Може ли да патувате надвор од Австралија за време на ковид-19 ако имате двојно државјанство

Ms Sanja Zografska-Krsteska, Macedonian Counsul-General in Melbourne Source: Supplied

Македонскиот генерален конзул во Мелбурн, Сања Зографска-Крстеска во разговор за СБС на македонски вели дека иако можностите за патување се ограничени, сепак има исклучоци за лицата со двојно државјанство. Тие треба да се обратат до австралискиот комесар, надлежен за пограничната служба со објаснување на причините за нивното патување. За ваков исклучок, вели г-ѓа Зографска-Крстеска, тие можат да аплицираат и онлајн, преку интернет страницата на Одделот за внатрешни работи (Department of Home Affairs) и во својата молба треба да образложат кои се причните за нивното патување и истите да ги поткрепат со докази и документи. Патувањето може да биде потребно заради хуманитарни причини, заради укажување здравствена помош на своите постари родители кои живеат во татковината или други членови на семејството. Можете да слушнете повеќе во аудио разговорот.