После над 40 години успешна и плодна кариера македонскиот виртуоз на гитара Влатко Стефановски со своето трио ќе ја посети Австралија и ќе одржи три концерти во Мелбурн, Сиднеј и Перт. Влатко Стефановски има издадено 14 албуми со неговата поранешна група "Леб и Сол" и над 20 како соло уметник. Има настапувано ширум светот и соработувано со голем број светски музичари и оркестри меѓу нив и Лондонскиот симфониски оркестар. Зад своето име има и голем број проекти во театарската и филмската уметност. Овој македонски амбасадор на културата за својата досегашна работа на полето на културата е назначен за почесен доктор на Универзитетот "Кирил и Методиј" од Скопје, но е и прв македонски рокер кој ја добива државната награда за животно дело "11 Октомври". Во последниот период настапува со Влатко Стефановски трио.
Влатко Стефановски во своите доцни тинејџерски години ја формира рок групата "Леб и Сол". Бенд кој ќе биде еден од најпознатите и најзначајни имиња на музичката сцена не само во Македонија туку и поранешна Југославија во 80-те години од минатиот век.
Леб и Сол зад себе оставија 14 албуми а Влатко беше главна алка во групата.
По распаѓањето на "Леб и Сол", Влатко Стефановски започнува соло кариера. Снима и издава повеќе албуми како што се Каубојци и Индијанци, Сараево, Кула од карти, В.Стефановски Трио и други.
Албумот "Крушево" е резултат на соработката со Мирослав Тадиќ со што Влатко отвара нова страна во неговото свирење со акустична гитара и неговото понатамошно истражување на македонската традиционална музика.
Неговиот последен 35 албум инаку прв акустичен насловен како "Мајчин јазик" во издание на Кроација рекордс излезе годинава. Стефановски во него ги претставува акустичните верзии на некои од најпознатите македонски народни песни.
Во последните неколку години Влатко свиреше и снимаше низ целиот свет со многумина врвни уметници: Томи Емануел, Сточело Розенберг, Јан Акерман, Теодосиј Спасов, Стефан Миленковиќ, Ману, Тони Левин и други.
Како солист Влатко има свирено и со бројни оркестри и ансамбли како што се: Лондонскиот симфониски оркестар, Симфониските оркестри од Лајпциг, Софија, Љубљана, оркестарот од Монте Карло, но и со повеќе телевизиски оркестри од поранешнa Југославија.
Овој македонски амбасадор на културата за својата досегашна работа на полето на културата е назначен за почесен доктор на Универзитеттот "Кирил и Методиј" од Скопје, но е и прв македонски рокер кој ја добива државната награда за животно дело "11 Октомври".
Влатко Стефановски во Австралија доаѓа со своето трио со кое настапува во последните години.
Пред доаѓањето во Мелбурн во разговор за СБС радио изјави:
" Со нетрпение чекам да се сретнеме со нашата публика во Австралија и со нашите сонародници кои живеат таму и малку да ги разнежиме со македонските традиционални песни и за момент да ги вратиме во стариот крај".
Целиот разговор со Влатко Стефановски можете да го слушнете во аудио разговорот.
Видео по наш избор. Влатко Стефановски трио во изведба на Македонско девојче.
