Др Христијан Миленковски, општ лекар од Волонгонг,Нов Јужен Велс, чија специјалност е семјното здравје, здравјето на мажите, на постарите, менталното здравје и спортската медицина, вели дека најчестите прашања од неговите пациенти кои и натаму се колебаат дали да примат вакцина против Ковид-19 се поврзани со безбедноста на вакцините и можните последици.
Според д-р Миленковски, сите прашања од страна на пациентите се валидни и во разговор за СБС на македонски одговара на некои од најчестите во врска со вакцините.
Тој појаснува дека вакцините не содржат состојки кои предизвикуваат алергични реакции, а за привремените последици вели дека можат да бидат болка на местото на убодот, симптоми на лесна настинка или болки во мускулите, главоболка и слично, но дека траат вообичаено ден-два.
Доколку последиците се поинтензивни и траат подолго, најдобро е да се посети лекар, вели др Христијан Миленковски.
Share
