mbappé ဒီး Erling Haaland ခံဂၤလၢာ်တခီ မၤနၢၤဝတၢ်ဒိၣ်ဒိၣ်မုၢ်မုၢ် ဒီး အဝဲသ့ၣ် တဂၤစုာ်စုာ်န့ၣ် သွီနုာ်လီၤဂိလ်န့ၢ်ဝဲဒၣ် ခံဖျၢၣ်န့ၣ်လီၤ. တူၢ်လိာ်မုာ်ဘၣ်သုဖဲ World Cup Daily Update တၢ်ရဲၣ်အတၢ်ကျဲၤအပူၤအံၤ. ယၤန့ၣ်မ့ၢ်ဝဲ ရှါဖီၤ ဒီး အဝဲအံၤန့ၣ်မ့ၢ်ဝဲဒၣ် ဟီၣ်ခိၣ်ဒီဘ့ၣ် ဖျၢၣ်ထူတၢ်လိာ်ကွဲပြၢ — FIFA World Cup တၢ်လိာ်ကွဲပြၢ ၆သီတသီအနံၤ တၢ်ပာ်ဖျါအဘိၣ်န့ၣ်လီၤ.
ဖြၣ်စ့ၣ်ဖျၢၣ်ထူကရူၢ်အံၤ အိးထီၣ်ဝဲဒၣ် အဝဲသ့ၣ် Group I တၢ်လိာ်ကွဲ လၢအပြၢလိာ်သးဒီး Senegal—ဒီး မၤန့ၢ်ဝဲ ၃—၁ ဂိလ် ဖဲဝ့ၢ်နယူယီၣ်လီၤ.
ဖဲအဝဲသ့ၣ်လိာ်ကွဲ အဆိကတၢၢ် တကတီၢ်န့ၣ် အနၢၤအရှူတအိၣ်နီတကပၤဘၣ် ဝံၤအလီၢ်ခံ တုၤလီၤဖဲ ၆၆ မံးနံးန့ၣ် Kylian Mbappé —သွီနုာ်လီၤဝဲဒၣ် ဂိလ်တဖျၢၣ် ဒီး မ့မ့ၢ် ဂိလ် ခံဖျၢၣ်တဖျၢန့ၣ် Bradley Barcola သွီနုာ်လီၤဝဲဒၣ်အီၤန့ၣ်လီၤ.
မ့မ့ၢ် ဆံၤနံၤကၢၤ အကရူၢ်န့ၣ် ဖဲတၢ်ဟ့ၣ်လီၤအါထီၣ်တၢ်ဆၢကတီၢ် လၢတၢ်ဘၣ်ဒိဘၣ်ထံးအဂီၢ် အတီၢ်ပူၤန့ၣ် သွီနုာ်လီၤဝဲဒၣ် တဂိလ် နာ်သက့ လၢခံတယံၤဘၣ်န့ၣ် Mbappé သွီနုာ်လီၤကဒါက့ၤဝဲဒၣ်တဂိလ် ဒီး ကဲထီၣ်ဘၣ်ဝဲဒၣ် ဖြၣ်စ့ၣ်ပှၤလိာ်ကွဲဖျၢၣ်ထူဖိလၢ အသွီနုာ်လီၤဂိလ် အအါကတၢၢ်တဂၤန့ၣ်လီၤ.
တကတီၢ်ဃီန့ၣ် ဖဲ Massachusetts အပူၤ တၢ်လိာ်ကွဲပြၢဖျၢၣ်ထူ လၢအမ့ၢ်, အီစထြ့လယါ ပှၤနဲၣ်တၢ် Graham Arnold အဖျၢၣ်ထူကရူၢ် Iraq ဒီး ကီၢ်နီၤဝ့ ဖျၢၣ်ထူကရူၢ် ဟဲက့ၤနုာ်လီၤပြၢကဒါက့ၤတၢ်အဃိ ကဲထီၣ်ဝဲတၢ်ဒုးမူဒုးဂဲၤထီၣ်က့ၤ ဟီၣ်ခိၣ်ဒီဘ့ၣ်ဖျၢၣ်ထူတၢ်ပြၢန့ၣ်လီၤ.
