មានទិដ្ឋាការឳពុកម្តាយប៉ុន្មានប្រភេទដែរនៅក្នុងប្រទេសអូស្រ្តាលី ប៉ុន្តែបើមិនថ្លៃទេ ក៏ត្រូវរង់ចាំយូរដែរ។
ទិដ្ឋាការដែលមិនបង់វិភាគទាន (Non-contributory visas)
វាគឺជាជម្រើសដែលចំណាយអស់ប្រាក់តិចបំផុត ប្រមាណជា៦ពាន់ដុល្លារប៉ុណ្ណោះ សម្រាប់អ្នកដាក់ពាក្យគោល និង២ពាន់ដុល្លារទៀតសម្រាប់ប្តីឬប្រពន្ធក្នុងបន្ទុក។ ដោយសារតែការផ្តល់ជូនទិដ្ឋាការនេះ ក្នុងមួយឆ្នាំៗមានចំនួនកំណត់ នោះបញ្ជីរង់ចាំគឺវែងមែនទែន ដែលអាចថាត្រូវរង់ចាំរហូតដល់ទៅ៣០ឆ្នាំឯណោះ។
ដើម្បីមានសិទ្ធិដាក់ពាក្យសុំបាន ឳពុកម្តាយត្រូវមានអ្នកធានា ធ្វើតេស្តសុខភាពនិងអាកប្បកិរិយា ព្រមទាំងឆ្លងកាត់ការធ្វើតេស្តសមតុល្យគ្រួសារ (balance family test)។ ដើម្បីជាប់តេស្តសមតុល្យគ្រួសារ យ៉ាងហោចណាស់ត្រូវមានកូនពាក់កណ្តាលរស់នៅអចិន្ត្រៃយ៍ក្នុងប្រទេសអូស្រ្តាលី។
ទិដ្ឋាការដែលបង់ប្រាក់វិភាគទាន (Contributory visas)
ទិដ្ឋាការដែលបង់ប្រាក់វិភាគទានមានដំណើរការលឿនជាង (ក្រោម២ឆ្នាំ) ប៉ុន្តែវាក៏មានតម្លៃថ្លៃជាងផងដែរ។ សម្រាប់ទិដ្ឋាការអចិន្រ្តៃហ៍មួយ ត្រូវចំណាយសរុបអស់ជិត៥០០០០ដុល្លារ។
ដើម្បីមានសិទ្ធិដាក់ពាក្យសុំបាន ឳពុកម្តាយត្រូវមានអ្នកធានា ធ្វើតេស្តសុខភាពនិងអាកប្បកិរិយា ព្រមទាំងឆ្លងកាត់ការធ្វើតេស្តសមតុល្យគ្រួសារ (balance family test) និងលិខិតធានា(assurance of support)។ លិខិតធានាគឹជាការសន្យាផ្លូវច្បាប់មួយពីអ្នកធានាក្នុងការផ្តល់នូវការគាំទ្រផ្នែកហិរញ្ញវត្ថុ។
វារួមទាំងទិដ្ឋាការ subclasses 143, 173, 864 and 884.
Trazer os pais, e avós, para a Austrália é o sonho de milhares de famílias. Source: AAP
ទិដ្ឋាការសម្រាប់ឳពុកម្តាយដែលស្ថិតក្នុងវ័យធ្វើការ
ប្រសិនបើឳពុកម្តាយស្ថិតនៅក្នុងវ័យធ្វើការ ពួកគាត់អាចដាក់ពាក្យសុំទិដ្ឋាការបណ្តោះអាសន្នលេខ 173 ឬ 884ដែលត្រូវចំណាយចាប់ពី២០០០០ដុល្លារ ដល់៣២០០០ដុល្លារ ហើយនឹងអនុញ្ញាតិឲ្យពួកគាត់ធ្វើការនៅក្នុងប្រទេសអូស្រ្តាលីរយៈពេល២ឆ្នាំដោយអាចប្រើប្រាស់Medicare បាន។ បន្ទាប់មកពួកគាត់អាចប្តូរទៅទិដ្ឋាការអចិន្ត្រៃយ៍លេខ 143 បាន ដោយត្រូវបង់២០០០០ដុល្លារបន្ថែមទៀត។
ជម្រើសដទៃទៀត៖ ទិដ្ឋាការភ្ញៀវទេសចរ
សម្រាប់ឳពុកម្តាយដែលមិនមានកូនយ៉ាងហោចណាស់ពាក់កណ្តាលរស់នៅក្នុងប្រទេសអូស្រ្តាលីទេនោះ ជម្រើសចំបងរបស់ពួកគាត់គឺទិដ្ឋាការជាភ្ញៀវទេសចរVisitor visa subclass 600។
វាអនុញ្ញាតិឲ្យពួកគាត់មកលេងរហូតដល់១ឆ្នាំ ហើយចំណាយអស់ត្រឹមតែ១០០០ដុល្លារប៉ុណ្ណោះ។ ប៉ុន្តែបន្ទាប់ពីមួយឆ្នាំនេះទៅ ពួកគាត់នឹងត្រូវត្រឡប់ទៅប្រទេសដើមវិញយ៉ាងហោចណាស់៦ខែទើបអាចដាក់ពាក្យសុំមកសួរសុខទុក្ខរយៈពេល១២ខែទៀត។
Source: AAP
ទិដ្ឋាការបណ្តោះអាសន្នថ្មីដែលអាចនឹងមកដល់នាពេលឆាប់ៗនេះ
នៅពេលឆាប់ៗខាងមុខនេះ អាចនឹងមានជម្រើសបន្ថែម១ផ្សេងទៀតសម្រាប់ឳពុកម្តាយដែលមិនជាប់ការធ្វើតេស្តសមតុល្យគ្រួសារ។
រដ្ឋាភិបាលងូស្រ្តាលីបានប្រកាសកាលពីខែមុននេះថា ទិដ្ឋាការ new temporary parent visa ដែលអនុញ្ញាតិឲ្យពួកគាត់រស់នៅក្នុងប្រទេសអូស្រ្តាលីបានរហូតដល់ទៅ១០ឆ្នាំនេះ អាចនឹងត្រូវចំណាយរហូតដល់ទៅ២០០០០ដុល្លារ។ លើសពីនេះទៅទៀត កូនឬក៏អ្នកធានានឹងត្រូវបង់ថ្លៃធានារ៉ាប់រងសុខភាពឯកជន និងដើរតួជាអ្នកធានាខាងផ្នែកហិរញ្ញវត្ថុសម្រាប់ចំណាយថ្លៃថែទាំសុខភាពបន្ថែមទៀតផង។
ទិដ្ឋាការនេះនឹងមិនអនុញ្ញាតិឲ្យសុំសិទ្ធិរស់នៅជាអចិន្រ្តៃយ៍បានឡើយ ហើយឳពុកម្តាយត្រូវតែចាកចេញពីប្រទេសអូស្រ្តាលីបន្ទាប់ពីផុតកំណត់១០ឆ្នាំ។
ទិដ្ឋាការធានាឳពុកម្តាយមករស់នៅជាបណ្តោះអាសន្នថ្មីនេះនៅត្រូវការការបោះឆ្នោតគាំទ្រនៅឡើយ។ ប្រសិនបើវាឆ្លងសភារួចមែននោះ វាអាចនឹងមានសុពលភាពចាប់ពីចុងឆ្នាំនេះតទៅ។
សម្រាប់ព័ត៌មានបន្ថែមសូមចូលទៅកាន់គេហទំព័ររបស់ក្រសួងអន្តោប្រវេសន៍ Department of Immigration and Border Protection៕
