Може ли роботот 'Аби' да помогне во секторот за нега на стари лица?

Постојат нови примери на вештачка интелигенција што се воведуваат во секторот за нега на стари лица, од системите за превенција од пад, до нови начини за справување со социјалната изолација. Меѓу нив е и хуманоиден робот од Австралија, кој се нарекува Аби.

Роботот Аби во дом за стари лица во Мелбурн. Credit: (SBS)

Аби е хуманоиден робот со пријателско лице и талент за јазици.

Направени се напори да се вградат љубопитност и емпатични особини во нејзиното програмирање.

Примарната функција на хуманоидниот робот е интеракција со жителите и има способност да зборува на речиси 90 јазици.

Тоа е важно поради што во подоцнежните години, луѓето можат да се вратат и се потпрат на начинот на комуникација кој им e најудобeн.

Аби користи вештачка интелигенција за да препознава лица, да учи од нејзините интеракции со жителите и да се сеќава на претходните разговори.

Хуманоидниот придружник, кој, за првпат беше развиен пред три години среде предизвиците за изолација предизвикани од пандемијата COVID-19, е изум на 24-годишната инженерка за мехатроника Грејс Браун, која објаснува дека главен фокус биле манирите на Аби, нејзината личност и начинот на кој таа поставува прашања.

Иновативна технологија која се фокусира на социјалнатa изолација, произведена во Австралија и која еволуира и учи со секоја интеракција.

Браун вели се наоѓаат на прагот на нова технолошка ера каде што социјалните хуманоидни роботи ќе се размножуваат во болниците, образованието и училиштата.