ဖဲအဝဲသ့ၣ် တၢ်လိာ်ကွဲပြၢ တၢတကတီၢ် တချုးဝံၤဒ်ဘၣ်အခါန့ၣ် ပှၤလိာ်ကွဲဖျၢၣ်ထူ လၢတၢ်မဲာ်ညါ Erling Haaland —သွီနုာ်လီၤဝဲဒၣ် ဂိလ် ၂ဂိလ် ဝံအလီၢ်ခံ နီၤဝ့ဖျၢၣ်ထူရူၢ်အံၤ မၤနၢၤဝဲတၢ်ပြၢအံၤဒီး ၄—၁ ဂိလ်န့ၣ်လီၤ.
အဆၢမ့ၢ်ဟဲထီၣ်ဒ်အံၤနာ်သက့န့ၣ်, ဘၣ်ဃးဒီး Iraq ဖျၢၣ်ထူကရူၢ် တၢ်ခွဲးတၢ်ယာ်အဂီၢ်န့ၣ် Arnold အိၣ်ဒ်ဝဲဒီး တၢ်ထံၣ်လၢအဂ့ၤတကပၤ လၢအကလဲၤထီၣ်ဒ်ဝဲတဆီဘၣ်တဆီ ဖဲကရူၢ်အံၤအပူၤန့ၣ်လီၤ.
“ပကဘၣ်ပာ်တၢ်ပညိၣ်လီၤလၢတၢ်မနုၤလဲၣ်န့ၣ် အိၣ်ဖျါဝဲဒၣ်ရှဲရှဲဖိလီၤ, ယဆိကမိၣ်န့ၣ် တၢ်ဒိးန့ၢ် အမး သၢမးန့ၣ် လဲၤထီၣ်ဆူမဲာ်တဆီကန့ၢ်ဝဲဒၣ်. ပကဘၣ်ဆဲးထူ တၢ်ပြၢအိၣ်ဒ်ဝဲဒၣ် ခံခါ ဒံး, ယဆိကမိၣ်န့ၣ် ဖဲတၢ်လိာ်ကွဲပြၢ အဆိကတၢၢ် တဝာ်န့ၣ် ပိာ်ခွါသ့ၣ်တဖၣ်မၤအဝဲဒၣ်အီၤန့ၢ်ဂ့ၤဂ့ၤလီၤ. တၢ်ကမၣ်တခါခံခါဖိန့ၣ် ဘၣ်ထံးဝဲဒၣ်ပှၤဖးဆါညါ.”
မ့မ့ၢ်လၢ Kansas City တခီန့ၣ်, Lionel Messi ထူနုာ်လီၤဝဲဖျၢၣ်ထူ သၢဂိလ်, ဒ်သိးဒီး ပှၤဒီသဒၢဝဲဒၣ် ပှၤစဲၤနီၣ်အသိးန့ၣ် Argentina မၤနၢၤဝဲဒၣ် —Algeria ၃—ဝ ဂိလ်န့ၣ်လီၤ.
Lionel Messi ပှၤလိာ်ကွဲဖျၢၣ်ထူစဲၤနီၣ် လၢအသးနံၣ်အိၣ် ၃၉နံၣ်အံၤ ခဲကနံၣ်အံၤန့ၣ် အပတီၢ်တုၤသိးဝဲဒီး မီရိုဆလပ် ကလိုဆေး လၢအသွီနုာ်လီၤဂိလ် ၁၆ဖျၢၣ် ဒီးကဲထီၣ်ဝဲဒၣ် ပှၤလိာ်ကွဲဖိ လၢအသွီနုာ်လီၤဂိလ်န့ၢ်အါကတၢၢ် ဖဲဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲပြၢအပူၤန့ၣ်လီၤ.
မ့မ့ၢ်ဖဲ California န့ၣ်, Austria မၤနၢၤဝဲဒၣ် Jordan ဖျၢၣ်ထူကရူၢ် ၃—၁ ဂိလ်န့ၣ်လီၤ.
လၢ Austria အဂီၢ်န့ၣ် Romano Schmidထူနုာ်လီၤဆိဝဲဒၣ်ဂိလ်တဖျၢၣ်, တချုးဖဲလၢ Ali Olwan ထူနုာ်လီၤကဒီးဂိလ် ဖဲတၢ်လိာ်ကွဲ ခံပတီၢ်တပတီၢ် စးထီၣ်ကဒါက့ၤ သီသီအခါန့ၣ်လီၤ. ဘၣ်ဆၣ်သနာ်က့ Austria က့ၤမၤန့ၢ်အါထီၣ်ကဒါက့ၤဝဲဒၣ် ဂိလ် လၢအပၣ်ဃုာ်ဒီး ဖဲလ်နၢၤတံၤ တဖျၢၣ် န့ၣ်လီၤ.
အခဲအံၤန့ၣ် ပကထံၣ်ဘၣ် ကဒီးဝဲဒၣ် Socceroos တၢ်လိာ်ကွဲပြၢဖဲ FIFA World Cup တၢ်ပြၢအပူၤန့ၣ် အိၣ်တ့ၢ်က့ၤဒၣ်ထဲ သၢသီ, လၢအကဘၣ်ထူဝဲဒၣ်ဒီး ဟံၣ်ကစၢ် အမဲရကၤဖျၢၣ်ထူကရၢ ဖဲ Seattle ဝ့ၢ်, ဖဲလါယူၤအသီ ၂ဝ မုၢ်ထီၣ်တၢ်ဆၢကတီၢ် ဂီၤခီ ၅နၣ်ရံၣ်, ဒီး ကဘိးဘၣ်ရၤလီၤအီၤဖဲ SBS ကွဲၤထံၣ်ဟူအပူၤန့ၣ်လီၤ. ဖဲန့ၣ်အလီၢ်ခံ လါယူၤ ၂၆သီအနံၤန့ၣ် အီစထြ့လယါကီၢ် ကဘၣ်တိနိၣ်လိာ်က့ၤသးဒီး Paraguay ဒီး တၢ်ကဘိးဘၣ်ရၤလီၤအီၤဖဲ SBS ကွဲၤထံၣ်ဟူအပူၤန့ၣ်လီၤ.
မ့ၢ်ကွၢ်လၢ ခဲမုၢ်ဆ့ၣ်အနံၤ World Cup အတၢ်ပြၢအပူၤန့ၣ်, မ့မ့ၢ် Group A ကဘၣ်ထူဝဲဒၣ် ဒ်သိးဒီး တၢ်ပြၢ ခံဝီတဝီအသိး လၢအမ့ၢ် South Korea ဖျၢၣ်ထူကရူၢ် ကဘၣ်ပြၢဒီး Mexico ဖျၢၣ်ထူကရူၢ်, ဒီးအဝဲသ့ၣ်ခံဖုလၢၤအံၤ ဖဲအတၢ်ပြၢ အဆိကတၢၢ်တဘျီအပူၤန့ၣ် မၤနၢၤဝဲဒၣ်တၢ် ခံဖုလၢၤန့ၣ်လီၤ.
မ့မ့လၢ Group B တခီ, ကီၢ်ခဲနဒၣ် လၢအမ့ၢ်စ့ၢ်ကီး ဖျၢၣ်ထူတၢ်လိာ်ကွဲပြၢဟံၣ်ကစၢအံၤ ကဘၣ်ပြၢလိာ်အသးဒီး Qatar, ဒီးမ့မ့ၢ် Switzerland န့ၣ် ကဘၣ်တိနိၣ်လိာ်ဝဲအသးဒီး Bosnia ဒီး Herzegovinaဖျၢၣ်ထူကရူၢ်သ့ၣ်တဖၣ်န့ၣ်လီၤ.
အခဲအံၤန့ၣ်နဒိကနၣ်ဝဲဒၣ် World Cup Daily Update တၢ်ရဲၣ်အတၢ်ကျဲၤ ၆သီတသီအတၢ်ပြၢတၢ်ကစီၣ် ဒီး ယၤန့ၣ်မ့ၢ်ဝဲဒၣ် ရှါဖီၤန့ၣ်လီၤ.
၂ဝ၂၆နံၣ် ဟီၣ်ခိၣ်ဒီဘ့ၣ်ဖျၢၣ်ထူတၢ်လိာ်ကွဲပြၢန့ၣ် နကွၢ်ကီ ကလီအီၤ ဖဲ SBS ဒီး SBS On Demand အပူၤသ့ဝဲန့ၣ်လီၤ.
